شريف مدكور عن «تفحم تلاميذ البحيرة»: «اللي بيحصل في الطرق زي إرهاب سيناء» (فيديو)

علّق الإعلامي شريف مدكور، على حادث «تفحم تلاميذ البحيرة»، صباح الأربعاء، قائلًا: «13 ألف مواطن يموتون سنويًا، بسبب حوادث الطرق، وأغلب الحوادث تكون بسبب السواقين بتوع عربية النقل والتريلات، أنا ببقى جاي لمدينة الإنتاج الإعلامي وأنا بتشاهد».
وأضاف «مدكور»، في برنامجه «ساعة مع شريف»، على قناة «المحور»: «مين هيتعاقب عشان الأطفال اللي ماتوا دول، السواق عشان خالف السرعة، وهيأخد إعدام لأن بسببه في 18 طفل ماتوا، ولا سواق العربية المحملة بالبنزين، وهيأخد إعدام لو كان شارب حاجة».
وتابع: «اللي بيحصل في الطرق زي اللي بيحصل في سيناء، ولازم يبقى عندنا قانون رادع، والعربية التريلا لازم يبقى ليها مواعيد محددة، والسواق اللي يتمسك محشش وبيشرب، لازم يتعدم».
اشترك الآن لتصلك أهم الأخبار لحظة بلحظة