حالة حوار

د/عمروعبد السميع :مساء الخير وأهلا بكم في حالة حوارانا بحرضكم بحرضكم على النقد السياسي والاجتماعي والثقافي وأشاور لكم على جوانب القصور والتقصير في أداء الجهاز التنفيذي لكن لما الجهاز التنفيذي دي يعمل عمل كبير على الأرض لما يتحرك خطوات عملاقة في سبيل تنفيذ الوعد الرئاسي للناس اضرب له تعظيم سلام واقولة أنجزت يا حكومة وأحسنت يا حكومة انتو عرفين أني انا في البرنامج ده من ثلاث سنوات قدمت 8 حلقات تحت عنوان ملف الصعيد وناقشت فيها كل حاجة العادات والتقاليد الفقروالبطالة التنمية الغائبة واستشرفت المستقبل لكن انا لما بفتح ملف برجع له مرة ثانية وثالثة وبتابع ليه لان فهمي لوظائف الأعلام والصحافة هي اننا موفودون من قبل فقراء للبلاغ عن أحوال بعينها شوفنا شيء كويس نبلغ شوفنا شيء وحش نبلغ يعني في الحالتين لازم نبلغ الرأي العام لما رجعت لملف الصعيد لقيت نقلة كبيرة جدا حصلت في هذا الإقليم الذي طال حرمانه والنهادرة بركز على محافظتين سوهاج وأسيوط الاثنين ينتظروا مشروع تاريخي كبير هو طريق الصعيد البحر الأحمر والاثنين خاضوا معركة كبيرة بنتائج لافته سواء لتحقيق التنمية الشاملة أو لمواجهة الفقر والأمية والبطالة في زمن جديد بيختلف في الصعيد ولذلك انا النهاردة بقدم الحلقة دي علشان أقول للجهاز التنفيذي أنجزت يا حكومة وأحسنت يا حكومة
د/عمروعبد السميع : اسمحوا لي أولا ان أرحب بضيوفي وضيوفكم في الأستوديو الدكتور محمود محيى الدين و زير الاستثماراللواء نبيل العزبي محافظ أسيوط اللواء محسن النعماني محافظ سوهاج المهندس مجدى سليم رئيس جمعية مستثمري أسيوط المهندس محمود الشندويلي رئيس جمعية مستثمري سوهاج وأرحب بضيوفي في الأستوديو الأستاذ سعد هجرس مدير تحرير جريدة العالم اليوم الأستاذ محمود بكري مديرتحرير جريدة الأسبوع الأستاذ مصباح قطب مدير تحرير جريدة المصري اليوم وأبنائي وبناتي شبات وشباب القاهرة والصعيد وأهلا وسهلا بكم
د/عمروعبد السميع : بقي يا دكتورمحمود أنت كل شوية تفاجئنا مفاجأة شكل يعني شوفناك مثلا بتقدم من وزارة الاستثمار مجموعة من الكتب عن رموز الاقتصاد المصري الوطني عبر التاريخ علشان تعرف هذا الجيل من الشباب في الحقيقة وفي تلك الرموز
د/محمود محيى الدين : زي عبود باشا وزى فرغلي باشا
د/عمرو عبد السميع : وشوفناك مؤخرا أيضا بتتفق مع الشاعر الكبير عبد الرحمن الابنودي علشان يعمل قصيدة تطلق عن افتتاح طريق الصعيد البحرالأحمر
د/محمود محيى الدين : طيب دي شوفتها فين
د/عمروعبد السميع : انا مش هقول لحد أبدا انا بجبها ازاي ولا حبت الخبر ده منين انما بس اقدر أقول لا من الوزير ولا من الابنودي الحقيقة احنا بنسالك عن استخدام الوسائط الثقافية دي في تسويق أو ترويج المشروع التنموي و المشروع الاستثماري ازاي جتلك هذه الفكرة وهل أنت شاعر ان الأعلام غير مؤثر فتلجاء لمثل هذه الوسائط الثقافية اللي هي أكثر نفاذا ؟
د/محمود محيى الدين : لأ لوشاعر ان الأعلام غير مؤثر مكنتش استخدمت وسيط أعلامي في النهايه اللي هيحصل بمناسبة بدء العمل في اهم مشروع يشهده الصعيد في محافظة الثلاثة وبقيت أربعة دلوقتي بانضمام الأقصر لهم قنا والأقصر وسوهاج وأسيوط بانه هيطل على البحرالأحمر هتبقي المسافة للطريق من أسيوط الى سفاجا في حدود 3 ساعات 3 ساعات ونصف هتبقي المشوار من سوهاج من منطقة الكوثر الى سفاجا والغردقة في حدود ساعتين ونصف ثلاثة ساعات ده فارق كبير جدا في حياة البشر وحياة حركة الناس ونقل البضائع والسلع والحركة الآمنة المطمئنة والآدمية للبشر من مكان لمكان والمشروعات الكبرى اللي هتبقي حولين هذا الطريق اللي أتكلف الى الآن في مرحلة الأولي 1600 مليون جنية وهتصل الى حوالي 3 مليار جنية مع اكتمال كافة مراحله بالإضافة الى كل المشاريع الزراعية والصناعية والتنمية العمرانية اللي هتم على هذا الطريق
د/عمرو عبد السميع : برضه مش تقليدي ان وزارة الاستثمار تشتغل بالوسائط دي علشان تصل للناس ؟
د/محمود محيى الدين : أقولك لو انا اكتفيت ان أقولك الكلمتين دول اه في بعض الناس تقدر هذه الأرقام وهذه الكلمات في ناس تانية هتحتاج انها تنتقل الى الموقع نفسه علشان تري بنفسها حجم الجهد اللي أتعمل والمشروعات اللي حولية في انس ثالثة عايزة يعبر لها عن هذا المشروع بشكل مش احتفالي وأغنية وأنشودة ولكن للتفكير اللي تم ان يبقي في حد بقامة الشاعر صعيدي مصري معتبر عبد الرحمن الابنودي وان يبقي معاه مجموعة من الفانين والمثقفين والشعراء ده بيقولك المسالة دي تتجاوز مجرد طريق هذا اعتراف بقدرة الصعيد والصعايدة وصعيد مصر على التنمية والتطوير ومش غريب على ان الصعيد انا مش صعيدي انا من كفر شكر القليوبية ولكن مش غريب ان على تاريخ مصر بتجد أسماء لامعة أهم المفكرين المصريين أهم المثقفين المصريين أهم القادة المصريين جيين من الصعيد فدي في اطار مسالة رد الاعتبار رد الاعتبار مش بس في مشروعات صناعية وإنتاجية وزراعية ولكن تجعل كل مصري لان الصعيدي عارف قيمته والمصري عارف قيمته ولكن محتاج التفكرة بهذه القمم الكبرى من أهل الفكر كل ما بنروح محافظ ويشهد على ذلك السادة المحافظين لما بيكونوا معانا بنعتد زي ما انا كنت من كام يوم في أبو تيج بنضع حجر أساس لكوبري يوصل ما بين أربع مراكز في منطقة أبو تيج والبداري وساحل سليم فبنفكر الناس مين اللي كانوا على هذه الأرض ومشوا عليها قمم في السياسة زي مختار نصار وطبعا الرئيس عبد الناصر قمم في الشعر والأدب قمم زي احم بهاء الدين قمم في علوم الدين زي الشيخ السيوطي نفسه والشيخ الباقوري ده في محافظة واحدة وتجد في كل محافظة في المنيا تجد طه حسين في سوهاج نجد ناس لهم باع كبير جدا في العلم والأدب والتطوير ومن أهل الاقتصاد النهاردة مش غريب انك أنت تشوف في محافظة تجد مثلا اه فقر فيها مشاكل في قري ولكن أكثر المصريين ثراء جذورهم تجدها من سوهاج لما تجد الحركة الصناعية والاستثمارية الكبرى وتنبش ورآها في أسكندرية وفي بورسعيد وفي مناطق المواني وفي القاهرة قد تجد باحتمالات كبيره جدا ان ورآها مش بس صعيدي نجد ورآها واحد من سوهاج وهكذا فقلنا بقي اللي يلخص هذا الكلام حد يقدر ان الشعر ميزته ان بيوقفك عن المرحلة ويعلمك على التاريخ ويديلك خلاصته في أبيات وقصائد يتذكرها الناس فإحنا ان شاء الله في خلال الأسابيع القادمة على يوم عشرين يناير أو قبلة هيبقي البدايه التجريبية لطريق الصعيد البحر الأحمر من سوهاج بعدها بكام يوم هيبقي البدايه التجريبية لطريق الصعيد البحر الأحمر من مدخلة في أسيوط الى سفاجا وبعدها هيبقي في الافتتاح بطريق قنا سفاجا ومعاهم الطريق هو مجرد بدايه ان مش عاوز أقول الطريق افتتحناه وقصينا شريط وروحنا وأملنا ان هذا يتم في الموعد المحدد ولكن الطريق هو البدايه لأشياء اخري انا عاوز أقول للناس أني انا عاوز أخد تغطية تكلفة الطريق 3 مليار جنية انا عاوز ان أل 3 مليار جنية اللي أنفقتهم الدولة من خلال شركاتها على هذا الطريق وتنميته هي مجال لجذب استثمارات مصرية وعربية وخارجية هي مجال التشغيل لفرص العمل
د/عمروعبد السميع : في هذا السياق احنا كنا عملنا 8 حلقات وتحت عنوان ملف الصعيد في حالة حوار منذ ثلاث سنوات ؟
د/محمود محيى الدين : انا شوفت تعليق على واحد منها من يومين ثلاثة الأخ سليمان جودة كان كاتب وقال وهو يعلق على عودة السيد الرئيس محمد حسني مبارك بعد افتتاحه لعدد من المشروعات التنموية في المنيا والأقصر التي أصبحت محافظة للمستثمرين ان يتقدموا انا عاوز ارجع لك ليه لأنها نقطة مهمة .
د/عمروعبد السميع : الناس اللي جاءت هذه الحلقات من الصعيد والمسئولين حيت اللي جهم من الصعيد وممثلي المجتمع المدني اللي جم من الصعيد كلهم كانوا بيتكلموا عن مطلبين تاريخيين المطلب الأول هو مطلب هذا الطريق والمطلب الثاني خط الغاز لتدويرالصناعة والمشروعات في الصعيد .
د/محمود محيى الدين : مش بس طريق الصعيد ده في طريق هام جدا افتتحه سيادة الرئيس في مرحلة منه هو ازدواج وتدعيم طريق القاهرة أسيوط الطريق الغربي والطريق الغربي ده ممتد حتي يصل الى أسوان .
د/عمروعبد السميع : ايه اللي هيترتب على الحاجتين دول تحديدا ؟
د/محمود محيى الدين : ارجع لك على الحاجتين دول الكلمة اللي أنت قلنها في البرنامج بتاعك وعلى حلقاته هي نفسها السادة المتابعين وضيوفك اللي معانا النهاردة استمعوا لها زي الأستاذ محمود والأستاذ سعد والأستاذ مصباح من عدد من المستثمرين ورجال الاعمال اللي احنا استضفناهم على مدار السنوات اللي فاتوا وحضرها السادة المحافظين معانا زي أول مؤتمر للاستثمار في الصعيد وقلنا لهم أتفضلوا في بنية أساسية قالك لأ أنت عندك في حتت فيها بنية أساسية وفي أماكن اخري مفيهاش في أماكن فيها مطارات متميزة جدا زي الأقصر وأسوان وأبو سنبل وفي مطار تحت التطوير مطار موجود ولكن بيطور زي أسيوط وفي مطار تحت التأسيس في سوهاج مكنش الكلام ده كله أما ابتدينا الشغل في 2004 و 2005 كان على الخريطة أساسا مكنش موجود ولا كان حتي محطوط في الخطة الزمنية ان تضخ هذه الاستثمارات الغاز الطبيعي مكنش فيه نقاش انه الصعيد هياخذ أولوية في توصيلة الأسبوع اللي فاتت اتصلت بالمهندس سامح فهمي ومن بعده اتصلت بالسيد الرئيس محمد حسني مبارك أبشرة بأنه الوعد اللي أخذته الحكومة على ان خط الغاز الطبيعي يصل الى أسوان في مصنع كيما الغلايات بتاعت مصنع كيما أول تشغيل تجريبي لها أتعمل الأسبوع الماضي لكن ده مش المصنع نفسه المصنع نفسه هيبقي باستثمارات 600 مليون دولار هتعملها من الموارد الذاتية لتحويل هذا المصنع من الكهرباء الى الغاز .
