بعد تصريحاتها عن نجلاء فتحي .. ميار الببلاوي: «جالي اكتئاب وابني متضايق وبقول للصحفيين» «أرحموني»

كشفت الفنانة ميار الببلاوي عن مشاعرها بعد الضجة التي أثيرت حول تصريحاتها التي قالتها في إحدى البرامج التلفزيونية بشأن النجمة نجلاء فتحي، حيث أكدت أن نفسيتها متأثرة للغاية.
وكتبت منشورًا عبر صفحتها الشخصية على صفحتها الشخصية على الفيسبوك نصه :«أنا مش هدافع عن نفسى ومش هقول أنى صح بس ربنا شاهد أنى بتكلم بعفوية ومبعرفش اتخابث ولا قصدى أي إساءة لأى حد من زملائى اللى بحبهم وبقدرهم وبعتز بأى عمل شاركتهم فيه طوال السنين اللى فاتت، وأنا لا عاوزة أجيب سيرة الفيلم ولا المشهد ولا يشرفنى ونفسى أنسى والناس تنسى».
وتابعت: «بس معرفش ليه بعد 25سنة بينبشوا في الماضى في فنانات عاملين مئات الأفلام وفيها مشاهد نسال الله المغفرة، اشمعنى ميار اللى لازم تترجم وتتبهدل وكل اللى عاوز يعمل شو يبقى عليا أنا برفض كل يوم مقابلات في برامج، لكن مروة صبرى أخت زميلتى عبير، وبحبهم هما الاثنين، غير كده أنا حرمت أي مقابلة غير لما أعرف طبيعة الأسئلة، وهركز في كل كلمة ومش هذكر أسماء ولا مواقف بس الصحفيين واليوتيورز يرحمونى من العناوين اللى ملهاش علاقة بالكلام إلى جوه الفيديو».
وأردفت: «وبالنسبة للتريند اللى أنا عاوزة أركبه حد الله أنى أركب التريند بشتيمة الناس ليا وعلشان أأكدلكم أنا محوله موبايلى ومبردش على أي صحفى أنا نفسيتى تعبت وجالى اكتئاب وابنى مضايق جدا واختى.. كده كفاية».
واستطردت: «وبالنسبة لأنى بعمل كده علشان أنا اتنسيت وعندى حب للظهور قولوا اللى يعجبكم أنا ناجحة في برنامجى ولله الحمد وراضية بيه ولو جالى شغل فده رزق اشكر عليه ربنا مجاليش مش هلجاء للطرق الرخيصه دى علشان اشتغل وبالنسبه للميكب والرموش والضوافر حاضر هشلهم علشان ابقى كده واجهه للحجاب دا كل إلى عندى وافوض امرى إلى الله أن الله بصير بالعباد».