بعد اتهامه بسرقة لحن «رقصة»..رامي صبري لعمرو مصطفي: «ربنا يهديك..ولو ركزت معاك هقاضيك»

رد النجم رامي صبري على اتهام الملحن عمرو مصطفى له بسرقة ألحان أغنية «رقصة» وتقديمها في أغنيته«يمكن خير» ،قائلًا:«شخصياَ مش بحب اتكلم على الزملاء بشكل سلبي، فيوجد عشرة بيني وبين عمرو، لكن بسبب العشرة مش هتكلم بنفس طريقته اللي طبعاَ معجبتنيش».
وأضاف «صبري»خلال لقائه ببرنامج أجمد 7 الساعة 7، الذي تقدمه جيهان عبدالله، عبر إذاعة نجوم إف أم:«هو قال إني سرقت، واعتقد رامي صبري ميسرقش، لكن في فرق بين السرقة وتوارد الأفكار، بمعنى أن ممكن أسمع 10 ألحان في منهم جملة شبه الثانية، مثلاَ أنا زمان عملت أغنية للفنان عامر منيب»مكنش حب «بعدها بسنة عمرو دياب عمل أغنية من تلحين محمد يحيي، فهي كانت نفس الشكل، وهذا الأمر مش عيب».
وتابع :«الكلام اللي قاله عمرو مصطفى كبير أوي، وده يدينه، هي السرقة دي كلمة عيب، فهو ملحن كبير ازاي يطلع يقول على فنان كلام مش حلو، ومشكلة عمرو مصطفى مش أغاني، ولو احنا حد فينا سرق من عمرو مصطفى حاجة هيقاضيه قانونيًا لأن هو كلية حقوق، وأنا كلية معهد موسيقى عربية، وشخصياَ لو أنا مركز معاه وعلى كلامه كنت هاحسبه بالقانون، لكن أنا بكبر دماغي».
وأستطرد:«أنا أقوله ربنا يهديك، واشتغل أكتر وتعمل حاجات جديدة، زي ملحنين كبار تانين مثل عزيز الشافعي، مدين».