د/عمروعبد السميع : برضه تأثير ده على حركة التنمية والاستثمار في الإقليم ده ايه ؟
د/محمود محيى الدين : ارجع لك ليه لان كل المستثمرين قالك انا عاوز أمرين عاوز طريق علشان اقدر انقل الناس وانقل بضاعتي والعمال اللي هيبقوا عندي يتحركوا من مكان لمكان بشكل امن بقولك دي من أهم المطالب مشاكل المطالب أهم المطالب الموضوع الثاني الطاقة أو الغاز الطبيعي النهاردة أي مشروع أو غير مستهلك بكثافة للطاقة هيحتاج طاقة متقدرش انك أنت تعمل هذه المشروعات اللي احنا بنتحرك بها النهاردة زي مشروع اسمنت قنا وزى مشروع اسمنت سوهاج دول مشروعين وزارة الاستثمار شغالة فيهم وعدد كبير من المشروعات القطاع الخاص تتحرك هناك متقدرش تعمل تنمية سياحية في سوهاج اللي فيها النهاردة استكشافات وما يبشرنا ان فيها من المزارات السياحية ما يناقش الأقصر ده مش كلامي ده كلام الدكتور زاهي حواس وابتدينا علشانها نعمل فندقين
د/عمروعبد السميع : الأمين العام للمجلس الأعلى للآثار
د/محمود محيى الدين : بنعمل فندق في البلينة في جنوب سوهاج وبنعمل فندق أخر بالإضافة الى فنادق تتعمل في مدينة سوهاج ليه لان متوقعين ان تتحرك السياحة هناك يبقي هنا ده بند الطريق وبند الغاز الطبيعي لكن يقولك ايه طيب انا عاوز مطارات علشان كده مطار أسيوط مع كل أهمية اللي كانت موجود عليها بيتعمل له تطوير يجعله واحد من أهم المطارات المصرية بيتعمل مطار أخر وللسادة المحافظ تفاصيل الموضوعات عندهم أكثر مني بيتعمل مكار أخر سوهاج يعتبر من أكثر المطارات اتساعا وتجهيزا للحركة والنمو القادم وأنا لما تكلمت يمكن سيادة المحافظ يتذكر ان في سنة 2005 قلت أني انا مستبشر بالصعيد ليس فقط لما سوف يحدث في الصعيد ولكن لما سوف يأتي على مصر من خير من الصعيد بمعدلات نمو تبقي اعلي الصعيد ارض بكر بكل معني الكلمة الزراعة التي يمكن ان تنموا الصناعة التي يمكن ان تصنع الناتج الزراعي وتستخدم الخامات ولا تصدرها خام ولكن تصنعها وتطورها الحركة السياحية لكل العصور المصرية من ما قبل التاريخ والفرعوني والقبطي والإسلامي وعصور بينهم بطلمي ويوناني وروماني هنجد مزارات سياحية لمن يريد ويرغب وبرضه في نقطة يعني انا مش من باب المبالغة ولكن كل واحد يقولك أنت بنروح الصعيد تعالي زورونا كده يعني أصدقائنا زمان نطلع تيجي لنا من سبتمبر كده لمارس ابريل انا تعمدت كل الزيارات وأكثرها كثافة في التواجد ان احنا نروح الصعيد في يوليه وأغسطس يمكن بقي في يوليه وأغسطس بنعمل هذه الزيارات والمجال موجود للحركة والانطلاق هناك
د/عمروعبد السميع : حضرتك بنقول 2005 في 2007 حضرتك أعلنت شركة الصعيد للتنمية والاستثمار ؟
د/محمود محيى الدين : عملنها في أسيوط
د/عمروعبد السميع : تمام وأطلقت برنامج لحوافز الاستثمار في الصعيد بقيمة أجماليه مليار جنية علشان أنشاء 150 مصنع يشتغل فيهم 60 ألف بني ادم وقلت من ضمن هذه الحوافز ان الحكومة هتقدم 25% من رأس المال وانه يتزايد طبقا لتزايد عدد الأيدي العاملة في المشروع طيب النهاردة فاتت سنتين حصل ايه بقي طبقا للحوافز دي ؟
د/محمود محيى الدين : الحوافزدي للصناعة أعدتها وزارة التجارة والصناعة وأعلنتها في ذات التوقيت في اطار حزمة بدئنا التجهيز فيها وتزامنت وتم تكثيفها بعد الكلمة الشهيرة اللي ألقاها الرئيس محمد حسني مبارك في مارس في أسيوط بمناسبة التعديلات الدستورية وكانت مناسبة سياسية وهي دستورية الا انه قصد فيها التنمية وانطلاق التنمية في صعيد مصر في هذا التوقيت حطينا الحزمة كحكومة مش كوزارة كحكومة لمساندة الاستثمار في الصعيد يلفت نظرك ان الفيوم مع ان احنا في تصنيفنا مع الوزير عبد السلام المحجوب بناخذ الصعيد
د/عمروعبد السميع : وزير التنمية المحلية
د/محمود محيى الدين : بناخذ الصعيد من أول الفيوم الى أسوان ونضم له لأسباب مرتبطة بالتكامل التنموي محافظة الوادي الجديد الظهير الصحراوي الممتد والحيز أيضا في أمكانته وتضم البحر الأحمر لهذا بالنسبة لنا استثماريا هو إقليم الصعيد أم عملنا هذا الترتيب الفيوم لم تكن من ضمن المحافظات التي أخذت حافز ليه الآن احنا راهنة على ما حدث ان الفيوم هي الامتداد الطبيعي للتنمية التي تحدث في الجيزة و6 أكتوبر والقاهرة وبالتالي مسئلة تحفيز المستثمر الى ان يتواجد في المناطق الصناعية مش مطلوب قد يكون التحفيز واجب بقي وده اللي احنا قلناه ويا ريت برضه يبقي في تجاوب سريع من ناحية السياحة وأيضا الزراعة في هذا الشأن التطور الواجب في القطاعين دول في محافظة الفيوم بني سويف استبشرنا أيضا بما حدث فيها من تطوير لأنك بيربطك النهاردة ببني سويف أربع محاور طولية معتبرة بمعني ممكن تصل من بعض أطراف القاهرة شرق القاهرة وغرب القاهرة الى بني سويف أسرع ما تصل من القاهرة لغربها يعني لما يطلع من بيتنا في 6 أكتوبر الى بني سويف تأخذ ساعة وعشر دقائق ساعة وربع لما تحاول توصل المطار تأخذ ساعتين أو ساعتين وعشر دقائق بعض الأيام طيب هنا الموقف ايه بقي أنت بتتكلم على طرق ربطت بني سويف بأسواق القاهرة والقاهرة الكبرى يبقي تحفيز فيها هنا يبقي النصف ماخذش كل التحفيز اللي راح للصعيد فيمكن يأتي المحفزات بدأت نتحرك شوفنا وكان سيادة الرئيس في المنيا وكان وزير التجارة والصناعة من ضمن الوفد المرافق وأتكلم عن التدفق الجديد للاستثمارات الصناعية في المجمل نصيب الصعيد بالتعريف اللي احنا قلناه
د/عمروعبد السميع : ايوه
د/محمود محيى الدين : من الشركات اللي تم تأسيسها في مصر زاد من 10 % من كل الشركات وده كان متواضع جدا الى 17% ده على حساب المدن التي اكتظت بالاستثمارات ودي نقلة يعني كله بيتحرك
د/عمروعبد السميع : لو سمحت حضرتك يا دكتورمحمود يعني
د/محمود محيى الدين : دي شركات مؤسسة لسه ماشتغلتش
د/عمروعبد السميع : احنا بنشوف مثلا زيارات متواصلة لرئيس الجمهورية للصعيد في الفترة الأخيرة
د/محمود محيى الدين : بيحصل
د/عمروعبد السميع : وده أسلوبه في العمل منذ ان كان قائدا للقوات الجوية انه لما يهتم بملف يفضل يزور يزور
د/محمود محيى الدين : المعاينة الميدانية
د/عمروعبد السميع : احنا شوفنا قبل كده انه راح زار قرية البضائع في المطار مثلا 14 مرة لغايه لما اشتغلت أيضا بنشوف مؤتمرات الاستثمار أيضا بنشوف مجالس المحافظين يتعقد في الصعيد فاضل ايه تاني يتعمل
د/محمود محيى الدين : لأ فاضل بعض الأمور اللي المفروض أحنا نحطها ونكمل بها هذه المنظومة اللي تشجع الاستثمار يمكن دي برضه فيها ما ذكره سيادة الرئيس في المنيا وحلقاتك وبعض التعليقات اللي صدرت من بعض كتاب الأعمدة ومنهم سليمان جودة لما كتب المقال في مسالة دعوة رئيس الجمهورية للمستثمرين ورجال الأعمال لتحمل مسئولياتهم في التنمية ده بعض اطمأننا بان ما جاء من مطالب رئيسية للمستثمرين تحقق أنا قلتها لسيادتك من شوية قولت الناس عوزه طرق أدي الطرق عوزه غاز طبيعي أدي الغاز الطبيعي بيمر في بقي حاجات يجب أن تتم إما بالمشاركة مع القطاع الخاص أو بالقطاع الخاص منفرد وخلاص الدولة هنا دخلت استثماراتها الرئيسية حطت البنية الأساسية حطت الإطار العام اللي أنا مفروض أعملة بالمشاركة
د/عمروعبد السميع : عنده الإرادة القطاع الخاص يعني دائما يقولك الإرادة السياسية عند الدولة طيب الإرادة السياسية للدولة أظهرتها القطاع الخاص عنده بقي الإرادة ؟
د/محمود محيى الدين : هو عنده إرادة ورغبة تحقيق الربح آه هو عنده رغبة تنموية في بلدة أهلا وسهلا ولكم لو لك يكن هذا المشروع مربح مهما قال هو حتي ممكن يعمله يوم ولكن تاني يوم يحوله إلى مشروع خيري وبعد ثالث يوم يدور على حد يصرف عليه لكن أنت النهاردة هل هناك عائد جاي للمستثمر إذا ما استثمر في الصعيد في الزراعة في الصناعات الغذائية في استغلال الخامات وتحويرها وتطويرها إلى الدخول في مشروعات كثيفة العمالة نعم وعلشان كده مش مستغرب أبدا انك النهاردة بتشوف بالأرقام أن الاستثمارات المتوجه إلى بني سويف في مجالات صناعية اكبر بكثير جدا من ذي قبل المنيا تدخل في الطريق أسيوط وسيحدثك سيادة المحافظ عن زيارات وعدد من المشروعات تحت التأسيس
د/عمروعبد السميع : سيادة الوزير بقولا واحد هتعملوا ايه لمصلحة الناس نقدر نقوله لهم ؟
د/محمود محيى الدين : شوف المشروعات دي كلها هذه الطرق لمصلحة الناس أن مشاريع الناس الناس هتشتغل فيها في النهايه لحركة آمنة حتى لو مش هيشتغل يعني الحوادث التي كانت تحدث على الطرق بسبب إهمالهما وعدم أمانها كان فيها مشاكل كبيرة المشروعات الغاز الطبيعي مش راح بس للصناعة يعني الوزير سامح فهمي أعلن انه عنده الخطة بالإضافة للدخول في الصناعة عنده مشروعات أيضا مش لإدخال بس المراكز والمدن ولكن القرى المتناثرة في طريق هذا الأنبوب الموصل للغاز للناس ده من الحاجات اللي أعلن عنها عدد البنوك اللي تم تأسيسها البنوك عادة تبقي قرون استشعار هيقو لسيادتك السادة المحافظين البنوك دي متجيش في حتة إلا إذا كان في خير قائم أو خير محتمل فمبيجيش كده علشان يفتح لك الشباك ويحت لك إعلان ففي هذه البنوك تتأسس شركات التامين التي تتواجد عندنا بقي المشروعات يمكن من أهمها ما يخص أسيوط وسوهاج والنقل العام أول حاجة أنت بتعمل النهاردة كل هذه التوصيلات للمناطق الصناعية لا يصح انه ميكنش عندك ميناء لتداول الحاويات وده مشروع هيتكلف حوالي مليار ونصف الى 2 مليار جنية
