مرتضى منصور يتحدث عن الراحلين من الزمالك.. ويوجه رسائل للجماهير

كشف المستشار مرتضى منصور رئيس نادي الزمالك السابق، عن رحيل عدد من لاعبي الفريق الأول لكرة القدم بالقلعة البيضاء، في نهاية الموسم الجاري.
وقال مرتضى منصور في تصريحات عبر قناة «الزمالك»: «في لعيبة هتمشي ولعيبة هتيجي، وفقًا لطلبات أوسوريو، المدير الفني للفريق».
ووجه مرتضى منصور، رسالة إلى جماهير الزمالك قائلًا: «فريقكم عنده بطولة مهمة جدًا وجوائزها 6 مليون دولار، احنا طالع عنينا علشان نجمع مليون و500 ألف دولار عشان ندفع غرامة سبورتنج لشبونة، احنا مش عارفين ندفع حاجة عشان الحجز على الأرصدة».
وأضاف: «هشام نصر، قال كلمه خطيرة امبارح (ممدوح عباس، قالي لو نجحت في الانتخابات هشيل الحجز من على النادي)، وعايزنا نكسب».
وأشار: «جمهور الزمالك المحترم، ده أوسوريو، اللي احنا طلعناه السما وهو فعلا يستحق بقاله 6 مباريات بيفوز ايه يعني يخسر مباراة، صحيح بطولة خاصة، هو اعترف بالخطأ في التشكيل».
وتابع: «أمير مرتضى منصور، سايب النادي بقاله 15 يوم في مراسي، أمير المليونير، أمير أغنى مني أنا، أمير اللي بيدفع من جيبه بياخد عمولة وسمسرة!، وأحمد، ياريتكم يبقى معاكم زي اللي مع أحمد، احنا بناخد عمولة وسمسرة! طيب أنا هتبرع ب30 مليون جنيه ليه؟ اللي عنده دليل أننا بناخد عمولة وسمسرة يقدمه للنيابة».