فيديو.. مميش: سيصدر قريبًا قرار بإنشاء هيئة تنمية قناة السويس

قال الفريق مهاب مميش، رئيس هيئة قناة السويس، إن قرارًا بإنشاء هيئة التنمية بمنطقة قناة السويس سيصدر قريبًا.
وتحدث «مميش» عن اجتماعه بالرئيس السيسي، الأربعاء، في مداخلة تليفونية مع برنامج «السادة المحترمون» للإعلامي يوسف الحسيني، قائلًا: «أهم حاجة البدايات لو البدايات صح هتبقى النهايات صح، إحنا كل ده بنحدد ازاي نبتدي المخطط الزمني لازم يبقى سليم، القوانين والتشريعات اللي هنشتغل بيها لازم تبقى مرنة ولازم تبقى سليمة، خلق فرص العمل، ده احنا حتى لو مكسبناش فلوس وخلقنا فرص عمل للشباب من كل المشاريع اللي جيه دي مصر هتكسب».
وأضاف: «إحنا كنا بنعرض على سيادة الرئيس هو كان طلع قرار بإنشاء منطقة التنمية بمنطقة قناة السويس، المفروض يطلع قرار من السيد رئيس الوزراء المفروض يطلع النهاردة، اللي هو هيئة التنمية بمنطقة قناة السويس، الهيئة دي هتبقى هيئة قوية جدًا الحيز الجغرافي بتعها كبير، في الفترة الأولى هيئة قناة السويس هتبقى هي بتمثل هذه الهيئة، أو بتقوم بأعمال الهيئة دي لحين تشكيل الهيئة واستقرار أوضاعها على الأرض، المستثمر على الباب، المستثمر عايز حد يتعامل معاه، فبالتالي لازم يبقى فيه هيئة قوية يتعامل معاها، هيئة قناة السويس على المستوى العالمي والمستوى المحلي درجة الثقة فيها عالية جدًا، فكنا النهاردة بنعرض على سيادته المخطط العام للفترة القادمة».