والد زوج «عروس الإسماعيلية»: «كانت بتفتح وتقفل النور على ابني عشان تستفزه»

قال والد عبدالله، زوج مها عروس الإسماعيلية، «أنا مجوز ابنى عشان يبقى سعيد في حياته، وأنا اشتغلت 30 سنة في شركة الألومنيوم وعملت الحلو كله لابني، فمحدش عايز التعاسة لابنه».
وأضاف خلال لقاء له ببرنامج «تفاصيل»، عبر فضائية «صدى البلد 2»، الأربعاء، أن «رحت لوالد مها وسألته هل بنته مها اتخطبت؟ قالي لا، قلت أنا عايز أخطبها لابنى، ووافق، ومها وافقت وكانت مكسوفة وفرحت بأخلاقها واحترامها الكبير».
وكشف والد زوج مها عروس الإسماعيلية: «خطبت مها لابنى وبدأت في تجهيز شقة ابني عشان أفرح عبدالله أكبر أبنائي والناس كلها بتحبه».
وأشار إلى أنه «بعد زواج ابني المشاكل كانت بتجيلنا من تحت الأرض وزوجة ابنى مكانتش بتاكل ولا بتقعد معانا وكنت بقولها أنا بمثابة أبوكي التانى».
وأوضح والد عبدالله: «ابنى لما كان بييجي من الشغل، كانت مراته بتحاول تستفزه، فكانت تقوم بفتح وغلق النور، وكنت دايما بقولها متستفزنيش جوزك».
وأكمل: «نزلت ومراتي حاولت تهدئة زوجة ابني، وقامت بعمل عصير ليمون لها، ولكننا فوجئنا بأن مها فتحت باب البيت واستغاثت بالحكومة، ولكننا قمنا بتهدئتها وأدخلناها».
وتابع والد زوج مها عروس الإسماعيلية: «بعد يومين فوجئنا بأن مها تركت المنزل، حتى أنها فصلت الكهرباء عن الأجهزة الكهربائية، ما تسبب في العفن للطعام».
واستطرد: «أنا مموتش عشان ابني يضرب مراته، وأن سمعت مرة إن زوجة ابنى بتصرخ وكنت فاكر أن ابنى ضربها، ولكن لما طلعت قالت انها تصرخ عشان الحمل».