مفاجأة في واقعة إلقاء شابين لطفل من أعلى كوبري بالبحيرة (فيديو)

أثار مقطع فيديو انتشر على مواقع التواصل الإجتماعي بقيام شابين بإلقاء طفل من أعلى كوبري معدية مدرسة الزراعة في مدينة دمنهور في ترعة عميقة غضب رواد السوشيال ميديا، خصوصًا مع استغاثة الطفل وعدم نجدته من أحد من المارة، وسط ضحكات الشابين، وتكثف أجهزة الأمن لكشف أبعاد الواقعة وأشخاصها وأسبابها، بينما كشفت التعليقات على مقاطع الفيديو المنتشرة على وسائل التواصل الاجتماعي عن مفاجأة.
وعلق رواد مواقع التواصل الاجتماعي على إحدى صفحات مدينة دمنهور على موقع «فيس بوك» بعبارات مستهجنة للواقعة، وقال أحدهم: «قلة أدب وسفالة وعدم تربية للاسف كل ده نتاج أفلام البلطجة لا بقي في أدب ولا أخلاق مش قادر أصدق إن دي بلدي اللي اتربيت فيها».
وأضاف آخر: «من أمن العقاب أساء الأدب، الواحد قرف من الأوضاع دى، وكأنها بقت مفروضة علينا»، وعلقت فتاة: «دي حاجة قلة أدب والله، ولازم يتحاسبوا عشان يبقوا عبرة لأي حد يعمل كده حسبي الله ونعم الوكيل فيكو وجعتوا قلوبنا»، وأضافت أخرى: «التربية يا بشر ربوا أولادكم سلوكهم هيوجههم، ارحمونا من الفظاعة اللي بنشوفها».
وقال آخر: «طيش شباب وهزار غبي، بس لازم يتعلم الدرس إن الهزار ميوصلش لتهديد الحياة، والضرب والتكسير مش حل، ممكن يتشغل كام شهر في شغلانة تطوعية يتهلك فيها ويتعلم معني الالتزام بس نقول إيه مفيش حد مهتم بالشباب».
وعلق آخر: «يعني ينفع كده افرضوا يا جماعة الولد ده مات سقط تحت ومعرفش يعوم لازم الولاد دي تتجاب وتتحاسب»، وأضاف آخر: «بلطجة علني في عز النهار»، واستنكر آخر: «دمنهور مالها إيه اللي حصل فيها ده».
وقال آخر: «فين الناس بقي في عز النهار والناس ماشية! فين الوعي! إنهم واقفين يتفرجوا؟ واللي بيصور كمان وسايبين الطفل يموت؟ ما يتصلوا بالشرطة أو ينقذوا الطفل! دول لو اتلموا عليهم حيكسروهم، حسبي الله ونعم الوكيل».
مفاجأة في واقعة إلقاء شابين طفل من أعلى كوبري بترعة دمنهور في البحيرة
وكشفت التعليقات على مقاطع الفيديو المنتشرة على وسائل التواصل الاجتماعي عن مفاجأة بدخول بعض الأشخاص للدفاع عن الشابين، وقال أحد الأشخاص: «ياجدعان ده ابن اخوه مش لازم كل الحوار ده، والولد كويس مافيهوش حاجة ودول مش شباب الموضوع ده كله أطفال، وبدل ماتشغلوا بالكم ياريت كل واحد يخليه في حاله، كفاية انتو مستنيين جنازة تشبعوا فيها لطم».
وعلق آخر على هذا الرد: «ما تهدي انت وتخليك في حالك، وهما هيتجابوا متقلقش، وهينزل ليهم فيديو كمان علشان يكونوا عبرة لغيرهم».
وقال آخر: «أحب أقول لكل من علق على هذا الفيديو إن ده كان مجرد لعب عيال، وحرام نضيع مستقبل طفل بسبب لعب عيال لأن بعد ما رماه ونط وراه وقعدوا يهزروا ويضحكوا، والله الموضوع لعب عيال وحرام نضيع مستقبل هذا الطفل».
وكان مقطع فيديو انتشر على مواقع التواصل الاجتماعي يظهر فيه شابان يلقيان بطفل في ترعة عميقة بمدينة دمنهور في محافظة البحيرة ولم يتدخل أحد من المارة لمنعهما.
وقامت إحدى صفحات التواصل الاجتماعي ضمن صفحات كثيرة نشرت الفيديو تحت عنوان «كارثة دمنهور»: «شابان يقومان بإلقاء طفل في دمنهور من فوق معدية مدرسة الزراعة في المياه أمام مسجد عمرو بن العاص».
ويظهر في الفيديو الشابان وهما يمسكان بالطفل عنوة والطفل يقول «يا عم سيب»، وسُمع صوت أحد الشابين وهو يقوم بسباب الطفل، وحمله أحدهما ملقيًا به في الترعة الرئيسية في دمنهور في محافظة البحيرة، وسُمع بعدها صوت ضحكات بينما كان الطفل يُعافر في الماء، ثم تم سماع صوت يقول «انزل هاته»، وبعدها نزل شاب لإنقاذ الطفل، ولم يُعرف هل الشاب الذي أنقذه هو أحد الشابين اللذين ألقياه في الماء أم أنه من المارة؟.