دعوة من جماهير الإسماعيلي لوقفة احتجاجية السبت ل«تطهير النادي»

أنشأ عدد من مشجعي النادي الإسماعيلي، صفحة على موقع «فيس بوك»، تحت مسمى «تجمع يوم السبت القادم الساعة 5 للمطالبة بتطهير الأعضاء الفاسدين».
وحملت الصفحة صورة مكتوب عليها «النادي على إديكو أصبح عزبة، وانتو حبكو للنادي أكبر كذبة، إنتو عايشين على الرشاوى لا تهتمو بمصلحة النادي، واحنا مش هنسكت على كده، وهننزل يوم السبت ونطالب برحيلكو».
وكتب المشجعين على الصفحة «جمهور عايش على حلم البطولة من صغره، وكل سنة يمشى 8 أو 9 لاعيبة و نقول مش مشكلة نصعد الناشئين ونخليهم أساسيين، وهيسدوا ونشجعهم ونضحك على نفسنا ونقول اننا بننافس، طيب لإمتى هنفضل نبيع لاعيبتنا وكمان وصلت إننا بنبيع ولاد النادي و رموزه».
وأضافوا: «لو موقفناش وقفة رجالة ضد الفساد اللي في النادي واللي شوفناه كتير ومثال منه صفقة ميشاك، هنعيش ونموت فريق المركز الثالث ومش هناخد ولا بطولة».