د/عمروعبد السميع : فين ؟
د/محمود محيى الدين : ده هيبقي في جنوب سفاجا ميناء سفاجا نفسها لاستخداماتها ولكن في جنوب سفاجا
د/عمروعبد السميع : هو ده الكلام
د/محمود محيى الدين: أحنا اتصلنا بسيادة المحافظ بيوم 16 يعني بعد كام يوم لقاء أن شاء الله نعمله مع السادة المحافظين ومعنا سيادة محافظ البحر الأحمر علشان نضع الرتوش الأخيرة في هذا المشروع ده يحول حركة النشاط الصناعي للمستثمرين سوهاج
د/عمرو عبد السميع : ايه كمان غيرهم ؟
د/محمود محيى الدين : في أسيوط لأ في عدد من المشاريع الأخرى هامة بالنسبة للتصنيع الغذائي في طريق الصعيد في عدد من المشاريع خاصة بالمواد الجافة في مداخل الطريق في عدد من المشاريع اللي تستفيد من الحركة السياحية هناك هيعلن عنها كل واحدة منها في حينه
د/عمرو عبد السميع : هو ده الكلام وسلام للوزير سيادة اللواء نبيل العزبي مسئولين وزارة الاستثمار الحقيقة في مؤتمر يور مني في أكتوبر اللي فات أتكلموا عن انه سيتم تخصيص 4.5 مليار جنية علشان يتعمل 16 مشروع على جانبي الطريق الصعيد البحر الأحمر ايه اللي يخص أسيوط من الكلام ده ؟
اللواء/نبيل العزبي : كثير الحقيقة وهو الحقيقة إجمال الأمر ان وجه الحياة في الصعيد النهاردة أتغير أحنا يمكن كان لينا من سنتين هنا وفي نفس البرنامج الحقيقة أحنا تحثنا عن كثير من السلبيات عن كثيرمن احتياجات المواطنين النهاردة واقع الحياة وشكلها الحقيقة المواطن أصبح يستشعر قدر حرص الحكومة كبير جدا على أنها تحدث النقلة النوعية في هذه الحياة وحضرتك وزى ما أشار السيد الوزيران سيادة الرئيس من جامعة أسيوط أطلق مبادرته لتنمية الصعيد في مارس 2007 النهاردة ايه اللي حصل عندنا كل مكون الحياة إصابة التغير الإمكانات وكل الموازنات المادية أو الاحتياجات الماليه الدولة وفرتها للصعيد أحنا عندنا خلال السنة اللي فاتت افتتح ازدواجية الطريق الغربي بتكلفة بتوصل من ما يقرب من مليار جنية نحن على مشارف افتتاح طريق أسيوط سفاجا باستثمارات ما يقرب من 2 مليار جنية لو خدنا الشق الخاص بواقع الاستثمار أسيوط فيها 6 مناطق استثمارية هذه المناطق أصبح حجم رؤوس الأموال المستخدمة بتوصل لحوالي 7 مليار هذا الواقع في عشر سنوات سابقة على 2006 كان حجم الاستثمارات اللي موجودة 500 مليون يعني هذا الرقم بعث أكثر من 14 مرة ليه حصل ده لان الدولة وفرت الإمكانات القدرات العناصر الجاذبة للاستثمار أصبحت موجودة ومتاحة مطار جديد يتبني صالة جديدة بسعة 600 راكب في أسيوط ران واي يتعمل مطار أسيوط بيعاد تحديثه وتطويره النهاردة أصبح من عندنا 11 رحلة 11 خط طيران دولي يقلع من مطار أسيوط أصبح لنا اتصال بنطاقات دول الخليج والمناطق الأخرى أصبح عندنا فنادق عائمة أصبح أخيرا معالي الوزير افتتح خلال الفترة اللي فاتت فندق عائم في أسيوط ودي كانت الحقيقة أمل لأهالي أسيوط وبعدين تيجي النقلة الحقيقية الحضارية النوعية الضخمة جدا اللي بتحصل لان أنا باعتبر ان ده حدث في تاريخ الصعيد حدث ضخم جدا ان يبقي هناك إطلاله لهذا الصعيد على البحر الأحمر الصعيد كان لو كان حديث ما بين أركان الجبال والنطاقات الصحراوية تحكمه وتمنع امتداده
د/عمروعبد السميع : اللي حصل ده نقول عليه أتصنع تاريخ يعني أتفتح هذا الممر البحر الأحمر أتصنع تاريخ ؟
اللواء/نبيل العزبي : ده هو انفجار هذا الأمر لسبب إطلاله للصعيد على البحر الأحمر ومع ما يحمله من واقع استثماري جديد وخير ونماء إلى الصعيد أحنا في أسيوط عندنا إلى جوانب هذا الطريق بتنشاء مناطق استثمارية نطاقات تخزين نطاقات جمركية ميناء جاف تجمعات سكنية وكلها مرتبطة بالكيان المخطط له سابقا لمدينة أسيوط الجديدة ثم هناك محور جديد يمكن معالي الوزير أشار إليه الخاص بمحورجديد ليربط الطريق الغربي وبين الطريق الشرقي وتمولة وزارة الاستثمار وده الجديد أن وزارة الاستثمار كداعمة للاستثمار بتمول حتى المشروعات الممتدة كمشروعات طرق زى طريق أسيوط سفاجا أيضا طريق أسيوط الشرقي والغربي والربط بينهم كوبري أبو تيج الجديد اللي تم افتتاحه يخدم خمس مركزا موجودة داخل محافظة أسيوط وكان أمل لكل شعب أسيوط النهاردة أصبحت هذه الآمال محققة أحنا أصبح الغاز الطبيعي عندنا كنا بنحلم به من سنتين موجود في منازل أسيوط وأصبحت معظم المنازل تستخدم الغاز الطبيعي ودخل ما يزيد عن 12000 وحدة سكنية جديدة لها الغاز الطبيعي أسيوط أتفتح فيها 24 فرع بنك جديد ودي إشارة للواقع اللي حاصل في الجذب الاستثماري إلى نطاقات الصعيد ثم ننظر إلى الأطر الأخرى جميع مراكز أسيوط وإحنا بنتكلم على الهواء وجميع شعب أسيوط يعلم هذا في كل مراكز أسيوط النهاردة محطات صرف صحي جديدة محطات ميه شرب جديدة شباكات جديدة للصرف الصحي وميه الشرب
د/عمروعبد السميع : ايه اللي ناقص يا سيادة المحافظ ؟
اللواء/نبيل العزبي : عندنا لسه الآمل والمجال ما زال مفتح أحنا محتاجين إلى مزيد من الاستثمارات محتاجين إلى جذب المستثمرين إلى الصعيد
د/عمروعبد السميع : ايه اللي محتاجه من الحكومة ؟
اللواء/نبيل العزبي : كثير أحنا ما زال عندنا بعض مشروعات البنية الأساسية في القرى ما زالت في حاجة إلى نظرة اكبر من جانب الحكومة عندنا مزيد من الطرق احتياج المواطن ما زال قائم والصعيد مع طول التباعد عنه والاعتبارات الحقيقية كانت برضه تحسب للحكومة وليست ضدها هذه الاعتبارات كلها كانت احد المسببات للتباعد ولكن ها وان أصبحت الحكومة النهاردة بتضع هذه القدرات يعني لو قلت لحضرتك حجم الاستثمارات اللي وصل إلى محافظة أسيوط خلال ثلاث أعوام بيوصل إلى حوالي 6.4 مليار جنية هذا الرقم رقم في تاريخ أسيوط يساوي 25 سنة سابقة لموازنات محافظة أسيوط تم ضخها في ثلاث سنوات احتياج المواطن النهاردة أصبح يجد صدي لدي الحكومة أصبح الإطار مرصود
د/عمروعبد السميع : احتياج المواطن أنا بقي شفت بعض الأوراق لمؤتمر عقدته جامعة أسيوط في ابريل اللي فات عن مواجهة المشكلة السكانية وأنا بهتم قوي بالشغل اللي بتعملة الجامعات الإقليمية حول مشاكل البيئة المحلية فلقيت ان من ضمن الكلام انه هناك تشجيع لاتجاهات تتعلق بدعم الحراك العمراني إلى المناطق الواعدة وأيضا بتطهير العشوائيات وأيضا بغزو الظهير الصحراوي إلى آخرة أرقام 2006 بتقول ان كان في أسيوط 84 عشوائية بيسكنها نصف مليون مواطن 40% منهم بيعانوا من البطالة و 38% منهم بيعانوا من الفقر هنا في الحقيقة لازم نقف أمام ده أنت عملتوا ايه لتخفيض عدد أرقام العشوائيات دي وخاصته اللواء محسن عندهم في سوهاج نزلوا أرقام العشوائيات من 68 عشوائية إلى 27 عشوائية في مشروع مشترك مع مجلس الوزراء انتوا عملتوا ايه ؟
اللواء/نبيل العزبي : أحنا الحقيقة غطينا حوالي 60% في هذا الحجم ويمكن أول الخطوات اللي اتخذت كانت الحقيقة في نطاقات الإسكان الشعبي أنت عارف حضرتك مناطق الإسكان الشعبي بتحوي أعداد كبيرة جدا والحقيقة كانت آمل وملاز للمواطنين خلال السنوات السابقة هذه المناطق الآن تم تطويره وتحديثها بصورة لم يسبق لها نظير يعني لو قلنا خدنا مساكن منطقة نزلة عبد الله أو منطقة مساكن مبارك المناطق الضخمة اللي بيقيم فيها ما يزيد عن تقريبا حوالي نصف مليون مواطن تم تحديثها بمكون بنية أساسية بإعادة تجديد لكل نطاقاتها
د/عمروعبد السميع : يعني فاضل كام عشوائية ؟
اللواء/نبيل العزبي : أحنا تقريبا عندنا 22 منطقة عشوائية ودي الحقيقة موجودة في المراكز إنما كمدينة أسيوط النهاردة أنا بأكد وأمام الجميع ان كل النطاقات العشوائية الموجودة فيها تم تطويرها نطاقات الإسكان الشعبي واليد تمتد إلى منطقتين أخيرتين موجودين في غرب البلد ان شاء الله أنا بتوقع مع بدايه نطاقات البنية الأساسية إلى هذه المناطق وإعادة تأهيلها بصورة أخرى لان لها إعادة تخطيط
د/عمروعبد السميع : سيادة المحافظ في تقدير حضرتك أحنا ليه مبنعرفش بالكلام دي يعني مثلا أحنا بنشوف الإعلام بيركز على سلبيات كثيرة أحنا كمان بنتناول السلبيات لكن مبنشفش الايجابيات دي كثيرا يعني أحنا مشفناش الايجابيات دي عن أسيوط إلا علي أقلام وليست السنة بعض الصحفيين زى الأستاذ محمود بكري في الأسبوع وزى فتحي خطاب أستاذ فتحي خطاب في الأحرار وزى الأستاذة دينا ريان في الأهرام العربي إنما مفيش حالة اهتمام إعلامي عام بما يجري بس يأخذه تصريحات المسئولين وخلاص ؟
اللواء/نبيل العزبي :هو يمكن منظور الحداثة والحقيقة ضخامة ما حدث في الصعيد والنقلة النوعية اللي حصلت يمكن كانت بعيدة شوية عن منظور أخواننا زاد بعد المسافة ما هو أي حد من أخواننا الصحفيين علشان يوصل إلى أسيوط يا ما محتاج إلى 5 ساعات أو أربع ساعات ونصف أو محتاج لتذكرة طيارة
د/عمرو عبد السميع : لأ محمود بكري مدرب وبيروح مسافة الصعيد دي بسهولة .
