«بعد مطالبته بعدم التدخل بشؤونه».. هشام المليجي يعتذر لرانيا شاهين: «كنت عنيف»

وجه الفنان هشام المليجي اعتذارا لزميلته الفنانة رانيا شاهين عن الحديث عنها بطريقة حادة مطالبا إياها بعدم التدخل في شؤونه والحديث عن عدم عمله الفني لسنوات.
وكتب المليجي عبر حسابه الرسمي على موقع فيسبوك قبل قليل: «أنا متضايق من نفسي جدا لاني كنت عنيف مع زميلتي اللي كانت عاوزة تساعدني وغلطت في الأسلوب ومش عارف اعمل إيه.. اخواتي واقرب الناس ليا ميعرفوش دواخلي ولا حياتي الشخصية.. وأنا مطلبتش منهم مساعده لأنهم أولى الناس بمساعدتي ده لو كان عندي أزمة.. عشان كده انا انفعلت ومكنش المفروض اكتب وأنا غضبان».
وتابع: «متزعليش مني يارانيا وحقك عليا انتِ عارفه انك غالية عندي وطول عمرنا جدعان مع بعض وانا بعتذرلك قدام الناس كلها».
كان الفنان هشام المليجي قد عبر عن استيائه الشديد، من تصريحات الفنانة رانيا شاهين، التي أدلت بها في أحد البرامج التليفزيونية: «حاولت أفكر الناس بهشام عشان ميتنسيش في زحمة الأيام فهو جاري واعرف عنه كل حاجة وهناك فنانين بيتكسفوا يطلبوا شغل».
وقال «المليجي» في منشور له عبر حسابه الشخصي بموقع التواصل الاجتماعي «فيس بوك»: «يا أستاذة رانيا، حضرتك تطوعتي وتدخلتي في حياتي من غير إذن، وقولتي كلام مش حقيقي، محدش طلب منك المساعدة، وحضرتك مصممة تزعجيني، من فضلك متجبيش سيرتي تاني في أي حوار أو مداخلة، شكرًا».
يشار إلى أن الفنانة رانيا شاهين كانت قد نشرت صورة للفنان هشام المليجي، قبل أيام، عبر حسابها الرسمي بموقع التواصل الأجتماعي «فيس بوك»، وعلقت عليها: «الراجل ده جاري في العمارة إلى جنبي ومتربيين مع بعض.. مش بيشتغل وهو ممثل ممتاز.. ومكافح وعنده اكتئاب وبيرفض أنه يكلم حد ع شغل علشان هو حساس.. تحية ليك ياجاري العزيز الصابر الصامت صاحب عزه النفس