السيسي يوجه الجمعات الخيرية بالمساهمة في إحلال المواشي لزيادة الإنتاج الحيواني

طلب الرئيس عبدالفتاح السيسي من السيد القصير وزير الزراعة مضاعفة الإنتاج الحيواني من اللحوم من خلال تعديل المواشي ذات الإنتاجية القليلة أو المتوسطة بمواشي أخرى أكثر إنتاجية، كما طالب الجمعيات الخيرية بالمساهمة في هذه العملية.
وقال السيسي خلال افتتاح مشروع «مستقبل مصر» للإنتاج الزراعي، السبت: «حجم الرؤوس التي يمتلكها الفلاح في مصر 2 مليون رأس»، مضيفًا: «المواطن في الريف المصري اللي عنده رأس ماشية مش متطورة دي بتاكل نفس الأكل اللي بتاكله رأس مماثلة لها ولكن تم تطويرها.. دي بنتج لحم 7 كجم في اليوم والتانية بنتنج 30 أو 35 في اليوم».
ووأوضح: «الكلام واضح؟.. احنا بنأكل نفس الأكل ونشرب نفس الشرب وده يطلعلي 7 أو 8 كيلو وده يطلع 20 أو 30 كيلو»، وتابع: «ال2 مليون دول لو اتاخدوا وادينا للفلاحين النوع اللي بيزيد يبقى دي قيمة واديت للفلاح حاجة وخليت الرأس دي بدل ما كانت بتجيب له 1000 أو 2000 جنيه تعمل 4000 أو 5000».
وتابع موجهًا حديثه لوزير الزراعة: «لو تقدر خلال سنتين تلاتة تقولي أنا شيلت كل الرؤوس دي وعملتها إحلال بالرؤوس الجديدة، أنا هبقى لك من الشاكرين».
وقال: «عايزين تغيروا حياة الناس مش ليكم، أنا بتكلم علينا احنا كلنا.. أنا المواطن اللي بأكل رأس الماشية بتاعتي وهي إنتاجها في الآخر حجم إنتاجها محدود، وأنا عندي رأس أخرى قد تكون أغلى شوية وقد تكون عبئ بالدولار عشان تشتريها من برة لكن ده برنامج يا أهل الخير يا اللي عايزين تحسنوا من حياة الناس أوعوا تكونوا فاكرين فقط إن البر هو إنك تدي حد ياكل أو تعمله مدرسة بس أو حتى جامع لا البر كما إني أخلي المواطن بدل ما بيكسب له ألف أو ألفين أضاعف له الرقم وده على مستوى الفرد لكن على مستوى الدولة هو نفس حجم الأكل ونفس حجم المياه وأضاعف كمية الإنتاج مرة أو مرتين».
وشهد الرئيس عبدالفتاح السيسي اليوم السبت افتتاح مشروع «مستقبل مصر» للإنتاج الزراعي الذي يعد أحد أهم المشروعات القومية الكبرى التي دشنتها الدولة.
ويقع المشروع على طريق القاهرة الضبعة، ويهدف إلى تعظيم فرص الإنتاج وتوفير منتجات زراعية بجودة عالية وأسعار مناسبة للمواطنين، وسد الفجوة بين الإنتاج والاستيراد وتحقيق الأمن الغذائي والاكتفاء الذاتي من السلع الاستراتيجية، بحضور رئيس الوزراء الدكتور مصطفى مدبولي، ووزير الدفاع والإنتاج الحربي الفريق أول محمد زكي وعدد من الوزراء وكبار رجال الدولة.