اللواء/نبيل العزبي : هو طبعا جذوره صعيدية جذور عظيمة في الصعيد إنما واقع الصعيد النهاردة ويشهد لهذا المواطن أحنا يمكن المنظومة أحنا بنطلأا كمحافظين من أعين الموطنين عندنا المواطن في الصعيد النهاردة أصبح حالة الرضا العام اللي موجودة عنده أصبحت متميزة جدا أصبح المواطن النهاردة بيشكر الحكومة عن قناعة وليس عن إجبار النهاردة واقع التواصل مع المواطنين ودعوة سيادة الرئيس لما كلفنا وحلفنا اليمين كان أو دعوة لسيادته وأول توجيه تواصلوا مع المواطنين انزلوا للمواطنين اتعملوا مع المواطنين خليكم ميدانين خلوا تواصلكم مباشر المباشر مع المواطنين اعرفوا احتياجاته كل هذا في الواقع حدث الحقيقة النهاردة كل السادة الزملاء من السادة المحافظين الحقيقة بيقوموا بدور شديد التميز في هذا المجال لان أحنا كلنا خدنا على عاتقنا وبالتعاون والتواصل مع الوزارة ومع السادة الوزراء جميعا السيد رئيس مجلس الوزراء والدكتورمحمود محيى الدين أصبح إطار التعاون والتواصل بيننا قائم بل الإطار قريب جدا علشان نلكم الدكتورمحمود محيى الدين صدقني في لحظة يبقي في اتصال وتواصل في متابعة في تكرار الرؤية في تداول وفي مشورة وهكذا وأصبحت الشراكة قائمة وبصورة متميزة جدا وده معطيات نجاح وأنا اعتقد ان نجاح الحكومة الحاليه في ما حدث للمواطن في صعيد مصر يشهد به المواطن في صعيد مصر قبل ان تشهد به أجهزة الإعلام
د/عمروعبد السميع :على العموم أحنا بنشيد النهاردة بأداء الحكومة الحكومة في هذا الملف تحديدا ونعد بان ده مش هيستمر طويلا اللواء محسن نعماني في الحقيقة ما دام جبنا سيرة الجامعات الإقليمية جامعة سوهاج عملت مؤتمر هام جدا كان بيتكلم عن عدد من الأبعاد بالنسبة للتنمية بعد سياسي وبعد امني وبعد علمي الخ وده طبعا بيفتح طريق أمام فكرة نتيجتها شرحها بعض كبار وقيادات الأمن في المحافظة وقالوا انه كلما تقدمت التنمية تراجعت الجريمة الخ طيب أنا عاوز أسأل سؤال هل المسئولين التنفيذيين عندك في المحافظة واعيين بهذا البعد بهذه الخلفية فعلا ولا لأ ؟
اللواء/محسن النعماني :هو يعني أحنا طبعا فخورين بجامعتنا جدا وإحنا جامعتنا استقلت من 2006 حتى الآن فيها عدد 10 كليات منهم 7 كليات عملية و3 كليات نظرية هامة زى التربية والتجارة والآداب أحنا جامعتنا مش بس استقلت دي كمان ولدت منها جامعة عملاقة بتبني في غرب سوهاج جنب مدينة سوهاج الجديدة أحنا فخورين أيضا بجامعتنا لأنها جزء أساسي من اتخاذ القرارات التنفيذي أحنا بنشتغل مع بعض المسالة مش أكاديمية فقط إنما مشروعات عملية وميدانية ونحن مكملين للجامعة والجامعة مكملة لنا في مختلف الأنشطة المؤتمرات اللي بنعقدها الجامعة احد الوسائل الحقيقة اللي بتضارب بها المحافظة مشروعاتها حالة الرضا اللي أتكلم عنها أخي السيد اللواء نبيل العزبي هذه الحالة نلمس في الصعيد الصعيد يشعر انه في قلب وعقل الرئيس انه أعطي الأسبقية الإداري في خطة التنمية ان مشاريعه التي كان يعني يتعرف لحالة فكاهة عندما يطالب بها أصبحت موجودة ان له حكومة وزرائها بيجولوا ويراهم فقط في التلفزيون إنما يعني أنا اعتقد أنهم بيشوفوا الدكتورمحمود محيى الدين زى ما بيشوفوا محافظهم كل شوية موجود بينهم وعلى أراضيهم والسادة الوزراء في مختلف التخصصات كلا في تخصصه لأني الحقيقة التنمية زى ما حضرتك عارف لا تتجزأ
د/عمروعبد السميع : أنا بسال سؤال الكوادر بتاعتك في العمل التنفيذي على وعي بهذا البعد في التنمية
اللواء/محسن النعماني : أحنا كوادرنا التنفيذية تتسابق ودي يمكن علشان كده سوهاج في مديرياتها المختلفة في كل ما تدخل مسابقة على أي مستوي لها دائما حصة الأسد من المراكز الأولي في التربية والتعليم في الثقافة في الصحة في الإسكان دائما
د/عمرو بد السميع : المجالات الخدمية ؟
اللواء/محسن النعماني : كافة المجالات الخدمات كل تقييم بتصدره هذه المدريات والمراكز الأولي دي نعمة كبيرة من عند ربنا لان أحنا بنعمل فريق عمل واحد كلا بيكمل الأخر دي روح الصعيد دلوقتي
د/عمروعبد السميع : طيب أحنا عاوزين نعرف ملامح المشروع المشترك اللي بينكم وبين مجلس الوزراء اللي نجحتوا فيه في ضغط أعداد العشوائيات في سوهاج كده ؟
اللواء/محسن النعماني : هو أحنا الحقيقة عندنا لجنة دائمة مكونة من الجهاز التابع لرئاسة الوزراء ومن المحافظ وعندنا خريطة عمل بتاخذ المناطق العشوائية وإحنا بالمناسبة خفضا 28 كمان دلوقتي نزلنا إلى 22 أحنا بنعمل محورين المحور الأول المناطق العشوائية الأكثر خطرا وفي المناطق المعرضة للخطر والحمد لله دلوقتي أزلنا هذه المناطق تماما وبنعمل طبقا لخطة
د/عمروعبد السميع : ازلتوا مناطق وديتوا الناس فين ؟
اللواء/محسن النعماني : لأ نظمناها يعني طبعا اللي عندي في مناطق الخطر عاديناها بديل وأخليت زى مناطق اللي هي تحت الجبال العاليه المعرضة للسقوط اللي في مخرات السيول الحاجات دي كلها أبعدناها تماما وأيدينا لهم بديل والحمد لله
د/عمروعبد السميع : في إطار محافظة سوهاج أيضا الموضوع مش موضوع طريق شق من الصعيد إلى البحر الأحمر أحنا زى ما سيادة الوزير دلوقتي ذكر مطار مهم وهو مطار روي اللي بينشاء في سوهاج في أيضا زيادة في الرقعة الزراعية 250 ألف فدان علاوة على 315 ألف فدان اللي كانوا موجودين في سوهاج الكلام ده كله تداعياته ايه أثارة ايه ؟
اللواء/محسن النعماني : هو الحقيقة أحنا بنعمل مع سيادة الوزير ومعانا السيد وزير الري في دراسة وفي لجنة دائمة في وادي قنا
د /عمروعبد السميع : أنا عايزك تقول لي ناس ثانية غير الوزراء وكده يعني بتعملوا مع مين تاني الناس الناس ؟
اللواء/محسن النعماني : ده هو أكيد أقول لحضرتك أهل سوهاج عاملين الطريق المطار
د/عمرو عبد السميع : فين القطاع الخاص فين المجتمع المدني قولي حاجات من دي يا سيادة المحافظ ؟
اللواء/محسن النعماني : هو متخيل حضرتك من حب أهل سوهاج وتقديرهم لما يتم على أراضيهم كان خلال شهر رمضان بياخذ وفطرهم ويرحوا للعاملين على طريق البحر الأحمر أو في المطار علشان يعزموهم ويفطروا سوي يعني ده الإحساس باللي بيتم لهم المسالة بالنسبة لهم مش طريق المسافة بالنسبة لهم 86.5% من مساحة سوهاج هيوفرها لهم هذا الطريق لم تستغل بعد في كافة الأنشطة الانتقاليه الثانية
د/عمروعبد السميع : يعني دي عملية تحرير سوهاج تقريبا ؟
اللواء/محسن النعماني : هي عملية الحقيقية أنا بتصورها عملية توازن مصر نفسها بالكامل يعني الصعيد كان أعطي مصر في قديم الزمان ولعلي الملك مينا تحر سنة 300 قبل الميلاد من سوهاج في برمة في جرجا وشكل مصر أسس مصر اللي بيحصل دلوقتي ان فعلا الرئيس مبارك بيحدث الصعيد وبيحطة مرة أخرى بقوة على خريطة مصر ده شيء أهل الصعيد حسينه
د/عمروعبد السميع : بس المرة دي مش توحيد سياسي توحيد وجداني زى ما نقول كده ؟
اللواء/محسن النعماني : هو الحقيقة يعني حضرتك بتعمل شرايين الجسم كله يعني الطريق ده بيوصل شرق مصر بوسط مصر ثم في مشروع أخر بيوصل وسط مصر بغرب مصر بين الكوامل وبين الخارجة في ازدواجية يعني بينا وبين أسيوط بيزدوج الطريق بيننا وبين قنا بيزدوج الطريق مصر بتتصل ببعضها ليست جزء بعيدة عن بعضها ولكنها جسد واحد بيتكامل وده اعتقد انه هيعود على العملية التنموية بأفضل عائد
د/عمرو عبد السميع : سيادة المهندس مجدى الحقيقة انتوا كنتوا رحتوا رئاسات جمعيات المستثمرين قابلتوا وزير الصناعة والتجارة المهندس رشيد محمد رشيد وبعد الاجتماع حضرتك عملت تصريح قولت فيه ان الصعيد محتاج إلى الصناعات الكبرى التي تؤدي إلى إنشاء صناعات تكميلية وتؤدي إلى تشغيل أيدي عاملة أكثر طيب ايه هي الصناعات الكبرى اللي انتوا محتاجينها وايه هي الصناعات التكميلية قول لنا مطالب ؟
م/مجدى سليم : هو حضرتك بدايته أحب
د/عمرو عبد السميع : أحسن الحكومة لو قعدنا نقول لها كويسة كده مش هتملكوا حاجة بعد كده ؟
م/مجدى سليم : أحب انوه لجزئية اللي حضرتك قولت ان أحنا ننظر للجانب الايجابي الحقيقة في جانب ايجابي واضح وملموس في الاستثمار في الصعيد أحنا الحقيقة عندنا في أسيوط زى ما تفضل سيادة المحافظ 6 مدن صناعية عامرة صحيح لم تشغل بالكامل لكن لنا تطلع في أنها يجي يوم وتبقي نسبة الأشغال فيها 100%
د/عمرو عبد السميع : تمام
م/مجدى سليم : لحين ما ينتهي هذا الكم بنطمع في وجود منشاءت صناعية كبرى فليكن على سبيل المثال صناعات غذائية كبرى أحنا الحقيقة عندنا في مركز البدارى غني بزراعة الرمان هو الحقيقة بيتم تصنع
د/عمرو عبد السميع : انتوا عارفين في موال صعيدي بيقول رمان على السوهاجي طلع من الحتة دي ؟
م/مجدى سليم : لغاية اللحظة اللي أحنا فيها أحنا كل دورنا أحنا بنزرع رمان ونصدره فإحنا الحقيقة متطلعين ليه ميتمش تصنيع هذا المنتج ونبقي أحنا أولي به هو بيتم تصنيعه في دول شقيقة عربية لكن أحنا مش اقل منهم عندنا الصعيد كله يخلوا من مصنع حديد وصلب عندنا تطلع لان يكون عندنا مصنع من المصانع العملاقة اللي بتصنع الأجهزة الكهربائية وما يترتب علية من صناعات تكميلية عندنا تطلع لان يكون
د/عمروعبد السميع : طيب ايه الموانع في اللي أنت بتقوله ده ؟
م/مجدى سليم : الحقيقة لغايه اللحظة اللي أحنا فيها ليس هناك موانع ولكن هناك تطلعات والحقيقة زى ما أشار السيد الوزير
د/عمروعبد السميع : ايه العوائق أمام التطلعات دي ؟
م/مجدى سليم :لا تعتبر عوائق بقد ما أحنا بنستعجل الأمورالحقيقة يعني على سبيل المثال الغاز الطبيعي وصل الصعيد ومر بأسيوط لكن حتى هذه اللحظة الغاز الطبيعي مستخدم أحنا كمستثمرين الحقيقة متطلعين إلى ان النهاردة يصل الغاز الطبيعي إلى المدن الصناعية قبل بكرة لما يترتب على هذا الوصول من جذب للمستثمر لأنه الحقيقة المستثمر الكبير أول حاجة بيسال عليها بيقول ما هو متاح الحقيقة لا ننكر دور الغازالطبيعي في الصناعات الكبرى برضه لنا تطلعات ثانية
د/عمروعبد السميع :على فكرة أنا ضد حكايه التطلعات دي المفروض أحنا شعب نأمر مش نتطلع ونلتمس ونرجو..
م/مجدى سليم : والله أحنا بنبص للدور الايجابي حضرتك
اللواء/نبيل العزبي : ما هي تطلعات مشروعة
د/عمروعبد السميع : يعني أنا اللي غير مشروع
اللواء/نبيل العزبي : هو أنا يمكن اعمل مداخلة الحقيقة
د/عمروعبد السميع : صغيرة جدا
اللواء/نبيل العزبي : المقصود بالتطلعات هي انه أصبح النهاردة المستثمر ان أحنا على شراكة ان الكيان التنفيذي وكيان المستثمرين لان هو يدرك كم حرص المحافظة على انه
د/عمرو عبد السميع : شوف هو حلها لنا أزاي ؟
م/مجدى سليم : يعني أحنا لسنا بصدد إشادة بمحافظنا لان هو غني عن الإشادة لكن أنا بدعو كل من يستمع لهذا البرنامج ان يزور أسيوط وينسب الفضل لأهله في الوجه الجديد المشرق لأسيوط
د/عمرو عبد السميع : المهندس محمود
م/ محمود الشندويلي : الحقيقة عندكم في سوهاج وفي حي الكوثر على وجه التحديد في مدرسة مبارك كول اللي هي بتقوم بإعادة تأهيل الكوادر علشان تبقي مناسبة لسوق العمل مبارك كول ده مشروع أتعمل ما بين الرئيس مبارك والمستشار الأسبق لألمانيا هولمت كول علشان يخلقوا طبعة جديدة من العمال الفنين والحرفين القادرين على استجابة لمعطيات السوق طيب غير مسالة أعداد الكوادر دي بتعملوا ايه تاني في سوهاج
م/محمود الشندويلي : الأول أوجه الشكر لحضرتك
د/عمرو عبد السميع : لأ من غير شكر حالة حوار مفيهاش شكرتخش تقول كده بوضوح
م/محمود الشندويلي : ان أتيحت لنا فرصة يعني كانت بعيدة المنال ان أحنا نيجي على قنوات فضائية نتكلم ونشرح
د/عمرو عبد السميع : أنت ارض وفضائي بالمناسبة في حالة حوار .
