وزير البيئة لفلاح بالدقهلية: «أنا مش جاي أحل مظلمة كل واحد»

رفض الدكتور خالد فهمي، وزير البيئة، الأحد، الاستماع إلى شكوى أحد الفلاحين بمحافظة الدقهلية، قائلاً «أنا مش جاي أبحث مظلمة كل واحد»، وذلك أثناء لقائه بالفلاحين ومتعهدي جمع قش الأرز بقرية ميت الفرماوي، بمركز ميت غمر.
كان أحد الفلاحين حاول الحديث للوزير والشكوى من مصرف «سلامة»، الذي يمر بداخل قرية ميت الفرماوي، ويتسبب في انتشار الحشرات والقوارض ويتسبب لأبناء القرية في العدديد من الأمراض، فرد الوزير بقوله، «أنا مش جاي أبحث مظلمة كل واحد، أنا جاي علشان مشاكل قش الأرز».
وأضاف الوزير مخاطبًا الفلاح: «إذا كانت هناك طلبات شخصية أهلاً وسهلاً بيها، لكن سيادتك ممكن تكتبها وتسيبها لمدير مكتبي، ولما أروح مع مدير مكتبي هنحل الكلام ده، لكن إحنا دلوقتي مش جايين علشان نقعد نسمع مشاكل شخصية، ونضيع الوقت، عايزين نحل مشاكل حرق قش الأرز دلوقتي».