حمو بيكا يكشف مستجدات حالته الصحية ويوجه رسالة للمتنمرين

كشف الفنان حمو بيكا مستجدات حالته الصحية، بعد تعرضه مؤخرا لوعكة شديدة دخل على إثرها إلى المستشفى.
وكتب حمو بيكا عبر صفحته الرسمية على موقع التواصل الاجتماعي «فيس بوك»: «أنا بجد حابب أشكركم على دعواتكم ليا في مرضي ووقفتكم معايا دي، بجد أنا بحبكم جدا من كل قلبي، أنا بيكم مكمل وهكمل لآخر نفس فيا»، مضيفا: «أنا الحمد لله بقيت أحسن بكتير، وأدعولي ربنا يفكها عليا وأقدر أسعدكم كمان وكمان، دمتم سند وضهر ليا».
ووجه رسالة للمتنمرين قائلا: «حابب أوجه رسالة للناس اللي مش بتحبني وكانت شمتانة وبتتنمر عليا، أنا برضه بحبكم وهفضل شايلكم على دماغي من فوق، وربنا ما يجعل عندكم أي مرض وأي حاجة وحشة أبدًا ويديكم على قد نيتكم وقلبكم يا رب ويديكم كل الرزق، بحبكم كلكم».
تصدر حمو بيكا، مطرب المهرجانات منصات التواصل الاجتماعي عقب انتشار قصة مرضه الذي تحدث عنها في رسالة لمتابعيه عبر موقع التواصل الاجتماعي فيس بوك، كاشفا عن أنه يعاني من مرض الكرونز.
كان بيكا نشر صورة له وهو على سرير أحد المستشفيات ولكن تعرض للسخرية بسبب شكل بطنته، ليعلق عقب ذلك في رسالة قال فيها: «بتتنمروا على المرض ؟! يعني اتنمرتوا عليا قولت ماشي، اتنمرتوا على صوتي قولت ماشي، اتنمرتوا على شقتي وفرحي قولت ماشي، لكن يوصل بيكوا الموضوع انكوا تتنمورا على المرض ؟!».
وتابع: «ده ابتلاء من عند ربنا- سبحانه وتعالى- وانا راضي بيه الحمد لله ،،بقول لكل حد اتنمر عليا ربنا يحفظك من مرض ( الكرونز ) اللي عندي ده ويحفظك من أي مرض تاني، وشكرا لكل اللي سأل عليا، انا بقيت احسن الحمد لله، بس ياريت نفتكر دايما ( من عاب بشئ ابتلي به )، وإن مهما حاولتوا تأذوني فمافيش حاجه هتحصلي غير اللي ربنا كاتبها ليا، انا راضي ومؤمن الحمد لله وعارف أن ربنا عز وجل مش هيدخلني في حاجه غير وانا قدها وده الدليل القرآني ( لا يكلف الله نفسًا إلا وسعها، فشكراً ليكم ولكل واحد مش بيحبني ( فلتقل خيرا أو لتصمت ) ..».