شيرين عبدالوهاب عن أزمتها الأخيرة: كنت بقول يارب خدني أنا وبناتي (فيديو)

كشفت الفنانة شيرين عبد الوهاب عن كواليس إحدى الفترات الصعبة التي مرت عليها خلال السنوات الماضية، قائلة إنها تمنت الموت لها ولبناتها.
شيرين عبدالوهاب تكشف معاناتها وامنيتها للموت
وأضافت شيرين خلال لقائها ببرنامج «بودكاست Bigtime» للثنائي أصالة وعمرو أديب: «لما كانت الناس تشوفني في حفلة ويقولوا مش ده أداء شيرين اللي احنا نعرفها، وفي الوقت ده إحساسهم كان حقيقي لإني ما كنتش طبيعية فعلا، وفي أول حفلة ليا في مهرجان كرطاج لما وقعت فيها على المسرح، بعد أزمتي وقعت وقعة غريبة جدًّا على ركبتي وقعدت فترة أتعالج وما حدش كان يعرف، وكان فيه حاجة غريبة بتحصلي».
وتابعت: «اللي بيأذيني مش حطاه في راسي نهائيا، بس أنا بتأثر جدا، والناس من حقها تعرف أنا كنت تعبانة والظروف كانت معايا صعبة جدا».
واستكملت شيرين: «فيه أوقات حاولت أموت وكنت بقول لربنا لو ما خدتنيش أنا هزعل منك اوي وخدنى أنا وبناتي علشان أنا مش هعرف أسيبهم في الدنيا لوحدهم».
شيرين عبدالوهاب تكشف عن مفاجأة صادمة
وقالت «شيرين عبدالوهاب»، في البرومو التشويقي للحلقة: «بقالي 25 سنة بتسرق».
وأضافت شيرين عبدالوهاب عبر بودكاست: «طلبت الاستشارة من دكاترة نفسيين ومعرفوش يوصلوا لحاجه ولا حل لحالتى».
اقرأ أيضًا: شيرين: اتعملي سحر على مفتاح باب أوضة نومي.. ولما قريني بيتعبني بشغّل سورة «ق» (فيديو)