لقاء الخميسي عن علاقتها بزوجها: «الست الناصحة متخربش على نفسها»

أكدت الفنانة لقاء الخميسي، أن شرارة الحب بينها وبين زوجها محمد عبدالمنصف حارس مرمى نادي الزمالك السابق ومنتخب مصر، لم تنطفئ، موضحةً أنها شعرت بتخبطه في القرارات في فترة من فترات حياتهما ولكنها قررت الحفاظ على بيتها وعلاقتهم.
وقالت لقاء الخميسي، خلال استضافتها ببرنامج «أسرار» مع الإعلامية أميرة بدر المذاع على قناة النهار: «طبعًا بحب جوزي لغاية دلوقتي لأن هو راجل يتحب، مفيش حد معندوش عيوب ومكنش بيقعد معايا كتير ولكن هو راجل حنين وبيحب ولاده وأمي وإخواتي وكل الناس، وقبل كده أخويا حصل له أزمة ووقف معاه، وأنا عديت بمرحلة سخيفة في حياتي في نص الثلاثينيات واستحملني، وكنت أوقات بروح الشغل وأرجع أقول أنا مش عايزة أشتغل تاني وكان بيستحملني».
لقاء الخميسي توجه نصيحه للنساء
ووجهت لقاء الخميسي، نصيحة للنساء بعدم التفتيش وراء أزواجهن، قائلة: «هو في بداياته في ال 37 سنة دي كنت ببلع حاجات كتير، زي أنه سافر شهر ومعرفش عنه حاجة، وأكلمه يقولي سيبيني، وجوزي أنضف من أنه يتقفش، وأنا حسيت أن في حاجة حصلت وأنا مش هفتش وراه وأضايق نفسي ليه؟ ما كل حاجة هتعدي، ولكن أنا حسيت ومش عايزة أشوف إثبات، والست الناصحة متخربش على نفسها، وعملت مش واخدة بالي وعدت».
علاقة لقاء الخميسي بالأهلي والزمالك
وعن علاقتها بجمهور النادي الأهلي، فعلقت لقاء الخميسي: «جمهور الأهلي معرفش عنه حاجة، أنا بشجع الأهلي علشان بحبه، وجوزي بيشجع الزمالك فأنا بشجع الزمالك، ولو الأهلي بيلعب مع أي حد أو برا هشجعه بيمثل مصر.»
وعن أزمتها مع جمهور نادي الزملك، فقالت لقاء الخميسي: «جت فترة جمهور الزمالك كان بيشتم وأنا كنت برد، مقدرش أني مردش أسكت لو حد جه ناحية جوزي أو أبويا، وأنا اللي بحسه بقوله على طول ومبستناش، وجوزي كان هيتجنن مني هو مكنش عايز يرد».
كما كشفت لقاء الخميسي، كواليس فترة تدريب زوجها في نادي الزمالك، قائلة: «هو عارف أنه داخل في مرحلة صعبة وممكن في أي وقت ميكملش لأن أي مدرب بيتغير، وهما متعودين على مدرب أجبني والأجنبي بيجي بالفريق بتاعه، ده كل الموضوع».
ميعاد عرض برنامج أسرار
برنامج «أسرار» تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
إقرأ أيضًا..
لقاء الخميسي تحسم الجدل حول ديانتها: «بصلي في المسجد والكنيسة»
لقاء الخميسي: رفضت فيلم «احكي يا شهر زاد» بسبب مشهد حميمي (فيديو)