محمد التاجي: رفضت التعاون مع عادل إمام في «عمارة يعقوبيان» بسبب مشهد مُخل بالآداب

كشف الفنان محمد التاجي، كواليس رفضه التعاون مع الفنان عادل إمام، في فيلم «عمارة يعقوبيان» الذي عُرض في 2006، وحقق العمل حينها نجاحًا كبيرًا، بسبب جرأة القصة التي ناقشها.
وأضاف التاجي في تصريحات تلفزيونية: «رفضت أشارك في فيلم عمارة يعقوبيان لأنه تطلب منيّ أشارك في مشهد بالنسبة لي مُخل للآداب، وحسيت إن الدور مش مناسبني»، موضحا «قررت إن بناتي مينفعش يشوفوني في وضع مُخل للآداب، وقولت طالما المشهد دا أنا مش قادر أواجه بيه المجتمع يبقا حرام، وكدا أنا بعصي ربنا عشان كدا رفضت اشتغل في الفيلم، اللي كان بطولة الزعيم عادل إمام ونور الشريف وخالد الصاوي ونجوم كتير جدًا».
واستكمل محمد التاجي في حديثه: «أنا أعتز بلقب دقة قديمة، اللي بيتقال عليا اليومين دول، وده عشان أنا مش بجاري اللي بيحصل، ومبسوط باللقب جدًا».
وشارك الفنان محمد التاجي، في رمضان السابق في 3 مسلسلات وهي «فاتن أمل حربي»، «ملف سري»، «دايمًا عامر»، وكل منها ناقش قضية وأزمة مختلفة، حيث عرض مسلسل «فاتن أمل حربي» أزمة السيدات المطلقات، وفكرة الولاية التعليمية، أما مسلسل «دايمًا عامر» فعرض مشكلة الدراسة في مصر بطريقة كوميدية اجتماعية، و«ملف سري» وهو مسلسل به إثارة ونال إعجاب عدد كبير من الجمهور.