كوميدي في إطار رومانسي.. تامر حسني يكشف كواليس فيلمه الجديد «بحبك»

يواصل النجم تامر حسني تصوير مشاهد فيلمه الجديد «بحبك» من تأليفه وإخراجه، وكشف تامر عن أول صور من كواليس العمل عبر حسابه الخاص على موقع التواصل الاجتماعي فيس بوك وعلق عليها.
وكتب: «دي صور من اول يومين تصوير لفيلمنا الجديد بحبك، طبعًا في ناس هتقرا اسم الفيلم بحبِك وناس هتقراه بحبَك دا طبعًا مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في احداث فعلًا محيره جدًا».
أضاف: «الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم والمستقبل الجميله هنا الزاهد ومبسوط إني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل أن شاء الله شغل رهيب في الفيلم كعادته الجميله».
وتابع: «وللأسف لسه مصورش علشان انزل صوره بس في اول يوم تصوير له ههريه صور وانتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير أن شاء الله، وفرحان جداً بإنضمام الفنان الموهوب اوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه».
يذكر أن آخر أعمال الفنان تامر حسني، فيلم مش أنا بطولة حلا شيحة، ماجد الكدواني، سوسن بدر، شيرين، حجاج عبدالعظيم، أسما سليمان، ومحمد الجوهري، بجانب عدد من ضيوف الشرف، إياد نصار، محمد عبدالرحمن، والسعودي فايز المالكى وعصام السقا، وتدور أحداثه حول حسن الذي يُصاب بحالة غريبة تفقده السيطرة على يده، فيصبح مع مرور الوقت ضحية العديد من الموقف الصعبة والمحرجة، بينما يرفض كل من حوله تصديق حالته.