هاجم لاعب الاهلي السابق وائل رياض محللي البرامج الرياضية واصفاً إياهم بمن يتخذون الاستوديوهات التحليلية فقط كاسبوبة من أجلال إستغلال تحليلة في محاربة المدربين المتواجدين في الاندية وإيجاد فرصة للمتاجرة وتلميع أنفسهم وقال شيتوس : الاستوديوهات التحليلية يا جماعة اقسم بالله سبوبة مش اكتر و تصفية حسابات و أهداف بتتحقق من خلالها ، يعني ايه الكلام ده ؟ يعني مفيش حد بيتفرج علي الماتش بتركيز علشان يعرف هو هيتكلم عن ايه ولا هيقول ايه ؟ مفيش حد بيحاول يعرف المعلومات الصحيحة قبل مايطلغ يطُخ اي كلام وخلاص ويعمل فيها فيلسوف عصره و زمانه ، وقت الماتش كله يا إما بياكل يا إما بيتكلم في التليفون يسأل عن ربطة كراڤتتو شكلها عامل ازاي والچل مظبوط ولا لأ ؟ ، مقدمين عايزين مدربين يمسكوا فرق فابيحاولوا يعملوا دعاية ليهم " بتفطيس " المدربين اللي ماسكين ، علي فكرة مش كل الناس كده في محللين بيتكلموا " كورة وبس" من غير اي اهداف بيحللوا ال 90 دقيقة بس مفيش حاجة في دماغهم بيراعوا ضميرهم ، يا جماعة انا مش بقول أي كلام أنا اشتغلت إعلام وكل اللي بقولوا ده شوفتوا بعيني ، .... راعوا ضميركم واتقوا ربنا وافتكروا ان كما تدين تُدان ولو بعد حين ... خلص الكلام
