والدة طفلة البحيرة بعد قرار رئيس الوزراء علاجها من العمي: «نفسي بسمة ترجع تشوف»

قرر الدكتور مصطفي مدبولي، رئيس مجلس الوزراء، علاج الطفلة بسمة عوض الطحاوي، والتى أصيبت بالعمي منذ 4 سنوات أثناء تواجدها في المدرسة، نتيجة (خبطة) من باب بالمدرسة، وتم نقلها للعلاج في معهد ناصر.
وقال رئيس مجلس الوزراء لوزير الصحة خلال زيارته لقرية زاوية صقر في محافظة البحيرة: «لو معملناش حاجة في الزيارة النهاردة غير خدمة بنتنا دي كفاية»، وتم نقلها بسيارة الإسعاف لمعهد ناصر في اللحظة.
وقالت والدة الطفلة بسمة عوض الطحاوي، بسمة بنتي في الصف الثاني الإعدادي، وأصيبت وهي في الصف الخامس الابتدائي في الشبكية نتيجة (خبطة باب الحمام).
وأوضحت رجعت من المدرسة وقالت «يا ماما أنا مش شايفة، ووجدت كدمة أعلي العين، وسألتها، قالت اتفتح عليها باب الحمام في المدرسة واتخبطت جامد».
وتضيف «عانينا على مدار 4 سنين، رغم أن ظروفنا على قدها، لكن وعملنا لها أول عملية وقتها، وعملية ورا عملية، حتى وصلنا إلى 11 عملية في 4 سنين، وفي الآخر قالوا لنا نزل نزيف على العين، من شدة الخبطة، وماعدتش تشوف، والأمل في ربنا».
وقالت والدة بسمة «إن زوجها علم بزيارة رئيس مجلس الوزراء، للقرية، لمدة 4 أيام ينتظر حضوره ليطلب منه علاج بنته، والحمد لله نجح إنه يقابله، رغم إن ناس كتير قالوا له مش هتعرف تقابله».
ووجهت والدة بسمة الشكر للدكتور مصطفى مدبولي رئيس مجلس الوزراء الاستجابة لعلاج ابنتها، في معهد ناصر في القاهرة.
وأضافت: «جوزي اتصل بيا وقالي خدي بالك عشان أنا مسافر مع بسمة لللمستشفي في عربية اسعاف».
وقالت: «نفسي بسمة تشوف، نفسي تبقي كويسة، يارب ترجع تشوف، زي إخواتها».