م/محمود الشندويلي : حضرتك بالنسبة برنامج مبارك كول أو مشروع مبارك كول ده تم زى ما قولت حضرتك تم ما بين الرئيس مبارك والسيد هولمت كول ده في طبعا أحنا في استثمار لازم يبقي في تشغيل ما دام في تشغيل لازم في عمالة ما دام في عمالة لازم العمالة تبقي مدربة فعندنا حضرتك منظومة منظومة التعليم طبعا ضعيفة وخاصة التعليم الفني ضعيف في مصر فيبج النظر اليه فكان الاتجاه لمبارك كول لان نظام مبارك كول بيربط بين العمل وبين المصنع حضرتك نظامه مش التدريب تحولي ده عبارة عن بياخذ الطالب لسه وهو صغير يمكن تشكيلة تماما
د/عمرو عبد السميع : قدمتم أد ايه للسوق ؟
م/محمود الشندويلي : أحنا ابتدينا بثلاث تخصصات تخصص صناعات تركيبات ميكانيكية وكهرباء و تركيبات كهربائية وحضرتك عبارة عن دراسات تجارية يعني زى مؤهل متوسط الطالب يؤخذ يومين في المدرسة ويأخذ أربع أيام في المصنع فعلا خلقت وظائف حقيقية محتاجها سوق العمل
د/عمرو عبد السميع : طيب عملتوا ايه تاني في سوق الاستثمار في سوهاج غير حكايه أعداد الكوادر وتأهيلها ؟
م/محمود الشندويلي : عملنا كثير حضرتك يا فندم
د/عمرو عبد السميع : طيب ما تقولي كثير ؟
م/محمود الشندويلي : بالنسبة لمبارك كول ولا لجوانب أخري
د/عمرو عبد السميع : جوانب أخري ؟
م/محمود الشندويلي : سوهاج حضرتك كانت بصراحة كانت من المحافظات المنسية على مدار التاريخ يعني
د/عمروعبد السميع : عملتوا فيها ايه يعني بقي ؟
م/محمود الشندويلي : عملنا حضرتك بالنسبة لبرنامج السيد رئيس الجمهورية قد تحقق الكثير والكثير أولها طريق سوهاج البحر الأحمر وده هيخلق مجتمعات عمرانية جديدة هيخفف الشريط الضيق اللي هو تتمركز فيه حوالي 4 مليون
د/عمروعبد السميع : التكدس بتاع البشر والسكان في الشمال ؟
م/محمود الشندويلي : وده حضرتك كمان ان محافظة سوهاج طاردة للسكان يعني حضرتك 4 مليون ساكنين جو منها و4 مليون خارج سوهاج بالإضافة إلى مساحتها طبقة لأنها عبارة
د/عمروعبد السميع : هي دلوقتي هتفضل طاردة للسكان
م/محمود الشندويلي : لأ جاذبة للسكان وجاذبة للاستثماردلوقتي سوهاج تعتبرمن المحافظات
د/عمروعبد السميع : سوهاج أصبحت جاذبة للسكان وجاذبة للاستثمار ونتواصل بعد الفاصل
فاصل
د/عمرو عبد السميع : عدنا لنواصل التقليب في ملف الصعيد من تاني عندي ثلاث تعقيبات أستاذ سعد هجرس أتفضل
أ/سعد هجرس : يعني أولا أحب ان أقول تحقق انجاز مهم جدا في الصعيد أنا أتابعة بحكم وظيفتي وأتابعه ميدانيا برضه افتكر ان رحت المناطق الصناعية الجديدة التي أنشأت في المحافظات الثلاث سواء أسيوط ولا سوهاج ولا قنا وشوفت أيضا التطورات الجذرية والثورية بين قوسين في البنية التحتية وأنا سعيد جدا بهذه التطورات ولكن لست
د/عمروعبد السميع : ايوه ولازم يا أستاذ سعد هجرس
أ/سعد هجرس : لأ بالعكس وأنا باشيد بدور الدكتورمحمود محيى الدين ولولا الصكوك المجانية ولولا عمر أفندي لكنت اقترح جائزة الانجاز له بمناسبة الصعيد
د/عمروعبد السميع : ده موضوع ثاني وهناقشة في حلأ ثانية
أ/سعدهجرس : ايوه أنا لأ دورة هيبقي في تطويرالاستثمار في بيئة محرومة تاريخيا منه ومحروما شكل غير مبرر يعني ده دوريستحق الإشادة لأنه قبل كده المسئولين كانوا يزوروا الصعيد علشان فقط يثبتوا انه تبع مصر بس مش أكثر من كده إنما كان بيئة محرومة تماما من كل شيء فبدا ميزان العدل يتحلق قليلا في الاتجاه الصحيح اللي حصل زى ما بقول بدايه مهمة خصوصا انه في البنية التحتية زى ما أحنا فاهمين دي مش مضطرة الطرق الطرق دي شرايين التنمية شرايين الحياة الجديدة وبالتالي المتوقع منها في المستقبل هو الأهم ليه أنا ساعدني غير مكتملة اللي حصل في الصعيد لغايه دلوقتي لعدد من الأسباب أولا اقل من المطلوب ومن الممكن كثير جدا الحاجة الثانية انه عوائد ما تحقق أيضا مارحتش لغايه دلوقتي للشكل المناسب للمواطن العادي ودية الخلل الدائم في سياسات حكومة الدكتور نظيف بين البعدين الاقتصادي والاجتماعي مفيش معدلات اقتصاد
د/عمروعبد السميع : بسبب اللي أنا فاهمة يا فندم انه المشروعات اللي هترتب على البنية التحتية الأساسية الكبيرة اللي بيتم تشييدها في الصعيد الآن هي اللي هتعود للمواطن العادي
أ/سعد هجرس : مفهوم قد تعود وق لا تعود إذا استمرت السياسات الحاليه
د/عمروعبد السميع : تشككاتك دي نؤجلها شوية يا أستاذ سعد
أ/سعد هجرس : معلش أخذا بالا حوط برضه انك أنت ايه تحطها في الاعتبار
د/عمروعبد السميع : طيب حاضر
أ/سعد هجرس : وخصوصا انه شوفنا انه الاقتصاد نمي بمعدلات لا باس بها وأحوال الناس لم تتحسن بنفس المعدلات بتعتبر مؤدب الحاجة الثانية انه غير ذلك عندنا في تناقص بين الصورة الجميلة الحقيقة اللي قالها سيادة الوزيروسيادة المحافظ ولكن وبين ايه وبين حاجات تغيظ يعني مثلا قول لي بالله عليك كل المليارات اللي بتنفق دي
د/عمروعبد السميع : متشهدنيش يا أستاذ سعد أنا طرف مستقل ومحايد
أ/سعد هجرس: كل المليارات دي وبعدين يحصل لك قطار الصعيد كارثة قطار الصعيد هذا هوالصعيد يعني حاجة ودي حكومة ودي حكومة نمرة اثنين قطار الصعيد مش الحادثة اللي حصلت بس أنت حضرتك لما تروح تركب تشوف إخوانا المواطنين الصعايدة ورحلة العذاب والمهينة في ركوب القطار وتعطيل وقطارات قذرة وفيها فئران مفيهاش دورات مياه مفيهاش الحد الأدنى من الشروط للاستخدام الآدمي أحنا قدام مشكلة متقلش أنا ده مجرد مثل خد عندك ثاني بيئة الفقرالشديدة جدا في فقرحقيقي وبيئة محرومة وفي ظل هذا الفقر ليست مفاجئ ان كل شوية كل أسبوع تقريبا تسمع عن فتنة طائفية في قرية مرقري الصعيد هذا هو واقع إخوانا هناك خد أيضا عندك الهجرة الداخلية والخارجية يعني سيادة اللواء محسن بيتكلم انه سوهاج بدأت تجذب الناس دي خبر طيب ولكن المعلومات اللي عندي ان الصعيد بشكل عام ما زال طاردا
د/عمروعبد السميع :ما هو كل اللي بيتعمل ده يا أستاذ سعد علشان ميبقاش طارد .
أ/سعد هجرس : أنا فاهم بيتكلم ده ليس لتقليل من الجهود
د/عمروعبد السميع : انا مش بدافع عن ده أنا بدافع عن منطقية الأشياء.
أ/سعدهجرس :أنا فاهم أنا بقول ده ليه لأنه في الأخر دي تجربة أحنا عايزين ننجحها وتنجح بايه ان أحنا نشوف في عندنا عيوب لازم نتداركها من تضمنها نظريتنا للتنمية النظرة العامة للتنمية انه لغايه دلوقتي ما زال فكرة التنمية أنها مجرد استثمارات وهذه الاستثمارات هيترتب عليها تغيير في نمط الحياة ده صحيح جزئية ولكن مش صححي كليا لأنه في الأخر أنت بتتعامل مع حاجات وأنا كنت سعيد بالمدخل الثقافي اللي بدو الدكتورمحمود
د/عمروعبد السميع : ده جديد خالص على شغل الحكومة الحقيقة ؟
أ/سعد هجرس : بس مش جديد بالنسبة لمحمود محيى الدين لأنه من زمان متابع وده كويس يعني إنما أنت عندك أنت هنا يعني قول لي بالله عليك أزاي تتصور أحنا عاوزين تنمية بس تنمية مستدامة تستمر أزاي من غير ثقافة تستمر أزاي من غير مشاركة من الناس مشاركة من الناس يعني ايه يعني يبقي في ديمقراطية يعني ايه ديمقراطية بالنسبة لي في سوهاج وفي أسيوط وفي قنا وفي الصعيد الجواني يعني أنا عاوز حكم محلي لسلطات حقيقية بعيدا عن المركزية والناس منتخبين انتخاب حر ديمقراطي قول لي بالله عليك هل أنت شوفت مثلا دراسات لسيسيولوجيا الصعيد وتركيبته الاجتماعية رغم انه في جامعات وما إلى ذلك أنا ازعم ان النفقات اللي في الصعيد حتى الآن ينفق عليها لم نأخذ عائد لدراسة الصعيد سيسيولوجية جدية بحيث ان نعمل
د/عمروعبد السميع : دراسات في علم الاجتماع ؟
أ/سعد هجرس : اه بحيث ان أحنا نعمل تنمية تتناسب مع ده هل أحنا حطينا في اعتبارنا وإحنا بنحط خطط التنمية دي في تغيرات على المدى القريب خاصة بتغيرات المناخ مثلا وان تغيرات المناخ دي هتفرد علينا ان في الدلتا فيها مشروعات ينبغي ان أحنا هننقلها الصعيد وان الصعيد لازم الاستثمارات اللي فيه في ضوء هذه التغيرات المناخية اللي هتغرق نصف الدلتا وبالتالي هتصيب الزراعة والصناعة إصابات درامية أننا محتاجين نعيد النظر في خطة التنمية بشكل كامل
د/عمروعبد السميع : الأخيرة بقي يا أستاذ سعد .
أ/سعدهجرس :الأخيرة انه في عندنا عشوائية عجيبة جدا يعني مثلا الدكتورمحمود محيى الدين له تصريح جميل جدا من خمس سنين سنة 2005 كان بيتكلم فيه عن الاستثمار في الجزائر والاستثمارات المشتركة بيننا وبين الجزائر وكيف يمكن ان تنعكس ايجابيا على الاستثمار في مصر وعلى الاستثمار في الصعيد نجي في ماتش كورة نهدر هذا كله وبحماقة شديدة وبنتيجة إعلام الإثارة والإعلام الرياضي وما إلى ذلك يتم تعريض هذه الاستثمارات اللي هي تم حفرها يعني بعرق إبائنا وأجدادنا وكفاح مشترك وعلاقات تاريخ وجغرافيا وما إلى ذلك نجي نعبس نسيب الحاجات دي يقول لك ونسحب استمارتنا من الجزائر ونعمل معرفش ايه
د/عمروعبد السميع : ما هو ده خطاب الجهل اللي أحنا اشرنا اليه غير مرة في الحقيقة .
