جدل على «تويتر» بسبب «#اخلعيه_لو» و«#طلقها_لو» (تابع لحظة بلحظة)

دشن مستخدمو «تويتر» وسما «اخلعيه_لو، طلقها_لو» كتبوا خلاله آراءهم حول أسباب من شأنها قيام المرأة ب«خلع» زوجها، وتفكير الرجل في تطليق شريكة حياته.
واحتل الوسمان قائمة أكثر الموضوعات إثارة للجدل على «تويتر»، وتضمنا تغريدات ساخرة من الطرفين.. وكتبت أروى عبادي: «#اخلعيه_لو اكتشفتس إنه اتصور قبل كدة بنضارة الشمس في صالون بيتهم».. وقالت رناء أيمن: «#اخلعيه_لو طلع تنح ومش بيحب الهزار».
#اخلعيه_لو اكتشفتى انه اتصور قبل كده ب نضاره الشمس ف صالون بيتهم :v
— arwa apady (@RewRew_apady) August 4, 2014
وأضافت غالية عادل: «#اخلعيه_لو مبيجبلكيش شوكلاتة».. في حين رأت «سارة» أن عدم فهم الرجل لمعنى «الرجولة» في تصرفاته سبب كاف لخلعه.. فيما قال حساب صاحبه يطلق على نفسه اسم «جيفارا» متهكمًا: «#اخلعيه_لو فاقع كرش».
#طلقها_لو طلعلها كرش #اخلعيه_لو طلعلو كرش يابيه لو كل واحد طلق مراته عشان طلعلها كرش الستات كلها هتبات ف الشارع
— Mahmoud Tawfek (@Tawfek94) August 5, 2014
وعلى ال«هاشتاج» الثاني، حيث كتب عبد الرحمن هاشم: «#طلقها_لو طلعت مبتعرفش تعمل مكرونة باشميل».
وكتب محمد حسونة: «#طلقها_لو بتحط الموبايل ف الطرحة وهي بتتكلم».. وقالت رولا عبادي: «#طلقها_لو بتصاحب وبتعرف عليها ألف واحدة حتى الدين قال تسريح بإحسان».
#طلقها_لو بتشخر وهى نايمة #اخلعيه_لو بيشخر وهو صاحى ☻
— شيف اما اقولك (@manabdoo) August 5, 2014
وذهب آخرون إلى أن الزوجة يجب أن تكون مرحة و«مجنونة» وألا تكون «كئيبة»، ولديها القدرة على طهي الطعام ولعب «بلاي ستشين».
طيب شعورى ايه وانا داخل على جواز و اشوف الهاش تاج دة #طلقها_لو #اخلعيه_لو يا حوستى السودة يانا ياما
— Mohamed Gamal (@engMohamedGamal) August 5, 2014
اختلاف الزوجين ما بين تشجيع النادي الأهلي والزمالك وأندية أخرى، جاء أيضًا ضمن الجدل حول أسباب الخلع والطلاق بين مستخدمي «تويتر».
وقالت روكا عبد المنعم: «#طلقها_لو كانت شغالة أغنية أعظم نادي في الكون وهيا قلبت القناة ده بعد ما تديها بضهر أيدك طبعا».
#اخلعيه_لو مش زملكاوي اصيل و لو مش من الوايت نايتس
— zainab muneer (@zainabmuneermoh) August 4, 2014
وتهكم آخرون من فكرة الوسمين، حيث كتبت روان الوزيري: «الهاشتاجين دول هيخربوا بيوت ناس كتير أوي».
#طلقها_لو هوا حد لاقي يتجوز ف الايام الحمرا دي عشان تقولي طلق عيشوا اليومين اللي انتو عايشينهم وخلاص يا جدعان
— المتحدث الرسمي لنفسي (@Mahamadabdallah) August 5, 2014
#اخلعيه_لو #طلقها_لو ايه حكايه الطلاق والخلع هو انتوا اصلا عارفين تتجوزوا فى مصر
— رواء المطر (@love200644) August 4, 2014
تابع ما يكتب على الهاشتاجين لحظة بلحظة من هنا: #اخلعيه_لو Tweets
#طلقها_لو Tweets
اشترك الآن لتصلك أهم الأخبار لحظة بلحظة