بالفيديو.. «أبو حفيظة» ينصح ب«الهاتة والدحلبة» لمواجهة التحرش

سخر الإعلامي سيد أبوحفيظة، من واقعة التحرش بالتحرير في فقرة «اسال أبوحفيظة»، قائلا: «عزة الموزة بتسأل بعد واقعة التحرش الأخيرة أنا خايفة ومش عارفة هالبس إيه وأنا نازلة».
وقدم «أبوحفيظة»، في برنامجه «أسعد الله مسائكم»، مساء الخميس، نصائح «لعزة»، قائلًا: «أولًا يا عزة غيري اسم الأكونت لأن المتحرشين مش هيستنوكي لما تنزلي من البيت وهيتحرشوا بيكي إلكترونيًا، ولما تنزلي إلبسي أي حاجة هما كده العيال المتحرشين مش بيبقى فارق معاهم أي حاجة، والكارينة مبقاش يحمي زي زمان، والإلكتريك مبقاش يجيب فايدة مع العيال دي دول بقوا بيفرحوا بالكهرباء لأنها بتعلي معاهم، والسيلف ديفنس مبقاش يعمل حاجة لأنهم بيرشوا على نفسهم».
وكما قدم «أبوحفيظة» بطريقة ساخرة مجموعة نصائح للبنات لتجنب التحرش، قائلًا: «أول حركة الهاتة وهي لما يجي يقرب منيك المتحرش اسحبي أيدك لورا وهوشيه وقوليله (أوعى)، وتاني حركة اسمها الدحلبة، يعني أول ما يجي يتحرش بيكي تحسسيه أنيك مش معترضة وتكملي كلام معاه وتقوليله البيت مش بعيد، وأول ما توصلوا لشارعكم تنزلي من التاكسي وترقعي بالصوت، وهيتلم طبعا أهل المنطقة وتربطوا في الشجرة ل3 أيام، وأهل المنطقة هيصبحوا عليه كل يوم الصبح».
وتابع «أبوحفيظة»: «أخر حركة معانا هي الضربة القاضية، وهي أن البنت تتني ركبة ونص وأول ما المتحرش يقرب تديله أسفل منتصف الهدف هيروح يقع على الأرض».