أحمد عيد عن تصريحاته الأخيرة : بيتعرض عليا شغل كتير وأنا اللي مش عايز اشتغل

علق الفنان أحمد عيد على تصريحاته الأخيرة أثناء حضوره حفل joy awards .
وكتب أحمد عيد على صفحته الرسمية بفيسبوك :"مساء الفل، لقيت تصريح متاخد من سياقه من كلام كان بيتقال بهزار.. أنا حابب أوضح إني مقصدش اشتكي ولا أبان عندي مظلومية أنا الحمد لله بيتعرض عليا شغل كتير وأنا اللي مش عايز اشتغل غيراللي شايفه كويس احتراماً لنفسي وللجمهور".
وأضاف أحمد عيد :"أنا مش فارق معايا اشتغل أصلا أو مشتغلش، المهم أعمل اللي أنا مقتنع بيه، انا مادياً مش محتاج ولا عندي مشكلة الحمد لله وكلامي بيتحور احياناً عشان أبان بشتكي أو مظلوم ليه مش عارف".
وأوضح :"وبالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه وسايب دقنك وشنبك.. عايز أقوله إن بس ده "راكور" عشان بصور حاليا. وبجد بشكركم كلكم على رسائل وبوستات الدعم والمحبة".
تصريحات أحمد عيد بحفل joy awards
أنا مبقتش موجود على الساحة، وتفاجأت بدعوتي ل حفل joy awards وفرحت جدًا إنهم افتكروني، ونفسي آجي تاني، ونهضة السعودية الفنية هتفيد الوطن العربي بأكمله لأن كلنا واحد وبنتشارك في نفس اللغة والتراث، وأنا جيت السعودية وعملت مسرحية من 20 يوم ويمكن عشان كدا افتكروني.
مسلسل عملة نادرة
وكان قد شوق الفنان أحمد عيد، جمهوره ومتابعيه للعمل الجديد الذي يعود به إلى عالم الدراما، وذلك بعد سنوات من الغياب، من خلال مسلسل عملة نادرة، المقرر عرضه في موسم مسلسلات رمضان 2023، وتأكيده في تصريحات تليفزيونية، أنه سيقدم عملًا مختلفًا لأول مرة باللهجة الصعيدية.
مسلسل عملة نادرة، تدور أحداثه في مجتمع الصعيد، من تأليف مدحت العدل، وإخراج محمد العدل، الشهير ب ماندو، بطولة نيللي كريم، أحمد عيد، كمال أبو رية، جمال سليمان، جومانة مراد، محمد لطفي، فريدة سيف النصر، مريم الخشت، رمزي العدل، محمد فهيم، هشام عاشور، ندى موسى، علي الطيب، أحمد فهيم.
قال أحمد عيد، إنه يشعر بالخوف من التجربة الدرامية المرتقبة، خاصة أنها مختلفة تمامًا عما قدمه من قبل، ومن ثم يتمنى النجاح للشخصية التي سيطل بها على الجمهور في شهر رمضان «نجاحها سيفرق معي كثيرًا في المستقبل».
وأشار إلى أنه سعيد للغاية بالعودة إلى الدراما من خلال مسلسل عملة نادرة مع نيللي كريم، حيث يجسد للمرة الأول شخصية رجل صعيدي، وتأكيده أن المخرج ماندو العدل الذي يعمل معه للمرة الأولى يتحمّس له بشدة، وهذا أمر يمنحه ثقة، خصوصًا وأنه واحدًا من المخرجين المحترفين في هذا المجال.