نواتا كان

(ناوتو كان)طبعا حضرت متعرفش يعني ايه ناوتو كان ولا تعرف انا عن نفسي مكنتش اعرف غير من يوم عرفت ان ناوتو كان ده رئيس وزراء اليابان طيب واحنا مالنا ومال اليابان دلوقتي خلينا في الاحنا فيه لا استني عليه بس انا قرات خبر جامد مت علي نفسي من الضحك لما قراته ناوتو كان ده يوم الجمعه اللى فات 27\8 قال انا هستقيل وهقدم استقلتي يوم الثلاثاء واخبر الحزب بتاعه انه ينتخب رئيس وزراء غيره ليه ياعم ناوتو خير قال ايه ناوتو بيقول لشعب الياباني انا اسف مقدرتش اوجه أزمة تسونامي كويس ولقد فشلت في ادارة الازمه جراء الكارثة الطبيعيه تسونامي طب ده كلام ياعم ناوتو تستقيل عشان كلام فاضي زي ده زعلتني منك تعاله اتعلم من المسؤولين عندنا وجلدهم الطخين وعدم احسسهم والتلامه والغتاته والرزاله بتعتهم ايه ياعم يعني لما تجرب وتفشل هيحصل ايه جرب تاني وتفشل وتجرب ثالث ايه المشكله ياراجل عشان معرفتش تدير ازمه بسيطه زي دي تقدم استقلتك بعد حكم خمس سنين بس دا انت ياعين امك ملحقتش تتهنا بالكرسي احنا بقه احسن منكم عندنا المسئول يحكم عشرات عشرات السنين ويجرب برحته ويفشل برحته واحنا طبعا شعب احسن منك بنعذره فشل ايه يعني نعطي له محاوله اخري غير ان عندنا الشعب مبيقولش جيم اوفر لا احنا شعب طيب مش شعب وحش زيكم الحاكم لدينا ليس يفشل فقط لا دا بيجبلنا المرض ويبوظ التعليم ويبهدل الصحه ويسرق فلوسنا ويموت شاببنا في المعتقلات ويحطم احلامنا ويدوس علي طموحتنا بجزمته وعادي يعني بيفضل قاعد وزي الفل مفيش مشاكل تقوم انت عشان حاجه بسيطه زي دي تقدم استقلتك لا لا ملكش حق ياسي ناوتو ولا اقلك دعني اقول الحق ياسي ناوتو انت احترمت نفسك وتاريخك وشعبك وبلدك تحيه لك (ولا يكلف الله نفس الا وسعها) ومن قال لا اعلم فقد افتي دعني ياعم ناوتو اخد من خبرك ده نداء لينا نداء من بلد محترم وشخص محترم مثلك الي كل فاشل ويائس وغير مؤهل وليس لديه خبره وخطة ورؤيه موجود في المراكز القيادية في هذا البلد من فظلك لو سمحت بعد اذنك استقيل ارحمني انا وشعب هذا البلد وارحم نفسك يرحمك الله استقيل ليس عيب علي الاطلاق ان تقول اني غير قادر علي تحمل هذه المسئوليه العيب كل العيب ان تحتمل مالا تستطيع تنفيذه واذا توليت المهمه وكان لديك رؤيه بخيالك ولم تستطيع تنفذها اعترف بفشلك والله انا شخصيا هحترمك ومتاكد ان اي قياده رشيده لازم ان تحترم هذا النموذج نداء علي الساده المسؤولين تلبيته البلد جسدها لم يعد يقوي علي التجارب الفاشله
الأمل وطن واليأس خيانه الامل هو الحل