بالرغم من اني ايام كتير ببات جعان ويمكن في برد الشتا تلاقيني ع الرصيف كمشان حتي في الصيف كتافي بتتحرق وتلاقيني بتصبب عرق مش لاقي هدمة تلفني ...ولا فرع شجرة يضلني بس حبك يا بلدي في قلبي وفي دمي وفي كل مكان الفقر عمره ما كان ذنبك ده ذنبنا ذنب الناس اللي راضين الفقر والحرمان ذنب اللي شاف ابنه في وسط الخلق عريان ذنب كل اللي يقول ع الظلم رضا ... دا اختبار للإيمان *** قعدنا سنين بنهلل ونمدح ونخاف نقول الحق لا الدم من جروحنا ينضح الساكت عن الحق.. عند الحكومة انسان اللي يتعري ويخرب عقولنا .. يتقال عليه فنان واللي يقول حسبي الله ...شيطان وادينا ماشيين بالمقلوب من غير لا قسط ولا ميزان بس برده اقولك ايه؟؟ لو قلت بكرهك .. متصدقيش لو قلت اسيبك .. فين اعيش اه.. عايش متهان وكمان في الخزي غرقان مش لاقي حد يسمعني وكل اللي شافني بصرخ سد ودنه وعمل عَميان بس برده .. مبكرهكيش ما انت عمري اللي راح واللي جاي وانت امي اللي في حضنها لسه مش لاقي الحنان ولا لاقي الدفا اللي كان وانت طفلي اللي بيتولد وبحلم عشانه بالامان هاني الفرماوي اغسطس 2010