«ربنا يوفقك ويتعملك حديقة كبيرة باسمك».. رد ناري من إبراهيم سعيد على هجوم أحمد عيد

رد إبراهيم سعيد نجم الأهلي والزمالك ومنتخب مصر السابق، على هجوم أحمد عيد عبدالملك، نجم الفريق الأبيض السابق، عليه خلال الساعات الماضية.
وكان أحمد عيد عبدالملك، نشر «تغريدة» إبراهيم سعيد، وهو ينتقد أداء مصطفى فتحي لاعب الفريق الأول لكرة القدم بنادي الزمالك، عقب مباراة غزل المحلة، حيث كتب: «ياريت الشباب بتوع الاحصائيات تعمل لمصطفي فتحي اللاعب الدولي! عمل ايه في ماتش غزل المحلة غير الهدف والجول فاضي وإضاعه فرصة الانفراد بجول بن شرقي».
وعلق أحمد عيد عبدالملك قائلًا :«الكابتن الدولي مش عاجبه حد، وبيقطع في كابتن من كباتن الزمالك، ومركز معاه أوي ..ياريت تريح وتهدى ده قد ولادك ياجدع، أكل عيش بس مش كدة .. أه صحيح أنت جيت الزمالك مخدتش بطولة ومشيت».
ونشر إبراهيم سعيد، تغريدة أحمد عيد عبدالملك، معلقًا: «وجهة نظره وله حق يتكلم براحته، والراجل مقلش حاجة غلط أنا فعلاً روحت الزمالك ومخدتش بطولة».
‏وأضاف: «بس بالنسبة لأكل العيش هو عارف مين اللي بياكل عيش كويس..وبإذن الله ربنا يوفقه ويتعملوا حديقة كبيرة بإسمه، ويستاهل كل خير هفرحله والله هو مش أقل من اللي اتعملهم وربنا يكرمه بالخير يارب.. وتبقى أحلى حديقة كمان بالتوفيق يانجم».