هل الجن يخفى الأشياء من أمامنا؟.. أمين الفتوى يفجر مفاجأة (فيديو)

أجاب الدكتور على فخر، أمين الفتوى بدار الإفتاء المصرية، عن سؤال متصلة حول: «فى حاجات كتير بتضيع من بيتى وبعدين بلقاها في مكانها، مش عارفة اعمل إيه ومفيش حد بيدخل أو يخرج إلا أنا هل الجن يقدر يخفى الحاجات دى عنى؟».
وقال أمين الفتوى بدار الإفتاء المصرية، خلال حلقة برنامج «فتاوى الناس»، المذاع على فضائية «الناس»، اليوم الخميس: «لا مفيش حاجه اسمها حد بياخد حاجة من البيت، ممكن تكون هي بترتب الأمور وبعدين بترجع تعيد ترتيبها تاني وبعدين تنساها وعلى فكرة هذا يحدث معنا كثيرا ممكن يبقى في حاجه احنا متعودين إنها في المكان الفلاني بس انا جيت في وقت معين وأنا برتب وانا بنظف وأنا بعمل فين نقلها من مكانها وبقول ايه لا انا هغير المكان».
وتابع: «لو حتى كان شيطان أو كذاب وسوسه فقط انما علشان يتدخل وينقل اشياء مادية من مكان إلى مكان، لا مستحيل حدوث هذا الأمر».