دعوات ب«تويتر» لعودة عقوبة النفي: «نرجع بعد الحفر ع الناشف»

«عشان مفيش فايدة».. هكذا أوجز مستخدمون ل«تويتر» سبب تدشينهم هاشتاج «#انفونا»، للمطالبة باتباع سياسات الاحتلال الإنجليزي قبل جلائه عن مصر (18 يونيو 1956)، في معاقبة المعارضين بنفيهم خارج البلاد، احتجاجًا على الأوضاع الاجتماعية والسياسية «السيئة» حاليًا.
#انفونا انا مش عارف الزعيم سعد ابن زغلول كان زعلان ليه وهو رايح مالطا عالاقل عيشه في مالطا ولا عيشه اونطه
— Viva 3zim (@En_m_a_azim) September 20، 2014
واختار مشاركون في الكتابة على ال«هاشتاج»، الذي حلً لساعات قائمة «تويتر» لأكثر الموضوعات تداولا عليه في مصر، دول مثل (ألمانيا، أستراليا، النرويج، السويد، أيرلندا، الكاريبي، المالديف، كندا، اليابان)، مطالبين بنفيهم إليها.
#انفونا كل واحد بيتكلم كأن دى يا بلده يا بلدهم! إنما متنفعش تبقى بلدنا إحنا الإتنين ؟
— ASMAA (@Asmagaber0) September 20، 2014
وكتب محمد خيري: «زمان كان بيعملوا كدة في أي معارض دلوقتي بيستخسروا فيه النفي #انفونا».
ودعت أمل سليمان إلى ما سمته «مليونية النفي لينا حق»، فيما قالت «مارولا»: «#انفونا وهنجيلكم كمان 30 سنة نشوفكم خلصتوا حفر ع الناشف ولا هتكملوا في فترة رئاسته التانية».
#انفونا مش قله وطنيه ولا انعدام ولاء بس يمكن أما نطلع منها نعرف نغير فيها.
— Sunny=) (@Sunnyashraf96) September 20، 2014
واعتبر «مارسيلو» أن «الناس اللى بتقول انفونا.. مش فاهمة إن النفى ده كان زمان أيام ما كان لسه في بلاد أوحش من بلدنا :/».
#انفونا شاب مصري من أحفاد السبع تلاف سنة أياهم وسيم زي تماثيل الفراعنة يقدس الحياة الزوجية للزواج من أي جنسية أخرى بدون شروط خاااالص !!!
— الليبرالي (@Dr_Mu7amed) September 20، 2014
وقال «مودي جمال»: «مؤيد لطلب عودة عقوبة النفي لأني مش حاسس إن دي تبقى بلدي ولا عايز أعيش فيها»، في حين كتبت رولا يوسف ساخرة: «إحنا عيشنا شوية حلوين في أم الدنيا اتس تايم نتعرف على أبوالدنيا».
مصر تستاهل حد احسن مننا ربنا يوفقها #انفونا
— محمد توكل ツ (@M_TAWAKOL) September 20، 2014
ورأى عمر شعبان أن «زمان كانوا بينفوا الناس عشان يعاقبوهم دلوقتي بيقعدوهم فيها عشان يعاقبوهم».. وتابعت هالة سعد:«أصل الهجرة معناها إنك هتمشي بمزاجك من البلد دي وبما إن كله بمزاج الباشا يبقى #انفونا».
#انفونا لأن على هذه الأرض مالايستحق الحياه.. إلى هوا احنا يعنى
— Anwar (@A7mdAnwar) September 19، 2014
وطالب محمد على بنفيه إلى خارج مصر «لأن قلوبنا الصغيرة لا تحتمل مثل هذا القدر من الموحن».
#انفونا هو اللى عامل الهاشتاجد ده يقصد انفخونا بس نسى يكتب حرف ال(خ) ؟؟
— IBRAHIM ISMAIL (@ibrahimsmail) September 20، 2014
بينما اعتبر محمود جمعة، الذي يضع شعار «تحيا مصر» الخاص بحملة الرئيس عبدالفتاح السيسي خلال ترشحه لانتخابات الرئاسة: «البلد مش بالسوء دة وللدرجة دي مش عايز تقعد ف البلد ليه يعني، اسأل اللي ي الغربة (مش منفي) عن مصر».
وقالت مارفي البدري: «أنا صاحية من النوم حاسة بحرية فظيعة حاسة إنى مبسوطة حقيقي، التغيير جميل بس دة مش معناة أنى مش عايزة أتنفي برة مصر».
اشترك الآن لتصلك أهم الأخبار لحظة بلحظة