عمرو أديب يدعو «القومي للمرأة» لدعم «عروس الإسماعيلية»: «مش عاملينه عياقة»

علق الإعلامي عمرو اديب، على حادثة عروس الاسماعيلية، قائلا إن الدولة ورئيس الدولة ومجلس النواب ضد هذا الأمر تماما، مضيفا: «المجلس القومي للمرأة لازم يبعتلها محامي يقف معها، لأننا مش عاملينه عياقة، ولا عشان يطلعوا في البرامج التليفزيونية».
وأضاف عمرو اديب، خلال تقديم برنامج الحكاية، المذاع على قناة mbc مصر، مساء الأحد: «لو مكناش ناخد موقف قوي زي الموقف اللي حصل مع مها، عشان جوزها يكون عبرة لمن يعتبر».
وتابع أديب: «لا دين ولا عرف ولا إنسانية بيقولوا كدا، وأنا مسؤل عما أقوله»، مضيفا: «لازم تعرفي أنه لو ضرب مرة واتنين هيضرب العمر كله».
واستطرد الإعلامي عمرو اديب أن «الست بتضرب بالشومة، واتحداكوا كم واحد يعرف حالة حوله مش بتضرب، يا عندك في العمارة أو في العيلة أو في المدرسة، ده السر اللي كل المصريين عارفينه، المرأة المصرية تضرب ويجب أن يتوقف هذا».