«سيبوها في حالها وادعولها» نجوم الفن يدعمون شيرين عبدالوهاب بعد دخولها المستشفى

حرص عدد من الفنانين على دعم الفنانة شيرين عبدالوهاب، بعد تعرضها لأزمة خلال الساعات الماضية، والتي أثارت الجدل عبر مواقع التواصل الاجتماعي ،ودعمتها الفنانة منة شلبي ،وإيناس عز الدين ،ونشوى مصطفى ،وراندا البحيري.
أبرز النجوم الداعمين لشيرين عبدالوهاب
منة شلبي لشيرين عبدالوهاب
ودعمت الفنانة منة شلبي الفنانة شيرين عبدالوهاب، وقالت خلال حوارها مع قناة «الجديدة» من حفل مهرجان «مويكس دور» في لبنان، وقالت منة شلبي عن شيرين «سيبوها في حالها وادعولها، فكروا فيها كفنانة وفي موهبتها، وأنها إنسانة ومن الطبيعي يحصل لها صعود وهبوط، ومن الممكن أن تخطئ «.
وأضافت منة: «الفنان مش رسول، هو رسول لفنه، ولكن هو إنسان وليه حياته الشخصية ومش من حق الناس تقعد تقول رأيها فيه«.
إيناس عز الدين لشيرين عبدالوهاب «واجعة قلبي باللي بتعملة»
كتبت الفنانة ايناس عز الدين عبر حسابها الشخصي بموقع التواصل الاجتماعي «فيسبوك» قائلة :«شيرين انا بحبها لدرجة اني نفسي أمسكها وأفضل الطش فيها بكل قوتي لحد ما تفوق وترجع لنفسها».
أضافت :«واجعة قلبي باللي بتعمله في نفسها وباللي بيعمله اللي حواليها فيها كانت محتاجة حاجة وناقصاها وعايزة تعيشها وحسام استغل ده فيها وداس بكل ما فيه من قوة وهدمها فنيًا ومعنويًا ونفسيًا وكمان صحيا».ً
تابعت :«الضعف والاحتياج المعنوي هما الوسيلة اللي شيرين اتأذت بسببهم.. كفاياكم جلد وتقطيع فيها ربنا ما يكتب عليكم اللي هي فيه وينتقم من اللي كان السبب».
نشوى مصطفى لشيرين عبدالوهاب «ياعيني عليكى يا شيرين يا بنتيي»
علقت الفنانة نشوى مصطفى على أزمة الفنانة شيرين عبدالوهاب، عبر حسابها الشخصي بموقع التواصل الاجتماعي «فيسبوك» ،وكتبت:«ياعيني عليكي ياشيرين ،ياعيني عليكي يا شيرين إيه اللي بيحصلك ده، يا وجع القلب ليه الفضايح».
الفنانة راندة البحيري تدعم شيرين عبدالوهاب
شاركت الفنانة راندة البحيري فيديو لها تدعم فيه الفنانة شيرين عبدالوهاب، وقالت راندة :«أنا أتمنى أن رسالتي توصلك وأنك تكوني كويسة، أنا متعلقة بشيرين، وزعلت منها قبل كده لما أعلنت قرار اعتزالها، انا حسيت وقتها القرار ده مش من حقها لأن شيرين بتاعت المصريين مش من حقها تعتزل، القرار أثر في نفسيتي».
وأضافت :«أنا بتمنى تكوني عارفة غلاوتك ومقدرارك عند الناس كلها، لأن من الواضح إنك متعرفيش ده خالص، لو انتي عارفة كنتي المشكلة هتخلص الواحد محتاج دافع يعيش عشانة».
تابعت راندة :«حب الناس حاجة كبيرة جدا تخلي الواحد مبسوط ويقدر يقف قدام أي حاجه وحشه، الكام مره اللي تعبتي فيهم في ناس تعبت على تعبك وزعلت على زعلك، مكنتش أحب إنك توصلي للمرحلة دي بدعيلك وبحبك».