نجل الشاعرى يتراجع عن الهجوم على حلمى بكر ويكشف تطورات حالة والده

تراجع نديم الشاعرى نجل الفنان حميد الشاعرى عن هجومه على الملحن حلمى بكر وكتب عبر حسابه بموقع التواصل الاجتماعي فيسبوك :" انا عدلت البوست عشان كنت شايف اني قاسى حبتين ".
أضاف :"و مهما كان فى فرق فى السن و دى مش تربيتى و لا اسلوبى زى ما مبسوط انى بدافع عن والدى زى ما زعلان على قسوتى. و لكل الاساتذة الكبار العظماء الاحترام و الكابو بنسبالى من العظماء".
وتابع :" الكابو احسن الحمد لله وشكرا لكل الناس الي سئلت و اطمنت ".
هاجم نديم الشاعري نجل الفنان حميد الشاعري، الملحن حلمي بكر؛ بسبب هجوم الأخير على والده في البرامج .
وكتب نجل حميد الشاعري عبر حسابه على موقع التواصل الاجتماعي فيس بوك،: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم".
وأضاف: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم.
هجوم 10 سنوات.. القصة الكاملة لخلاف حميد الشاعري وحلمي بكر.. وابن الكابو يهاجم بقوة
مفيش زيارة.. تفاصيل الحالة الصحية للفنان حميد الشاعري بعد خروجه من المستشفى
وتابع نجل حميد الشاعري: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.
نجل حميد الشاعري : الدنيا فانية:
واختتم نجل حميد الشاعري حديثه، قائلا: حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.