أ/سعد هجرس :ما ده بيؤثر على النهاردة
د/عمروعبد السميع : يالا الأستاذ محمود بكري .
أ/محمود بكري : أنا طبعا بدايته السيد الوزير والسيد اللواء نبيل العزبي والسيد اللواء محسن أتكلموا عن وحتى رؤساء جمعيات المستثمرين في أسيوط أتكلموا عن الايجابيات اللي أنجزت بالتأكيد لا ننكر ان هناك ايجابيات كثيرة تحققت لكن أيضا يجب ان نأخذ بعين الاعتبارحتى لا ينظر ألينا الناس وهم يشاهدون هذا البرنامج ان الصعيد أصبح سمن على عسل الصعيد ما زال في مشكلات كبيرة جدا ما زال في فقر تقاريرالتنمية البشرية بتؤكد على ذلك التقارير تصدرمن جهات حتى جهات حكومية وجهات محايدة أيضا تؤكد على استمرارالفقرفي الصعيد بمعدلات كبيرة وليست قليلة لكن أيضاهنا وإحنا بنتكلم عن هذه المشكلات اعتقد ان كل مصري يعرفها انه يعيش في هذا البلد وعارف ما يجري فيها أيضا لازم نتعامل بايجابية مع النقاط المضيئة في المجتمع وأنا هنا عايزأركز في بعض النقاط الايجابية بصراحة أنا استمعت لما قاله الدكتورمحمود محيى الدين وهو وزيرنشط وأنا احترمه واقدره واقدر أدائه في كثير من المجالات وان كنت اختلف معه في بعض الجزئيات كما أشار الأستاذ سعد ولكن هذا أمر أخر بطبيعة الحال احد المنجزات التاريخية اللي مصرأنا مش هقول أنها مجرد طريق الصعيد البحر الأحمرأنا باعتبرة شريان جديد للحياة وفي مصرأنا في منذ أسابيع كنت بزور بلدنا وأنا من قنا أنا قررت ان أروح ازورهذا الطريق وأشوف الانجازات اللي اتعملت فيه على الطبيعة قطعت حوالي 47 كيلو متر في وادي قنا في منطقة صعبة جدا في قلب الصحراء علشان أوصل لهذا الطريق الممتد من أسيوط سوهاج إلى البحر الأحمر بالفعل ان ما شاهدته على الطبيعة انجاز تاريخي بكل المقاييس يجب ان نسجل هذا للدولة ولوزارة الاستثمار وللوزير النشط محمود محيى الدين ولأداء المحافظين الذين توافقوا مع ده حتى ان الطريق مقررفي بدايته ان يكون أسيوط سوهاج البحر الأحمر لكن اللواء مجدى أيوب محافظ قنا طلب من رئيس الوزراء ان يمتد أيضا عبر وادي قنا لمسافة 47 كيلو متر واعتد رئيس الوزراء 120 مليون جنية لدعم هذا الطريق كله يكون شريان ممتد بنقل هذه المدن والمحافظات إلى الموانئ عبر سفاجا وعبر البحر الأحمر هذا انجاز مهم لكن أنا ليه استفسارات عاوز اطرحها على الدكتورمحمود محيى الدين يجاوب لنا عليها بعد ما ننهي تعقيبنا كان صرح الدكتور محمود في السباق ان هذا الطريق ينتهي العمل به سنة 2009 في شهر سبتمبر مر الموعد ولم يتحقق عاوزين نعرف التكلفة النهائية للطريق هتكون أد ايه عاوزين نعرف من فين تم التمويل خاصة في ظل عجز الميزانية العامة للدولة ايه الفوائد المرتقبة منه بشكل عام هل يؤثر على تنمية التجارة مع السودان كدولة شقيقة مثلا وقريبة من هذه
د/عمروعبد السميع : أسئلة وجيهة جدا .
أ/محمود بكري : عاوزين برضه نعرف منه ايه هي معايير تملك الأراضي على جانبي الطريق هذا مجتمع عمراني سوف ننشاء على هذه المسافة الممتدة ما بين أسيوط وسوهاج قنا البحر الأحمر بالتأكيد هيكون في مجتمع عمرانية وأنا اعتقد ان هذا سيصبح من أهم المشروعات هذا جانب فيما يتعلق بالطريق أنا من أهمية هذا الطريق رجعت القاهرة عاوز أشوف يعني الفكرة مشية ازاي يمكن ليه صديق المهندس رمزي شاهين من شركة حسن علا م أنا رحت مكتبة وشوفت الدراسة كاملة بتاعة الطريق لان شركة حسن علام تلعب دور رئيسي في هذا الموضوع واعتقد ان هذا انجاز يحسب لمصر وسيحسب للوزارة وسيحسب للدولة المصرية وسيحسب للرئيس مبارك على مدي التاريخ النقاط الأخرى المضيئة أنا زرت أسيوط من فترة من مدة أسابيع والتقيت بالسيد اللواء نبيل العزبي وخدني معاها في جولات ميدانية موسعة وزرت معاها أبو تيج وأنا عاوز أقول نقطيتين هنا أولا ان الإعلام ظالم جدا للصعيد كما أشرت يا دكتورعمرو كما أشار السيد اللواء هو قد يري رؤية أخري ان المهم ان المواطن يلمس هذا وليس الإعلام أنا رأي ان الإعلام يجب ان يتحدث عن هذا وأسيوط فيها كثير من الإعلاميين أبناء أسيوط كان يجب ان يركز الضوء بحكم القضية بيروحوا بلدهم لو قلنا انه مش هيتحمل تكلفة
د/عمروعبد السميع :الأستاذ محمود يعرف أسماءهم وهو خبير بجنوب الصعايدة.
أ/محمود بكري :كثير وفي مراكز متقدمة كمان في الصحافة المصرية وفي الإعلام المصري وأنا ادعوهم من منطلق حتى الانتماء لبلدهم ان يهتموا ويركزوا الضوء لان هناك منجز حضاري كبير جدا بالإضافة إلى كثير من المناطق الاستثمارية بعرب العوامر وغيرة كثير من المناطق الاستثمارية وكثير من الصناعات وكثير من المجهودات والخدمات الاستثمارية المتقدمة في مكاتب المحافظة ومكاتب الاستثمارالمقامة هناك زى ما قال السيد المحافظ أنا عدتهم وكمان معايا الأخوة من العلاقات العامة أكثرمن 24 بنك فرع لبنك رئيسي موجود وهذا ما كان ليتحقق إلا إذا انجاز حضاري شيء أخر عاوز أؤكد عليه وده مشترك
د/عمروعبد السميع : الشيء الأخير
أ/محمود بكري : كما تراه بين التجربتين أنا عشتهم سواء في أسيوط مع سيادة اللواء نبيل العزبي أو في قنا مع السيد اللواء عادل لبيب أو ما يكمله الآن اللواء مجدى أيوب دور الفرد وإرادة الفرد وتواصله مع المجتمع هام جدا أنا شوفت أد ايه اللواء نبيل العزبي وهو واقف في شارع أبو تيج شارع بيترصف وكنا في الحر شوية في عز الحر وفي ذروة الحر وفي رمضان وسط الناس هو بنفسه يقود العمل كان عادل لبيب بيعمل كده تحت النوافيز وفي المشروعات وبينزل الشوارع ومجدى أيوب بيعمل كده دلوقتي دول أنا عايشهم بشكل مباشر والمهم بشكل قريب جدا أنا اعتقد ان مطلوب يكون عندنا محافظين على هذا المستوي لهم تأثيرهم المباشر في التلاحم مع المواطن المواطن مش محتاج للمحافظ يبقي قاعد في مكتبة ويدي تعليمات وتوجيهات المواطن محتاج محافظ يعرف هو عاوز ايه وأنا مع اللواء نبيل العزبي في شوارع أبو تيج وهو يترصف وتحت الشمس في الحر حل عدة مشكلات لمواطنين مفيش حاجز بينه وبين الناس وده مطلوب بالإضافة إلى المجالات اللي بتقوي المناخ للاستثمار وده أيضا مطلوب ان يكون المحافظ نقطة إشعاع للدولة في التواصل مع المواطن شكرا
د/عمروعبد السميع : أستاذ مصباح
أ/مصباح قطب : حضور الأحبة عادة يفرح الناس ويعالج ما بهم من أدوية وان بتصور بصراحة استحضار أهل الصعيد في الجلسة من أسوان لحد يعني قبل القاهرة بقليل بشوية صغيرين فعلا بيمد الواحد بالبهجة والعمل يعني أتعمل شوية حاجات كويسة جدا أحنا مش بصدد الإشادة بالوزير ولا بالسيدين المحافظان الموجودين أنا زرت هناك كثير جدا وشايف ان في حاجات مهمة اتعملت لكن أحب أقول حاجات لابد انك أنت يبقي عندك أنت بتقول مصر مصر تراجع دورها إقليميا أوما رجعتش لكن ان اه يتراجع مثلا أناعاوزأعيد بناء الدور المصري فانا هنا بعمل تنمية في الصعيد يبقي في دماغي وسكنه على هذا الدور اللي أنا بفكر فيه أنا يمكن من سنتين ثلاثة بقترح ان أسيوط تبقي عاصمة تعليمية لمنطقة وسط إفريقيا وهي تملك هذه الإمكانية جامعة أسيوط جامعة جيدة جدا كلية صيدلة اللي فيها عندهم 11 دكتور متعلمين ياباني دي حاجة مش هتلاقيها في القاهرة يعني النقطة الثانية أنا لا أتصور مثلا انه محمود محيى الدين اللي بيزور كل مرة الصعيد لوحدة لازم وزير الثقافة ما أحنا طول الوقت بنقول مصر مصر جوهرها ثقافي والثقافة مش بس في الأقصر وأسوان في كل مكان في الصعيد إذا وزير الثقافة لازم يتكرم وينزل في زيارات متعددة علشان يشوف ايه الحاجات اللي ممكن تتعمل أنا بتمني الحقيقة كمان ان وزير الداخلية ياخد مركب ويروح الصعيد أحنا عاوزين نفتح السكة دي
د/عمروعبد السميع : لية حددت له مركب بالذات يعني؟
أ/مصباح قطب : أنا أقول لا مش مركب
د/عمروعبد السميع : يروح على كيفه يا أخي .
أ/مصباح قطب : أحنا بقلنا سنوات طالت وطالت قفلين السكة من القاهرة للرحلات النيلية لأسباب يمكن كلنا عارفنها آن الأوان ان تعود مثل هذه الرحلات ده شيء في أنا كل ما اسمع أغنية على بلد المحبوب وديني بتصور الحكايه كده أنا راكب في النيل وداخل على صعيد مصر
د/عمروعبد السميع : على البلد المحبوب وديني أغنية للسيدة أم كلثوم من تأليف بيرم التونسي والحان رياض السنباطي .
أ/مصباح قطب : برضه عمالين نقول الإعلام ودوره أنا برضه زى ما في نقابة صحفيين في إسكندرية لازم يبقي في نقابة للصحفيين في أسيوط زى ما في دار أوبرا في القاهرة لازم يبقي موجود في الأقصر أنت عارف أهمية طريق الصعيد البحر الأحمر انه في هذه الرمزية العاليه أبناء الصعيد الأشداء الأصلاب عاوزين حاجة يفتخروا بها قليلة هي الحاجات اللي يمكن يفتخر بها مش لان مفيش حاجات اتعملت أنت لو رصفت طريق كويس وعملت مثلا مباني عشوائية وعملتها ليست مدعاة للفخر هي مدعاة للرضا لكن الفخر محتاج حاجات وأنا عاوز أقول كمان على فكرة قليل من الإعلاميين الذين يستطيعون استخلاص القيمة من الأشياء لابد من انك بتبقي حابب الحياة
د/عمروعبد السميع : ايه السر هما مش حبين الحياة ؟
أ/مصباح قطب : لأ مش مسألة الإعلام التجاري ده ببجري وراء حدث وري أكشن يكسبه النهاردة ويدور بكرة على حدث يكسبه وأحيانا هي فعلا ينهي أحسن
د/عمرو عبد السميع : صح ؟
أ/مصباح قطب : لكن انك أنت تلاقي في قلب الأشياء اللي تتعمل ما يخدم مواطني بلدك اللي طال حرمانهم وطال أساهم وانك أنت تلاقي حاجات بتتعمل علشان تحلي مصر
د/عمرو عبد السميع : يعني ميبقاش القنوط والاعتراض حرفة ؟
أ/مصباح قطب : لأ مش مسالة كده أنا عاوز أقول أيضا انه يدعو السيدين المحافظين وحتى الدكتورمحمود محيى الدين عنده مؤسسة المؤسسة المصرية اسمها ايه بتاعت العمل الاجتماعي.
