حمو بيكا يكشف تطورات حالته الصحية.. ويوجه رسالة جديدة للمتنمرين عليه

كشف مؤدي المهرجانات، حمو بيكا، تطورات حالته الصحية، بعد الوعكة الصحية التي تعرض له مؤخرا، حيث تعرض مؤدى المهرجانات لعدد من التعليقات التي تتنمر عليه وأخرى بالدعاء له.
وقال حمو بيكا، عبر حسابه على فيس بوك: "أنا بجد حابب أشكركم على دعواتكم ليا في مرضي ووقفتكم معايا دي،️ بجد أنا بحبكم جداً من كل قلبي، أنا بيكم مكمل وهكمل لآخر نفس فيا".
وتابع: "أنا الحمد لله بقيت أحسن بكتير وادعولي ربنا يفكها عليا وأقدر أسعدكم كمان وكمان، دمتم سند وضهر ليا".
وتابع: "حابب أوجه رسالة للناس اللي مش بتحبني وكانت شمتانة وبتتنمر عليا: أنا برضه بحبكم وهفضل شايلكم على دماغي من فوق، وربنا ما يجعل عندكم أي مرض وأي حاجة وحشه أبداً ويديكم على قد نيتكم وقلبكم يارب ويديكم كل الرزق".
وكشفت الإعلامية بسمة وهبة، حقيقة إصابة مؤدي المهرجانات حمو بيكا، بمرض نادر.
وأضافت "بسمة وهبة" خلال مقطع فيديو عبر حسابها بموقع إنستجرام، :" على فكرة يا جماعة موضوع حمو بيكا ده شهادة حق حقيقي".
وتابعت: "وقت خلاف حسن شاكوش وحمو بيكا استضفت شاكوش وسألته هل فعلا حمو بيأخذ حقن غالية رد وقال حمو بيكا مش بيدعي وحقيقي تعبان وربنا يعفي عنه".
ونشر مؤدى المهرجانات حمو بيكا، مقطع فيديو عبر صفحته على موقع التواصل الاجتماعي فيسبوك، يرد فيه على حالة التنمر التى يتعرض لها بعد أزمته الصحية.
وقال حمو بيكا: "لما ربنا ياخدني هستريح، أحسن ما أعيش مش عارف أخد حقي، بلاش تتنمر على الناس، استفادتوا إيه لما بتتنمروا عليا، مش بقول غير حسبي الله ونعم الوكيل في كل واحد قال عني كلمة وحشة، ربنا يهديك لنفسك، لأن اللي عندك ده مرض".
من جانبة كشف مدير أعمال مطرب المهرجانات الشعبية حمو بيكا، تطورات حالته الصحية بعد إصابته بوعكة صحية نقل على أثرها إلى المستشفي بعد عرض حلقته ببرنامج "كلام الناس".
وقال مدير أعمال حمو بيكا في تصريحات صحفية: "امبارح بعد انتهاء الحلقة، بيكا كان مضايق جدا من اللي بيحصله والظلم اللي بيتعرض له، وفي الحلقة عيط وكان متأثر جدا، وخرجنا من القناة وكنت على باب مدينة الإنتاج الإعلامي، وفجأة لقيت حمو بيقع مني في العربية».
وأضاف: "أخذت حمو بيكا وطلعت بسرعة إلى المستشفى، وكمان أنا على علم بمرض حمو النادر مرض "الكرونز" اللي هو سبب في كرشه الكبير، وكنت خايف عليه جدا ليحصله حاجة، وعند وصولي إلى المستشفى تم حجزه والدكتور شخص حالته بأنه ضغط نفسي وكان ممكن يسبب "جلطة" ولكن هو الحمد لله استقرت صحته».
وأوضح: "الدكتور طلب منه الخروج من المستشفى والمكوث بمنزله وهو سيتولى رعايته من المنزل، وهو لازم ياخد حقنة كل 3 أشهر عشان "الكرونز" وهي ميعادها خلال الأسبوع الجاري".