اخبار |تغريدة - الكورة يعني جمهور!

الحضور الجماهيري بعد غياب سبعة أشهر عن الملاعب المصرية كان أبرز حدث في مباراة الزمالك وتشيلسي الغاني يوم السبت.
وتعادل الزمالك مع الفريق الغاني 1-1 في خامس جولات مرحلة المجموعات بدوري أبطال إفريقيا بعد انعدام فرصة في التأهل لنصف النهائي.
ويسترجع FilGoal.com شريط المباراة من خلال تعليقات متابعينا على أحد أكبر مواقع التواصل الاجتماعي (تويتر).
قبل بداية المباراة قالوا
نفسي في ترقيصة حلوة او كورة في العارضة اول 5 دقائق عشان اسمع الناس بتقول هااااااه .. الصوت ده وحشني جداً #زمالك
— Ahmad Saied (@asaied) September 1, 2012
@filgoal_live نفسي اشوف داخله وشمروخين كده مع اني اهلاوي بجد المدرج وحشني اوووووووي
— ahmed azklany (@azklaany) September 1, 2012
ومع بداية اللقاء
@filgoal_live لطيف كان بيقول الكورة اجوان..بس اللي بجد بقي ان الكورة جماهير ..الملعب تحس ان فيه روح بيهم والله
— OmZ (@OmZ10) September 1, 2012
لو الحكم صفر ولغى الماتش معنديش أي مشكلة .. يكفي اننا حسينا بالحياة في ال10 دقايق دول #الكورة_يعني_جمهور
— أبو الأحاليم (@7elmy7elmy) September 1, 2012
هتافات جمهور الزمالك تؤكد أنكم مش هتحكمونا بالمنع يا صهاينة @filgoal_live #الكورة_يعني_جمهور
— $.Kader (@S_Abdelkader) September 1, 2012
النهاردة شكلنا حنسمع أكتر من عشرين هتاف متنوع .. الجمهور بيطلع من الخزنة #الكورة_يعني_جمهور
— A7mad Hesham (@BabAdOblo) September 1, 2012
حاسه اني عايزه اقول للجمهور "يا ناس يا ناس يا مكبوته" .. اه والله #الكورة_يعني_جمهور
— SHeRinE (@sherine_mustafa) September 1, 2012
اصل يعني لما تلاقي نادي مطلع عين مشجعينه بقاله سنين وكمان يبلعب في بطولة خارج منها اصلا والجمهور كده يبقى لازم تحترمه #الكورة_يعني_جمهور
— Nour Khatab (@Nour_Khatab) September 1, 2012
المسألة مش محتاجه مزايده بس بحد انا اهلاوي ومنبهر بوفاء الفرسان ووطنيتهم @filgoal_live
— mohamed gaweesh (@bebo1907) September 1, 2012
زمان كانوا بيقولوا على المرحوم فريد الأطرش انه "يتسمع بس ما يتشفش" .. الجملة دي عنوان الماتش
— Ahmad Saied (@asaied) September 1, 2012
@filgoal_live طب الواحد ممكن يقفل الصوت و يتفرج ع الصوره ! انا عايز اعمل العكس اسمع الصوت و مشوفش الصوره !
— MَaحmُoudٌEl Naجar (@MahmoudLNajjar) September 1, 2012
خلاص الزمالك خرج من البطولة .. ومهزوم في مبارياته ال4 .. والصوت اللي سامعينه ده حقيقي مش تركيب على فكرة #الكورة_يعني_جمهور
— أبو الأحاليم (@7elmy7elmy) September 1, 2012
@filgoal_live #الكورة_يعنى_جمهور كورة من غير جمهور زي العربية من غير موتور
— أحمد حمدى (@ahmedtaw2am) September 1, 2012
تحس ان الماتشات من غير جمهور عاملة زى لما النور بيقطع #كئيبة #الكورة_يعني_جمهور
— Mahmoud T. Mahmoud (@TheREALSal3aat) September 1, 2012
@filgoal_live كوره من غير جمهور كالمسافر من غير باسبور.#الكوره_يعني_جمهور
— Yehya (@yghallab) September 1, 2012
@filgoal_live كورة من غير جمهور زي البلد من غير دستور
— طه (@Ah_Taha) September 1, 2012
انك تسافر ورا فرقتك،تدفع تذكرة،تنبح صوتك،فرقتك تخسر،يتحرق دمك وبرضه تروح وراءهم المتش اللى بعديه يأكد ان #الكورة_يعني_جمهور @filgoal_live
— A.Rahman El Beblawy (@El_Beblawy) September 1, 2012
man of the match : Ultras White Knights #الكورة_يعني_جمهور
— طه (@Ah_Taha) September 1, 2012
#الكورة_يعني_جمهور و الله لو المتش ده متذاع فب أوروبا كان الوايت نايتس جالهم عقد احتراف يشجعوا أرسنال مثلا @filgoal_live
— Bassel (@BasselAlrefaie) September 1, 2012