د/محمود محيى الدين : المصري.
أ/مصباح قطب : انتو خلو كل أوائل المدارس التجاري والفني الصناعي والثانوي والجامعات يزوروا ببلاش هذه المحافظات علشان يعرفوا أنا بخش ما اخشاه انه يسبقنا المستثمرون العرب للصعيد وربما يسبقنا الأجانب إلى الصعيد وأنا حتى أتمني لا الأجانب ولا المستثمرين المصريين الكبار يروحوا الصعيد قبل المواطنين العاديين يروحوا الصعيد ان بقول باقسم بالله وهذا يمكن ان قولته مره مع ناس كثير يعني هيجي وقت الناس هتدور على أجازة صيف في الصعيد مش هتروح الساحل الشمالي ولا ولأنه المشهد الذي يحتوي الصعيد بنيل مصر بالغ الفراده مش هتلقية في أي مكان فان في الدنيا برضه من الحاجات المحزنة
د/عمروعبد السميع : الأخيرة ؟
أ/مصباح قطب : لأ استني عليه شوية
د/عمروعبد السميع :الأخيرة
أ/مصباح قطب : وزير الزراعة لايتعبر انه اللي موجود في الصعيد ده زراعة معرفش ليه الحكايه دي تاريخيا موجودة ويمكن زادت أكثر مع السيد وزير الزراعة الحالي ويمكن الدكتورمحمود شاف أحنا مرة بنتحرك من سوهاج ريحين جنوبا في مشهد بالغ الجمال جبل مطلع على النيل مباشرة مع مساحة صغيرة كده في ناس هو حتى الدكتورمحمود حطها بقولك تبقي تعمل فندق هنا ونعمل ده شيء رهيب يعني بس الأهم من ده وده أني أنا شوفت ناس زرعه على ارتفاع 25 متر ومساحات تبقي 6 : 8 قراريط حاجة بسيطة قوي لكن موجودة في الصعيد
د/عمروعبد السميع : اللي هما بقول عليها الزراعات الدقيقة ؟
أ/مصباح قطب : ناس بتحارب وتحارب علشان تزرع لابد انك تساندها لابد في النهايه التنمية الزراعية دي تلاقي وسيلة أخري ليمتلك الصعايدة ما يتمكنوا من أحلامه بمشقة وصعوبة دائما أقول لنمش الصعيد هيبقي أفضل لو اكتشافنا ان الناس بطلت تدور على الزئبق الأحمر وأنا يرجوكم إنكم تتابعوا هذه الظاهرة البحث عن الوهم لو بطلنا يحطوا فلسهم في توظيف الأحوال وهذا يحدث كثيرا في الصعيد الصعيد هيبقي أفضل نموي والدكتورمحمود هيحس بالحكايه دي لو تقدم أبناء مثلا اخميم طوعا يقولك أتفضل البيوت بتاعتنا علشان تستكشف ما تحتها من آثار أحنا لما شوفنا ميت اموم وهو مصورها مش عاوز يوريها لنا طبعا كل الناس عارفة ان بيت اموم ورجل تمثال موجودة الناحية الثانية والبيوت تعوم على بحيرة من الآثار مش ممكن الناس تديك البيوت دي تقولك أتفضل الا إذا لقيت شيء جميل وقوي وعظيم بيخدمها ويخدم أولادها موجود على مساحات أخري يعني
د/عمروعبد السميع : الشباب اللي عاوزيقوم يسال قوم أقف ؟
كريم مصطفي محمد كلية الاقتصاد والعلوم السياسية الفرقة الثالثة علوم سياسية :الحقيقة أزمة الصعيد هي تتلخص في ناحيتين على المستوي الاقتصادي وعلى المستوي الاجتماعي المستوي الاقتصادي بيعاني من أزمة سوء توزيع عوائد التنمية والحكومة في الوقت الحالي بتلجاء لحل المشكلة دي عن طريق
د/عمروعبد السميع : يعني أنت متفق مع الأستاذ سعد هجرس في هذا؟
كريم :أكيد طبعا
د/عمروعبد السميع : ايه كمان ؟
كريم :تلجأ إلى القطاع الخاص بيهدف للربح وقد يترتب عليه تقليل فرص العمالة مش العكس وطبعا اسمح لي يا دكتورمحمود ان أنا النقطة المتعلأ بمعظم السعوديين في إسكندرية هما اللي يستثمروا دي حاجة تحسب ضد ده المفروض يروح يستثمر في الصعيد لو كانت الفرصة متاحة له النقطة الثانية على المستوي الاجتماعي بدون إدراك الواقع بتاع الصعيد لن نستطيع حل مشكلات الصعيد الصعيد فيه أزمة فقر فيه أزمة بطالة بترتب عليها جعل تحرش جنسي هجرة غير شرعية بيترتب عليها إحجام عن المشاركة السياسية في الوقت ده مصر بتنتفض لمباراة كرة قدم ومبنلاقيش مصر بتنتفض علشان تنمي مصر
د/عمروعبد السميع : تمام زميلتك
مها علاء الدين منسق فني بجمعية السكان والشباب للتنمية : سؤالي للسيد اللواء نبيل العزبي محافظ أسيوط عاوزة أقول له ان في الفترة الأخيرة حصل ارتفاع جنوني في أسعار الشقق للسكن فعايزة اعرف من حضرته الحد من هذه المشكلة وخاصة في مشروع جديد اللي هو مشروع الأمل يا ريت يكلمنا عنه
د/عمروعبد السميع : تمام زميلك
احمد حمدي من جمعية الشباب وللسكان التنمية بأسيوط : يمكن أحنا هنا بنتكلم عن التنمية أنها مش مجرد استثمارات يعني اللي أحنا عاوزينه التنمية فعلا تكون تضافر جهود المجتمع المدني القطاع الخاص الحكومة اللي أحنا بنشوفة ان جزء معين من المجتمع اللي هو الأفراد الناس بيقفوا متفرجين على عملية التنمية الحكومية بتجيب استثمارات وحاجات زى كده أحنا اللي عاوزينة المجتمع يشارك بفاعلية أكثرفي عملية التنمية مش مجرد مشاركة في الأعمال الخيرية لكن أحنا عندنا شركة للاستثمار
د/عمروعبد السميع : نفس الكلام اللي قاله الأستاذ سعد برضه
احمد : بس أنا بضيف لحضرتك عليه حاجة ثانية بدل ما شركة تمولها الحكومة أحنا ممكن لو كل مواطن يكتسب مثلا في شركة المحافظة تدعو لها لو كل مواطن ساهم بعشرة جنية شوف كام مليون هنجمع نعمل مشروع مثلا في الزراعة والصناعة ممكن نضاعف رأس المال ده في كل سنة بالطريقة دي ونوزع ارباح على الناس كده يعني حاجتها خايفة عليها وكده أنت أشركت الناس في عملية التنمية بالنسبة للامركزية عندنا في أسيوط بنوك كثير لكن أحنا عاوزين نعمل حاجة مختلفة أظن ان سيادة المحافظ ممكن يعملها ان أحنا ممكن نعمل بنك محلي لأسيوط أزاي الناس اللي هي بتحط فلوسها في البنك في أسيوط والفلوس دي كمان بتستثمر في أسيوط كده هنكون طبقنا اللامركزية بشكل كويس في الاقتصاد وحلينا مشاكل فعلا المجتمع
د/عمروعبد السميع : تمام زميلك
سماح حمدي منسق فني بجمعية الشباب للسكان والتنمية : رغم الحركة الجماهيرية
د/عمروعبد السميع : منين ؟
سماح :أسيوط رغم الحركة الجماليه اللي حصلت في أسيوط
د/عمروعبد السميع : قولي لي يا سماح منين في أسيوط ؟
سماح :بجوار جامعة أسيوط رغم الحركة الجماليه التنمية اللي تمت في أسيوط وشاهدتها شعب أسيوط بشكل كامل رغم ذلك الا انه لسه مشكلة المياه والصرف الصحي لم تحل جزريا فمن تشهد أسيوط محافظة أسيوط نهائي لهذه المشكلة بالإضافة إلى ذلك بالنسبة للانجازات هل سياتي من يحافظ على ما تم انجازه بدل ما بنشهد طبيعي النجاح بيبقي
د/عمروعبد السميع : مطالبة المياه والصرف الصحي طالب بها المحافظ نفسه في هذه الحلقة
سماح :طبيعي ان النجاح صعب الوصول له لكن الأصعب الحافظ عليه فهل هناك إليه من قيادات محافظة أسيوط للمحافظة على ما تم انجازه وتطويره داخل المحافظة
د/عمروعبد السميع : كويس اللي أنت بتقوليه ده طيب زميلك
احمد طلعت أبو دومة عضو مجلس محلي محافظة سوهاج وأمين مساعد حزب الوطني مقتنعون جدا وراضون جدا وفي يقيننا ان أحلام السوهاجية باتت وشيكة ان تستيقظ على صباح
د/عمروعبد السميع : ايه اللي أنت مش راض عنه يا أبو دومة قول ؟
احمد :الأزمة أني متخوف جدا واطلب من السيد معالي وزير الاستثمار
د/عمروعبد السميع : أزاي متخوف جدا وازاي راضي ؟
احمد :انه يشاركني التخوف في ظل تداعيات الأزمة الماليه العالمية وانخفاض معدل النمو في الفترة الأخيرة هل من الممكن ان هذه المشروعات التنموية الرائعة وهذه الأحلام ممكن يتاخر وقعها على صباح جديد
د/عمروعبد السميع : تمام زميلك
محمود محمد احمد عبده كلية اقتصاد وعلوم سياسية الفرقة الثالثة قسم اقتصاد :سؤالي إلى اللواء نبيل العزبي محافظ أسيوط ان هو تم جذب عدد من المشروعات في الفترة الأخيرة مثلا مصنع جديد للاسمنت بتكلفة استثمارية قدرها 3مليارجنية وخط جديد لشركة اسمنت أسيوط بتكلفة استثمارية 450 مليون جنية ورغم ان هذه المشروعات موفرة لفرص العمل ولكن هناك العديد من الآثارالخارجية السلبية فكيف يمكن التغلب عليها
د/عمروعبد السميع : أنت منين أصلا يا محمود ؟
محمود:من الشرقية
د/عمروعبد السميع : طيب زميلك
نسمة زكريا الخطيب صحفية بوكالة إنباء الشرق الأوسط من سوهاج : سوهاج
د/عمروعبد السميع : كنتي بتجلنا أيام حلقات ملف الصعيد ؟
نسمه :كنت وقتها طالبة يا فندم
د/عمروعبد السميع : تمام ودلوقتي فين ؟
نسمة :صحفية في وكالة إنباء الشرق الأوسط
د/عمروعبد السميع : قسم ايه ؟
نسمة :محافظات
د/عمروعبد السميع : قولي سؤالك ؟
نسمة :سوهاج جاذبة جدا للاستثمار وإحنا كإعلاميين أكثر ناس حاسين بالكلام ده بشكل كبير ولكن للأسف هي طاردة للشباب وخاصة الكوادر منها سواء كانت الهجرة داخلية أو خارجية الجامعة قامت بدورها وعلمتنا أحسن تعليم وفعلا ده كويس بس للأسف المشروعات اللي بتتعمل والاستثمارات اللي بتتعمل مش بنلاقي تخصصاتنا ان مش بتكلم باسمي بتكلم باسم زملائي التخصصات اللي بتخرج حتى العلمية منها مش بتنفع أنها تشكل على طول في سوء العمل
د/عمروعبد السميع : زى ايه ؟
نسمة :كلية العلوم زى الزراعة للأسف الناس دي بتطلع المستثمرين نفسهم بيرفضوا يدربوهم
د/عمروعبد السميع : يعني أنت عايزة الجامعات المحلية تهتم بالتخصصات اللي بتشغل في البيئة المحلية يالا زميلتك ؟
احمد على عبد الباري نائب رئيس لجنة الشباب والمجتمع وعضو هيئة مكتب أمانة شباب سوهاج : سؤالي للسيد محافظ سوهاج محسن النعماني
د/عمروعبد السميع : سيب الورقة اللي في أيدك دي ؟
احمد :مع تضاعف حجم الاستثمارات مما يتيح ذلك فرص عمل للشباب فهل فرض العمل ستتاح للشباب بناء على الكفاءة والخبرة بل ستضغوا المحسوبية والوساطة على السيطرة على هذه الفرص
د/عمروعبد السميع : أنت بتحس بالمحسوبية والوساطة دي قول بصراحة
احمد :اه بحس بها طبعا في
د/عمروعبد السميع : يالا زميلك
صيدلي سامح حلمي حبيب خريج صيدلة أسيوط وعضو مكتب حزب
د/عمروعبد السميع : انهي حزب هو مفيش إلا حزب واحد في الوطن
