«توك توك و3 ثلاجات و150 فوطة».. أغرب تقاليع «جهاز العروسة»

كتبت- غادة كامل وسارة عرفة:
«3 غسالات، 3 ثلاجات، 150 فوطة، 50 طقم سرير كبير وأطفال، و100عباية».. جزء من جهاز العروسة فى كثير من قرى مصر حتى الآن.. ولا تهم هنا الحالة الاقتصادية، أو الوضع الاجتماعى لزوج المستقبل، وأهل العروسة، فالتقاليع القديمة مازالت تحكم القرية، حتى لو جاء الجهاز كله «بالدَّيْن» وكثيرا ما يحدث، تاركا وراءه كوارث تصل للسجن فى حالات شهيرة عُرفت بقضايا «الغارمين والغارمات».
حالات البذخ والتباهى بجهاز العروسة وصلت حد الجنون فى بعض الأماكن، فالمقارنة باتت تحكم الأهالى فى تجهيزات العرائس، و«مفيش حد أحسن من بنتى»، و«اللى جه لبنت عمها لازم ييجى زيه وأحسن».
فى محافظات المنوفية والغربية وكفرالشيخ يبدو أن اتفاقا بين الجميع على التباهى بمن يدفع أكثر، حتى وصل الأمر ببعض الأهالى لبيع ممتلكاتهم من الأراضى والمواشى وكتابة شيكات حتى يتم تجهيز العروسة ب«3غسالات، 3 ثلاجات، 90 فوطة، 25 طقم سرير كبير ومثلها للأطفال، 100عباية»، هذا بخلاف كمية الملابس التى تكفى العروس لسنوات قبل أن تفكر فى شراء جديد.
فى دمياط، تقول إحدى الفتيات التى تستعد للزواج إن «حماتى يلزمها فى الصباحية جهاز كهربائى (غسالة، أو بوتاجاز، أو ثلاجة) ده طبعا غير كعك الصباحية برضه اللى بيزيد على 10 آلاف جنيه عشان أم العريس توزعه على حبايبها وجيرانها»، مضيفة أن «متوسط الفوط اللى بدخل بيها يوصل ل150 فوطة، غير 30 طقم سرير كبير، و20 طقم سرير للأطفال، و2 طقم صينى، و5 أطقم حلل، ورفائع المطبخ والزينة والبلاستيك وكل شىء منه أضعاف مضاعفة».
وفى قرية ميت المخلص مركز زفتى، بالغربية، اعتاد الأهالى أن يكون جهاز العروسة فى سيارات تمر بوسط القرية ليشاهدها الجميع، ويضم الجهاز أحيانا: 3 ثلاجات، 3 غسالات، 7 بطاطين، 6 لحاف، شاشتين، و2 فرن، بجانب «النيش»، لمجرد الزينة، والذى يكلف أكثر من 20 ألف جنيه يظل ما به معروضا للزينة لا يلمسه أحد لمجرد «أنه مكتوب فى القايمة»، وهناك أيضًا 20 شنطة سفر كبيرة مملوءة بالملابس، وأغرب ما فى الموضوع هو إصرار الأهالى على وجود «7 طشت غسيل» مهما كان حجم الغسالات.
فى نبروه، يتخطى جهاز العروسة المائتى ألف جنيه، حسب رواية إحدى الفتيات، متزوجة حديثا، «لازم اتنين أو تلاتة من كل جهاز»، وهو ما عبر عنه أحد الأهالى قائلا: «الناس اتعودت على أنها تجيب حاجات كتيرة وخلاص حتى لو ملهاش لازمة.. إحنا اللى عملنا فى نفسنا كده». وفى إحدى قرى مركز سمنود، بالغربية، تشترى العروس «توك توك» لعريسها، ضمن الجهاز، حتى صار الأمر مزحة تداولها الشباب: «اللى عايز توك توك يخطب من سمنود».