نجم الأهلي السابق عن أزمة تذاكر مباراة بيراميدز: متجييش في حتتي وتلعب.. هتزعل

يستعد الأهلي لمواجهة نظيره بيراميدز، يوم الإثنين المقبل، في الجولة ال31 من بطولة الدوري المصري، على استاد الدفاع الجوي.
وشهدت الأيام الماضية أزمة بشأن رفع بيراميدز التذاكر الخاصة بمباراة الأهلي، ليتدخل مجلس الإدارة ويقوم بشرا التذاكر لمنحها للجماهير.
وقال رضا شحاتة نجم الأهلي السابق في هذا الشأن: «الفكرة إن الاهلي بيلاعب بيراميدز دلوقتي، لاعيبة الاهلي بتلاعب بيراميدز مش ماتش كأس، بيحضر بنسبة من 60 ل70% وفي خناقة دايرة بره التذاكر والحجز».
وأضاف في تصريحات عبر برنامج «الكورة مع فايق»: «نصيحة للي عايز يتعلم متلعبش مع الأهلي بره الملعب. اللعب معاه جوه لأن دي حتته».
وأكمل: «ركز في ملعبك لو عايز توصل لهدف ده ملعب الأهلي أنت جاي في ملعبي وبتلاعبني أنا اللي هكسب في الآخر. أنا متمرس في الحتة دي المواقف الصعبة في التصريحات، وبعرف أصدر ضغوط للفرق التانية».
وتابع: «دي بتاعتي متجيش في حتتي وتلعب في الآخر أنت هتزعل. اللقاء الجاي الأهلي يكسبه ياخد الدوري وأنت مصدر ضغوط بالمكسب اللي فات هو عايز يحقق ويفضل مكمل في الحتة دي والهدف الأسمى جاي».