علق الفنان حاتم صالح، على دوره في مسلسل الكبير أوي الجزء السادس، قائلًا: «الكبير اوى 6... كنت بقعد اتفرج لحد قبل رمضان على الخمس أجزاء ومش بصدق انى هايجى رمضان واقف وسط الممثلين العظام دول كوميديانات مصر اللى كتبوا تاريخ في الكوميديا». وتابع في حسابه على «فيس بوك»: «اولا فضل ونعمة من ربنا كبير انا والله ماليا يد فيه بدون حول منى ولاقوة لو في حد حب المسلسل أولا وحب شخصيه نفادي، ثانيا بشكر كل الناس اللى فرحتلى كانى واحد من عيلتهم وبشكر اصحابى فرقة 1980 وأنت طالع وكنا بنسهر ع القهوة بالساعات عشان نروح نقول ايفية، وبشكر الأستاذ احمد الجندى اللى خلانى اقول كل كل اللى في نفسى ويزودلى عليه وأي ممثل كوميدى حظه وحش لو مابيشتغلش معاه». وأردف: «حقيقى أنا كنت مستريح قوى وحاولت أطلع كل اللى عندى يارب يكمل نجاح المسلسل على خير ونكون قدرنا وبنقدر نرسم الضحكة على وشوش الناس اللى بتتفرج أستاذ احمد مكى الكبير اوى في كل حاجة مهما قلت والله ماعارف أعبر ولا أطلع ربع اللى جوايا تجاه الناس دى وماينفعش اتكلم عن كل الناس الحلوة وماتكلمش عن اخويا وصاحبى الفنان الكبير أستاذ احمد امين اللى قدمنى للناس هو واستاذ علاء اسماعيل في برنامج امين وشركاه ووقف جنبى ولحد يومنا هذا جمايله مغرقانى كانى واحد من عيلته وفرقتى فرقه 1980 وانت طالع وجمهور 1980 وانت طالع ..انا مش عارف اتكلم وملغبط بس بحبكوااا اوى ..اللهم ديمها نعمة».