سامح :الحزب الوطني الديمقراطي سؤالي يتلخص في نقطة واحدة بس الكل بيتكلم عن سيادة الوزير قال عملية تحرير اسر سوهاج من الجبل كان لها ضحايا الضحايا اثنين المستمرين الصغيرين اللي هما كانوا في الكوثر وخدو مشاكل كثيرة جدا علشان خاطر تنحل المشاكل بتاعتهم وبعد كده بقي المستثمرين الصغيرين اللي عايزين يبدأ يشتغلوا في الفترة الجايه
د/عمروعبد السميع : سؤالك ؟
سامح :أنا كمستثمر صغير بنوه بين الهيئات المختلفة اللي عايز الموافقات بتاعتها يار يت يطلعوا لنا كراسة صغيرة فيها 1,2,3 علشان اعرف اشتغل وشكرا
د/عمروعبد السميع : تمام زميلك ده كل ده شاب؟
طبعا طبعا أنا المهندس سامي ارمية مديرالهيئة العامة لشئون الشبان المسيحية بمصروالشرق الأوسط وعضو مجلس محلي محافظة سوهاج
د/عمروعبد السميع : خدت وقتك كله علشان تقدم شغلتك ايه ؟
سامي: ما أنت كنت عايز كده بتقول لي أنت شاب طيب في الحقيقة النهاردة شعب أسيوط عن قناعة كاملة انه بيتمتع بخدمات وفي طفرة في الخدمات المحلية
د/عمروعبد السميع : سؤالك السؤال ؟
سامي :ما هو ده مرتبط بالسؤال هل تم ربط التعليم الفني بحاجة سوق العمل هل تم وجود حوافز زى الضرائب والطاقة أنها تكون بسعر مميز في الصعيد حتى يرحل الرجل المستثمر من الوجه البحري علي وجه الصعيد
د/عمروعبد السميع : تمام إجابات و تعقيبات المنصة سيادة اللواء محسن ؟
اللواء/محسن النعماني : طبعا بالنسبة للعوائد أحنا لسه في مرحلة البناء لم نصل بعد إلى مرحلة وردية كل مشاريعنا بتبني وان شاء الله في زيارة قريبة هتبدا افتتاحات المشاريع وتبدأ إعطاء العائد بتاعها
د/عمروعبد السميع : اللي هي عوائد التنمية ؟
اللواء/محسن النعماني : موضوع الفتنة الطائفية عن الصعيدي مسائل مستوردة لا علاقة الآن للصعيد بها وإنما بيتم استغلالها موسمية لتحقيق أشياء أخري إنما أهل الصعيد في وئام ولا يعلموا هذه المسالة إلا لما بتحصل عملية ابتزاز لأسباب ليس لها أي علاقة بالأديان الموضوع الكفاءة والخبرة والمحسوبية جميع مشاريع التنمية في سوهاج يتم بمسابقة معلنة بشروط والنتائج تعلق على جميع المدريات بالأسماء بالمجاميع وأي حد بيري انه أحق من اللي نشر أسمائهم بيتم تعديل حصل مرة واحدة من سنتين تجاوز في هذا الموضوع وألغيت المسابقة بالكامل وأعيدت من أول وجديد موضوع خريجي الجامعة دي الأساس بتوعنا وإحنا عندنا قرية صديق المنشاوي مثلا خصصت كلها لخريجي الجامعة عندنا مشاريعنا الكاملة مع ويمكن كمان في زيارة في كلية الهندسة في فترة علشان يتم عليها خريجي الكلية للسنة القادمة دي مسالة أحنا مشيين عليها موضوع المستثمر الصغير ده أساسي وفي مجموعة من المشروعات أحنا عندنا 14 مركز تدريب عندنا قريتين انشناهم للنسيج علشان نحافظ على صناعتنا التقليدية عندنا مدينتين كاملتين للحرفيين واحدة استكملت وواحدة تحت الإنشاء كل ده علشان ندي فرص للمستثمر السوهاجي وفي اتفاق مع السيد وزير الاستثمار في إعطاء اسبقيات حتى للاستثمار في طريق البحر الأحمر شكرا
د/عمروعبد السميع : سيادة اللواء نبيل العزبي .
اللواء/نبيل العزبي : هوالحقيقة بالنسبة لأختنا مها فيما يتصل بارتفاع أسعار الشقق أحنا عندنا خطة طموحة سواء في إسكان الشباب وفي إسكان الأولي بالرعايه 10000 وحدة سكنية باستثمارات 550 مليون جنية الدولة بتوفرة منهم جزء وإحنا بنوفر جزء عندنا طريق الهضبة ويمكن اشرنا إليها وبينها معالي الوزيرمحمود محيى الدين وهيساوي عشر مرات اد مدينة أسيوط في المستقبل القريب بيتم الانتهاء منه أخونا احمد حمدي الحقيقة اقترح متميز جدا فيما يتصل بإنشاء بنك محلي داخل أسيوط الحقيقة أنا بشجع هذا التوجه ويمكن يبقي تحت بصر معالي الوزيرمحمود محيى الدين ولكن الإطار البديل موجود عندنا 23 فرع بنك جديد افتتحوا في أسيوط اختنا سماح مشكلة مية الشرب في تطويرجزري في هذا المجال والدولة وفرت استثمارات كبيرة جدا ما يتصل ما أثارة أخونا المهندس سامي أرمية في ربط التعليم ووجود حوافز متميزة في التعليم الفني أحنا عندنا تطوير كبير جدا في هذا المجال مبادرة مبارك كول مطبقة مربوطة بالمناطق الصناعية بالإضافة بان أحنا بنطور كل المدارس الثانوية الصناعية كتطويرجزري شركة عثمان داخلة في هذا الإطارأصبحت بتعين كل من يتم التحاقه بالتعليم الصناعي علشان نغطي معطي الهروب من هذه النوعية من التعليم وإحنا في حاجة بل أحنا هنعمل مبادرة جديدة ان كل من يرغب ان يعاد تأهيله حتى لو كان خريج تعليم عالي داخل هذه المدارس الصناعية كمعطي فني ايه اللي يمنع في هذا المجال علشان اعلمه حرفيا مثل هذا الأمروبالنسبة لكلام أخونا محمود عن مصنع الاسمنت والآثارالجانبية المترتبة عليه الاسمنت كله مدروس الأطرالبيئية مدروسة كويس جدا الآن أمام نظرنا المنطقة مدروسة دراسة جيدة جدا من أكثر من جه وخبراء عالميين تؤكد السلامة هذا المعطي الحقيقة بيحقق قدر كبير جدا من الاستثمارات في هذا المكان
د/عمروعبد السميع : دكتور محمود
د/محمود محيى الدين : أدمنا كام ساعة
د/عمروعبد السميع : أدامك 3,15 دقائق
د/محمود محيى الدين : الأسئلة والتعقيبات الحقيقة هامة جدا وتأخذ وقت يمكن تحتاج حلقات
د/عمروعبد السميع : أكيد أكيد
د/محمود محيى الدين : لكن سريعا يعني فيما ذكره الأخ كريم مصطفي ان القطاع الخاص لما بيتحرك لمكان لازم يتحرك ساعيا للربح ولو قال لك غير ذلك فهو بيخدعك وليس عيبا فيه ان يقوم بذلك واللي حرك الصين والهند وكوريا وسنغافورة وماليزيا دول أصبحت أكثر منا تقدما من الناحية الاقتصادية هو سعيها للربح بس في إطار منضبط من تدخل دولة حاطة الحوافز التوجيه
د/عمروعبد السميع : تمام
د/محمود محيى الدين : الأمرالتاني ما يرتبط بالموضوع الخاص بالسوهاجية في إسكندرية ان خدتها في بورسعيد وفي القاهرة وخدتها كدليل على قدرة السوهاجية والصعيدي بشكل عام وفي ايا من المحافظات إذا ما أتيحت الاماكنية يبدع ويستطيع ان يتصور والناس دية هتكون من أكثر الناس سعيا للرجوع للجذور والاتصال بهؤلاء الناس المحافظ بيعقد في سوهاج اللي عملها اللي عايز يحولها بعد ذلك لمشروع له مردود له عائد يستمر في فرق ما بين مشروع خيري مطلوب ومهم وفي فرق ما بين مشروع اقتصادي يجلب الربح ده فكرة الاكتتاب اللي ذكرت الأخ محمد حمدي وأنا معاها أتكلم عن عشرة جنية وجنية بس ده يجي في إطار اقتصادي مشروعات الاكتتاب العامة دون وما يكون في لها عمود فقري فهي تاتي بالنية الحسنة التي تفرش الطريق إلى النهايات غير السعيدة مع توافر النية ما أنت لازم يبقي عندك الشركة الشركة ابتدت بالفعل في سوهاج وأسيوط والمنيا داخلة في مشاريع في المنيا النهاردة في شركة أخري شركة الصعيد البحر الأحمر دي كلها في كل بند منها ما لا يقل عن 30 , 40 % متاحة للاكتتاب العامة يبقي عندك شركة لها عمود فقري وفيها مساهمات من مؤسسات ماليه اقتصادية محترمة وتتدخل معاها في اكتتاب وأنت في مطمئنا على العائد المالي الأمر الأخر ما ذكر من الأستاذ سعد هجرس أنا معاه فيما ذكره على انه في جناحين حتى يطير الطير بشكل مستقر الاقتصادي وفي قدر من التنمية متحققة والاجتماعية وما اشر إليها في موضوع الاهتمام بالتعليم والثقافة والتدريب المهني والا هتبقي عندنا مشاكل كبيرة وهيبقي عندك مصانع وهيبقي عندك شركات وتاتي بمن يعمل لديها من خارج المراكز أنا مش بقول خارج المحافظات ده أنا عايز كل منطق قريبة من المنطقة الصناعية أهل المركز فيها هما اللي يعملوا فيها لتوفير أشياء كثيرة الانتقال وعدم حتى المستثمر يحب الاستقرار بالنسبة للعمالة ومفيش ساعتين ثلاثة والحركة الموضوعات الاخري اللي ذكرت أنا بيتهئ لي عبقرية المكان اللي قصدها العبقري المصري جمال حمدان عن مصر جميعا متجلية بشكل من الإشكال تقريبا في طريق الصعيد البحر الأحمر حركة التجارة الدولية وإحنا يمكن أتكلمنا قبل كده والاستثمار الدولي بيتحرك الآن ناحية الصين والهند وكوريا ما ذكر عن السودان الأستاذ محمود بكري أو الأستاذ مصباح
د/عمروعبد السميع :الأستاذ محمود بكري هو اللي قال السؤال .
د/محمود محيى الدين : امتداد لإفريقيا ومنطقة الكوميسا اللي هي شرق ووسط إفريقيا لا تستطيع دولة ان هي
د/عمروعبد السميع : أستاذ مصباح أتكلم عن ان جامعة أسيوط تبقي جامعة وسط إفريقيا .
اللواء/نبيل العزبي : ده غيردي كمان لا تستطيع دولة الا إذا كانت بهذا الموقع الجغرافي الفريد إذا أرادت تعاونا مع البحر البيض المتوسط وأوروبا فتحرك موانيها على البحر الأبيض المتوسط إذا أرادت انطلاقا مع الخليج واسيا فتحرك موانئ البحر الأحمرولها العمق الجغرافي والعمق السكاني والعمق الصناعي اللي موجود في الصعيد فإحنا بنستغل هذا ونطور عليه في تلغرافات بقي سريعة جدا يعني الأسئلة المحددة اللي قالها الأستاذ محمود بكري كان مفروض في سبتمبرنعم كان مفروض في سبتمبر ولكن في اعتبارين اعتبار آمان الطرق ويمكن المهندس رمزي قال لك على هذا الموضوع انك مش عاوزتعمل طريق وخلاص أنت عندك طريق يجب ان يكون متمتع بكافة المواصفات الدولية في آمان الطريق ومخرات السيول وغيرة علشان كده أحنا خدنا الثلاث شهور دول في الاستكمال والاطمئنان على انه هذا الطريق سوف يكون طريق نموذجي في مرحلته الأولي بالنسبة إلى اللي تكرر المشاريع الزراعية والصناعية المشاريع الزراعية للمصريين فقط ومن أهالي المنطقة لهم الأولوية مشاريع الإنتاجية والصناعية متاحة للمنافسة وطبعا الأولوية الطبيعية لأهالي المكان خاصة في المناطق الصناعية
د/عمروعبد السميع : الصعيد جزء من تفعيل عبقرية مصروالنقاش مستمروحالة الحوار قائمة وعلى لقاء ان شاء الله