نيللي كريم تقيّم أداء زوجها هشام عاشور في مسلسل «عملة نادرة» (فيديو)

كشفت الفنانة نيلي كريم عن رأيها في تمثيل وأداء الفنان هشام عاشور في مسلسل «عملة نادرة».
وأضافت في لقائها مع الإعلامية لميس الحديدي في برنامج كلمة أخيرة على قناة on e: «لما قالولي هيجيبوا هشام عاشور في مسلسل قلت ده موضوع ميخصنيش، وأنا عمري في حياتي ما تدخلت في أدوار زملائي، مبقدرش أشتغل بالطريقة دي».
وتابعت: «بروح الاستديو وبعرف إني في يد أمينة وهي إيد المخرج، ممكن أتكلم مع المؤلف وأقوله السياق الدرامي رايحين كده هنا؟ بحب النقاشات وأحب أكون مقتنعة».
واستطردت: «جمعني مشهد واحد مع هشام وكنت متوترة جدًا لأني مش متعودة ومكنتش عايزة أوتره وهو كان هادي جدًا».
وأوضحت: «أنا شايفة إنه عمل دوره كويس جدًا لأنه قدم شخصية صعبة جداً، وهشام شاطر في اللهجات عموماً، وهو كان بيتكلم صعيدي طول الوقت».