نشرت الفنانة إيمي سمير غانم صورة من طفولتها مع والدتها الفنانة دلال عبدالعزيز، مُتمنية شفائها تمامًا وتحسّن حالتها الصحية. وقالت «غانم» عبر صفحتها الشخصية ب«انستجرام»: «يارب»، وتابعت عبر خاصية «ستوري»: «اللهم يا مسهل الشديد ويا مليّن الحديد أخرج دلال عبدالعزيز من حلق الضيق إلى أوسع الطريق ولا حول ولا قوة إلا بالله العلي العظيم». واستكملت: «ربي أرحم عجزها وقلة حيلتها أنت العالم سبحانك بسرها وجهرها المالك لنفعها وضرّها القادر على تفريج كربها وشفائها وتيسير عسرها». وعادت تسجل مشاعرها لوالدها الراحل «غانم»، وتقول: «يا حبيبي بحبك يا أطيب رجل في العالم، ربنا يرحمك يا بابي وتكون في الجنة إن شاء الله، على قد طيبتك وقلبك الأبيض ربنا يغفرلك، ويطمنا عليك وتكون سعيد ومرتاح زي ما دايمًا كنت بتخلينا مبسوطين وعمرك ما زعلت حد». واستطردت: «حتي اللي كان يجي عليك كنت بتسامحه في وقتها وعمرك ما كلمت حد بطريقة وحشة أبدًا أبدًا، ودايما شايل هم كل اللي حواليك وحتى اللي بيشتغلوا معاك واحد واحد عارفين جمال شخصيتك وطيبتك، أنا ودنيا عمره ما زعق لنا ولا كلمنا بطريقه تخوف حتى واحنا أطفال (راجل طيب طيب طيب أوي) يارب أشوفك تاني.. اللَّهُمَّ إِنَّ سمير ابن فتحيه فِي ذِمَّتِكَ، وحَبْلِ جِوَارِكَ، فَقِهِ مِنْ فِتْنَةِ القَبْرِ وَعَذَابِ النَّارِ، وأَنْتَ أهْلُ الوَفَاءِ والحَقِّ، فاغْفِرْ لَهُ، وارْحَمْهُ، إِنَّكَ أَنْتَ الغَفُورُ الرَّحِيمُ». وقبلها بساعات، شاركت شقيقتها الفنانة دنيا سمير غانم، بصورة في طفولتها مع إيمي ووالدها الفنان الراحل سمير غانم ووالدتها، عبر «فيسبوك» وتقول: «والله العظيم دعائكم هو اللي بيصبرنا ومخلينا نقدر نقف على رجلينا عشان نساعد مامي». وتابعت: «هي لسة في العناية المركزة وماتعرفش حاجة عن بابي، حالتها لسة ماتسمحش إننا نقول لها خبر زي ده، شكرًا جدًا ربنا يخليكم لينا ويرحم بابي ويصبرنا على فراقه ويشفي مامي يارب». View this post on Instagram A post shared by Amy Samir Ghanem (@amysamirghanem) View this post on Instagram A post shared by Amy Samir Ghanem (@amysamirghanem)