«15قذيفة مثيرة».. ملخص تصريحات شيكابالا

فتح محمود عبدالرازق شيكابالا قائد فريق الزمالك، الكثير من الملفات خلال ظهوره عبر قناة mbc مصر 2.
وجاء ظهور صاحب ال 38 عاما على خلفية تتويج الفارس الأبيض ببطولة الكونفيدرالية الأفريقية بعدما تغلب على نهضة بركان المغربي إيابا بهدف دون رد.
وشهد اللقاء الحديث حول تفاصيل أزماته مع جماهير الأهلي وسبب تفوق المارد الأحمر، وكواليس رحيل إمام عاشور، ومبادرة إنهاء أزمة حسين الشحات ومحمد الشيبي.
وفي السطور التالية، ترصد «المصري اليوم» أبرز تصريحات شيكابالا خلال ظهوره التلفزيوني.
انضمام رمضان صبحي للزمالك
وقال شيكابالا: «أتمنى تعاقد نادي الزمالك مع رمضان صبحي، جناح نادي بيراميدز».
«مسؤولو الزمالك لم يأخذوا رأيي بشأن التعاقد مع رمضان صبحي، ولو أخذوا رأيي هقول أه طبعًا».
هل جنش يفوت المباريات للزمالك؟
«نفسي جنش، يرجع الزمالك تاني، لأن الناس حاطينه في حتة مش حلوة، ودخلوا فيها قصة أهلي وزمالك وهي مش كده خالص».
«جنش، أكبر من اللي هو يلعب ماتش وعاوز فرقته تخسر، هو أكبر من كده أنا مش هناقش حد في الموضوع ده، يا جماعة عيب».
كواليس مفاوضات الأهلي
«الزمالك مكنش عايزني وقتها، فقررت فتح مفاوضات مع الأهلي، ووقعت على عقود انضمامي للقلعة الحمراء، وخضت مرانا منفردا على ملعب مختار التتش في الجزيرة».
«لكني أبلغت المهندس عدلي القيعي خلال المفاوضات أنني قد احتفل بتسجيل الزمالك أي هدف في مرمى الأهلي، وأنا ارتدي القميص الأحمر، وأبقى كده بطلت كورة».
رسالة خاصة لممدوح عباس
«أنا بعشق ممدوح عباس رئيس الزمالك السابق، لأنه بيساعد النادي من غير ما يقول في أي وقت».
«كنت بشوف لاعيبة بتقول لرئيس نادي أنت بابا وأنت وأنت عشان يغيروا عقدهم، وأنا مش هعمل كده».
أزمة منتخب مصر
«منتخب مصر؟ مش حابب أروح، بحس إن أنا غريب لما بروح المنتخب، والناس اللي كانت موجودة بتحسسني بكدة، كنت بروح منتخب مصر وأنا في أفضل مستوى ومش بلعب».
«ممكن أقول حاجات كوارث حصلت في منتخب مصر خلال المعسكرات، بس مقدرش عشان أنا اتربيت إن اللي بيحصل مقدرش أقوله».
خلاف الشيبي والشحات
«أنا مستعد بقوة للتدخل من أجل حل أزمة حسين الشحات ومحمد الشيبي لأنها نرفزة ملعب».
«بعت ل الشيبي رسالة اعتذار بالنيابة عن لاعبي مصر، وما حدث نرفزة ملعب، ومستعد للتدخل من أجل حل هذه الأزمة».
دعم مصطفى شوبير
«مصطفى شوبير حارس مرمى الأهلي الآن كلمني من قبل وقال لي سأقوم بالخروج على سبيل الإعارة بسبب عدم المشاركة بشكل اساسي، ولكن رفضت ذلك ونصحته بالبقاء في النادي الأهلي حتي يتعلم من محمد الشناوي، لأنه الحارس الأفضل في مصر».
«علاقتي مميزة ب مصطفى شوبير وهو حارس مميز ويملك إمكانيات وشخصية كبيرة».
حقيقة رحيل زيزو
«زيزو مستمر مع نادي الزمالك، وكلمني قالي حاجة واحدة بس وقفل، أنا عايز أفضل في النادي».
«قدر زيزو إنه يتبني عليه الفريق مش بمزاجه، ولابد من تواجده في الزمالك خلال السنوات المقبلة. هو من أهم لاعبي مصر وأفريقيا ويستاهل المكانة اللي فيها».
هل ينتقل فتوح للأهلي؟
«أحمد فتوح؟ كنت واثق إن سيناريو انتقال إمام عاشور إلى الأهلي لن يتكرر مع فتوح، عشان متربي في الزمالك».
«أحمد فتوح هو أحرف لاعب في فريق الزمالك الحالي، وزملكاوي متربي في النادي واتصعد للفريق الأول بعد مجهود كبير، وبقوله لو انت فايق الفريق كله هيكون كدة بسببك».
سبب تفوق الأهلي
«الفلوس مهمة، ليه الأهلي بياخد كل البطولات دي؟ عشان الفلوس».
«ميفعش الأهلي يكون فوق ومن بعده الزمالك، وتحت الإسماعيلي وباقي الأندية، احنا كان عندنا فريق جامد قبل نهائي القرن راحوا فين دلوقتي بسبب الفلوس؟».
تفاصيل حوار إمام عاشور
وبشأن تفاصيل الحديث الذي دار بينه وبين إمام عاشور، خلال مواجهة الأهلي والزمالك في كأس مصر الأخير، قال شيكابالا: «مقدرش أقول إيه اللي حصل، هو يقول».
«نهاية الكلام إنه كان عايز التيشيرت بتاعي، أنا ماكنتش متوقع رحيله للأهلي، لو كنت تشوفه عندنا إمام عاشور زملكاوي مجنون، دا اللي كنا شايفينه».
موعد اعتزال شيكابالا
«قررت الاعتزال بنهاية الموسم المقبل، سيكون الأخير لي مع كرة القدم، وأشعر أن ذلك هو القرار الصحيح».
«وقت تجديد عقدي مع نادي الزمالك حسين لبيب رئيس النادي أكد لي أن من الممكن أن أضع كل شروطي، وأنا احترمه كثيرا.
الرد على جماهير الأهلي
«غلطت بردي على جماهير الأهلي بعد مباراة كأس مصر، واعترفت بالخطأ ده بعدما روحت البيت».
«تعرضت لبعض المضايقات في مباراة نهائي كأس مصر الأخيرة ورديت بطريقتي، لأن في أوقات مكانش بييجي حقي».
«أتمنى جماهير الأهلي والزمالك ترجع زي زمان ويقعدوا جنب بعض في مدرج واحد، مش فارق معايا أكون أسطورة أو لا، المهم إن يتشاور على ويقولوا الزملكاوي أهو».
دعم فلسطين
أتمني أن تذهب العوائد المادية لمباراة السوبر الأفريقي بين الأهلي والزمالك ل أخواتنا في غزة.
أزمة محمد الشناوي والصحافة
«محمد الشناوي عنده حق، لكنه أخطئ فقط في التعميم، لكن في الأياس عنده حق».
«لو نشر خبرا عن محمد الشناوي وهو خاطئ من الأساس، هل سيعتذر له أحد؟!».