«الصورة دي فوتو شوب».. إبراهيم سعيد ينتقد الشيبي: «لاعب رخم ومشاغب»

علق إبراهيم سعيد مدافع الأهلي ومنتخب مصر السابق على الأزمة المشتعلة حاليًا بين حسين الشحات نجم الأهلي والمغربي محمد الشيبي لاعب فريق بيراميدز.
وقال إبراهيم سعيد: «هكلم سريعا على أزمة حسين الشحات ومحمد الشيبي، أولا حسين غلط والأهلي عاقبه بس الموضوع يا جماعة راح المحاكم وبقى مش حلو إحنا مصدقنا الجمهور رجع والدنيا رجعت اشتغلت تاني».
اقرأ أيضًا: «كلمة أساطير اتبهدلت».. رد ناري من إبراهيم سعيد على أيمن يونس بشأن نجم الزمالك
وعرض إبراهيم سعيد عبر برنامجه على شاشة قناة النهار صورة لمحمد الشيبي، وهو يضحك مع حسين الشحات بعد نهاية مباراة الأهلي وبيراميدز التي شهدت واقعة تعدي حسين الشحات على السيبي بعدما اعتذر له الشحات وقبل رأسه.
وأوضح إبراهيم سعيد منفعلا: «الصورة دي كان الشيبي بيضحك والشحات باس راسه وكان الموضوع خلص، فعندي سؤال للشيبي طالما أنت مضايق وزعلان وقفت ليه تتراضى وكنت بتضحك..؟ والموقف حصل قدام الكابتن هاني سعيد مدير الكرة في بيراميدز، والدنيا كلها مصورة يعني خلاص الموضوع انتهى».
وتابع نجم الأهلي السابق: «أنا واحد من الناس مكنتش هقف واتراضى مادمت مش متقبل الاعتذار والموضوع بقه فيفا ومشاكل وانضباط واتحاد كورة وتحقيقات وقضايا وحاجة غريبة الموضوع لازم يتقفل عشان مش حلو خالص أتمنى الشيبي يقفل الموضوع، وفي النهاية ده موقف ما بينا وخلاص واحنا أصدقاء ملعب وفي الأول والأخر كلنا بنغلط».
وتابع إبراهيم سعيد: «على فكرة كان ممكن الشحات يقول مش هعتذر لك اخبط دماغك في الحيط، أنا لاعيب في الأهلي، والشيبي لاعيب كويس جدا ومميز اه هو رخم شوية ومشاغب بس هو في الأول والأخر لاعيب كورة».
واختتم إبراهيم سعيد رسالته للشيبي قائلًا: «أنت هتطبل كورة في يوم من الأيام وهتقابل حسين الشحات ويقابلك هي كورة في الأول والاخر فأتمنى نقفل الملف ده وكفاية كده».