سكرتير «الموسيقيين»: نجل حميد الشاعري ليس عضو نقابة.. وندعم حلمي بكر ضده

علق الفنان أحمد رمضان سكرتير نقابة المهن الموسيقية عن أزمة نجل الفنان حميد الشاعري والموسيقار حلمي بكر، بأنه مستاء، مشيرا إلى أنه يدعو الفنان حلمي بكر لاتخاذ كافة الإجراءات القانونية تجاه نديم الشاعري.
وأضاف أحمد رمضان عبر برنامج خط أحمر: «أنا مستاء لما يحدث وما يقوله نجل حميد الشاعري، ولكن أنا أعرف مواقف أكبر من ذلك تحدث لأعضاء النقابة من أشخاص في السوشيال ميديا، كل واحد لديه صفحة يسيء لغيره دون عقاب».
وتابع: «ابن حميد الشاعري ليس عضوًا في النقابة، وعلى حلمي بكر أن يتخد إجراءات قانونية والنقابة ستقدم الدعم اللازم له».
وكان نديم، نجل الفنان حميد الشاعري، هاجم الملحن حلمي بكر بعد هجومه على والده خلال ظهوره بالبرامج التليفزيونية.
وقال «نديم» عبر «فيسبوك»: «أستاذ حلمى لو محتاج مساعدة الكابو مش حيتأخر عليك، لكن ما ينفعش كل ما تتزنق تروح برنامج تجيب سيرة حميد الشاعري اللي للأسف تاريخك ميجيش تمن تاريخه ولا فنيا ولا أخلاقيا للأسف، 30 سنة من عمرى ما بيعملش حاجة في حياته غير التقليل من الناس ومن الفنانين ومن أعمالهم».
وأضاف: «إوعى حضرتك تفتكر إنك محطوط في خانة الإنسان المحنك، لا للأسف، فرق كبير أوى بينك وبين الكابو حتى في الفكر الموسيقي والمعاملة مع الناس. الكابو كبير مقامه ومش بيرد عليك عشان هو أكبر من كده وأكبر منك بالذات، ودايما بيقولى ما تردش على حد. لكن ولاده كبروا ومش حيسمحوا إنك تقطع في أبوهم».
وتابع: «هو حضرتك بجد فاكر إن حميد هو اللي بوظ المزيكا في مصر؟ المقسوم إلى حضرتك بتتكلم عليه هو اللي واكل بقاله 30 سنة مع كل الفنانين، وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن».
واستطرد: «لما مذيع صابغ شعره أبيض وفي اللفة يسألك سؤال زى ده، المفروض ردك يبقى تربوى قبل الفنى إنه إزاى يسأل السؤال بالطريقة دى، لكن حضرتك كنت حتطير من الفرحة عشان السؤال في تقليل للكابو».
واختتم: «حاول يا أستاذ حلمى تكسب الناس عشان الدنيا فانية. متبقاش خسران السيرة الطيبة وكمان الناس».