كنت مجروح حقك عليا.. «السقا» يوجه رسالة ل تامر حسني: ميعادنا الحفلة اللي جاية

وجه الفنان أحمد السقا، رسالة إلى الفنان تامر حسني، لافتًا أن الذي بينهما "عيش وملح" وأنه أخطأ ولكن كان مجروحًا.
وأضاف الفنان عبر حسابه على موقع التواصل الاجتماعي "فيسبوك" معلقًا: «رساله الى صديق عزيز .. صديقى وأخي العزيز تامر حسنى ..أنت عارف اللى بينى وبينك عيش وملح وحاجات كتير.. قد أكون أخطأت إنى اتكلمت ف الموضوع ع الهوا ولكن يعلم الله كم كنت مجروحا وكم كنت حزينا.. مش هاطول عليك اكتر من كده ولو انا زعلت شويه وانت شويه نبقى خالصين يا عم.. تامر حسنى احنا اللى بينا كتير ماتزعلش يا عم وحقك عليه..وميعادنا الحفله اللى جايه».
وكان الفنان أحمد السقا عبر عن استياءه من الفنان تامر حسني بسبب مشهد ظهر فيه السقا في فيلم تامر الأخير «الفلوس» وقال السقا للإعلامية وفاء الكيلاني خلال استضافته في أولى حلقات برنامجها «السيرة» على قناة dmc أنه «زعلان» من تامر حسني بسبب أنه «بيحبه ولو مش بيحبه مش هيزعل كدة» وتابع:تامر طلب مني المشاركة في مشهد ضمن فيلمه الأخير «الفلوس» وهو ظهر معي وجاملني في مسلسل «ولد الغلابة»..الواحد يقول اللي ليه واللي عليه وفوجئت ببوستر للفيلم بصورتي مكتوب عليه بطولة أحمد السقا وهذا ضايقني لأنني لم أقدم سوى مشهدا كضيف شرف وحين عاتبت تامر مرة يقول لي البوستر عمله معجبون ومرة يقول لي ده الشركة المنتجة..وهذا أثر على نفسيا وأثر على في شغلي«.
وحول تعمد تامر حسني عمل البوستر قال السقا«معتقدش هو ممكن يكون عداها..بس مش متعمد.. واضح كان مشغول ..بس كان في إيده يمنع الكلام ده..لكن الحركة ضايقتني إلا أن ذلك لايعني قطيعتي مع تامر فلو قدامي دلوقتي وقالي سامحني هعديها والموضوع خلصان..وتابع موجها حديثه إلى الكاميرا»خلاص انا سامحتك ياعم تامر«.
وبدوره رد الفنان تامر حسني رد ، على خلافه مع الفنان أحمد السقا، بسبب ظهور الأخير في فيلم «الفلوس» كضيف شرف، وأعرب عن استيائه من ظهوره في الأفيش وكتابة أنه بطولة مشتركة معه، وأن ذلك ضره نفسيًا وفي العمل، حسبما صرح مع المذيعة وفاء الكيلاني أمس عبر برنامج «السيرة».
وكتب تامر حسني، بخاصية «ستوري» على «إنستجرام»: «حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لأن الحاجات دي لا يمكن تفوتك وأنا كنت أتمنى مكتبش الكلام ده هنا بس عشان بعد كلامك في التلفزيون الجمهور الكريم بقى ليه حق إنه يفهم الصح».
وتابع: «عشان أفكرك بس، إنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم.. وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا، لأن الفيلم متباع للخارج والداخل باسم أخوك تامر حسني، وأصلًا أفيش الفيلم الرسمي نزل والناس كلها شافته وإنت مش فيه ولا فيه اسمك وكل الأبطال طالعين مرسومين، معرفش زعلك من إيه الحقيقة، كان ممكن تزعل لو الكلام دا نزل على صفحتي أو صفحة الشركة المنتجة».
وتابع: «وأنا شرحتلك دا من سنة واتكلمنا بعدها مرتين، مرة عيدت عليك في عيد ميلادك والتانية بخصوص برنامجك لو كنت لسه زعلان كنت هتقولي ساعتها، الفيلم بقاله سنة يا أحمد، أخيرًا بقى مستحيل الشركة تروج أو أنا أفوت أو أسمح باستخدام اسمك كبطل للفيلم وإنت مش فيه، لإن دا هيعود علينا كلنا بالضرر لإن الناس هتدخل الفيلم مش هيلاقوا الكلام دا فيبقى إحنا كدا بنضحك على الناس وضرينا الفيلم ولأن أكيد يشرفني إن إحنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلًا».
واختتم حديثه عن مشاركته بمسلسل «ولد الغلابة»: «وبعدين يا حاج أحمد لما أنا جيتلك مسلسلك حصل اجتهادات كتير من محبينك الكرام شويه يقولوا المسلسل بطولتنا وشويه يقولوا لا دا ضيف شرف بس وإنت عارف إن عمري ما عملتها وطلعت ضيف شرف غير ليك، دا أنت طلبتني أجي أصور الساعة 8 الصبح كنت عندك في نص ساعة عشان فكرة طلعت في دماغك فجأة وجيت لإنك غالي عندي أوي أوي فوق ما تتصور، وكنت بفرح باحتهادات محبيك ومحبيني حتى لو صورتي صغيرة أو كاتبين بطولة أو ضيف شرف كل دا مش فارق لإني جيت أخدم صديق عمري وأتمنى أي كلام يصب في مصلحة مسلسل أخويا وينجح ويكسر الدنيا، إنت حبيبي يا أحمد وصديق عمر عشان كدا أنا مش هزعل منك معلش طولت في الكلام لإن برضو زعلك يعزّ عليا».
رساله الى صديق عزيز .........صديقى واخى العزيز تامر حسنى .. انت عارف اللى بينى وبينك عيش وملح وحاجات كتير....قد اكون...
Posted by Ahmed Elsaka on Sunday, October 11, 2020