طالب عدلي القيعي، مدير التعاقدات والتسويق السابق بالنادى الأهلي، بوقف استديوهات التحليل التحكيمي، وقال: «أتمنى وقفها لو كان اللي في الاستديو حكم عامل لأن الوقت غير مناسب تماما». وأضاف «القيعي»، في لقاء مع برنامج «صدى الرياضة» على قناة «صدى البلد»: «لما يطلع رئيس الاتحاد (اتحاد الحكام) في موقف ما يقول طلباتك أوامر يا أفندم أنت صاحب فضل علينا أليست هذه رسالة للأجهزة، هذا الكلام بادئ من فوق ما تظلمش الحكام، الحكم عايز ينجح، لكن لو الحكم لقى إنه علشان ينجح لازم يكون له نوع من المواءمة ودي الخطورة». وتابع: «أنا لا أتهم أحدًا في ذمته لكن أخذ الأمور في طريق المواءمات تتيح الشك عند الجميع وتتيح الفرصة لتدخل الأقوياء، وهذا الكلام مش مظبوط، ويجب أن يؤخذ هذا الموضوع بكل الاهتمام، والتحليل مفيهوش إيه، دا قال إن رئيس النادي قال مش عايز حد يجاملني».