قالوا عن «الميدان»..

تباينت ردود الفعل على مواقع التواصل الاجتماعي حول الفيلم، وعبر كل شخص عن رأيه طبقًا للذكريات التي أيقظتها مشاهد العمل، وفيما يلي عدد قليل من تلك الآراء.
نورعلي: «هو مكانش ينفع يعملوا فيلم الميدان من غير ما يطلعوا إن الشعب كله قليل الأدب وبيشتم وإن البنات كلها روشة وبتشرب سجاير».
دينا علي: «تلخيص لثورة مسروقة من صحابها ..اللي نسي قذارة العسكر واإخوان نصيحة يتفرج عليه أحسن حاجه الواحد يشوفها قبل 25».
علي صقر: «أن تشعر بالفخر لأنك مصري».
«رونا»: «بقيت أقلق من أى جوائز عالمية .. نوبل بقى واللا أوسكار .. مفيش حاجه ببلاش».
أسماء راشد: «مكنتش متوقعة ان في يوم هلاقي حاجة توثق الثورة المصرية بالابداع ده».
حسين سلطان: «أكتر شىء أثر فيا وانا بتفرج على الفليم بعض الوجوه ما بين شهيد ومسجون واللي قرر يهاجر تاني وفيه اللى اختار الصمت».
ريم العدل: «احنا مابندورش على قائد يحكمنا.. احنا بندور على ضمير».
نجلاء أحمد: «اصعب لحظة لما اشير فيلم وييجي حد من صحابى يقولى انتى فيه فاقعد اتفرج على الفيلم ألاقى نفسى واقفة قدام مدرعة فى اول ايام محمد محمود».
أحمد الدويني: «ولا مليون فيلم يقدروا يوصفوا اللي حصل.. ومحدش هيحس بمعني وقيمة الكلام ده غير اللي عاش فى الميدان واللى لسه بيعيش على تحقيق حلم الثورة».
شمس الدين: «كل الموضوع إن الفيلم بيحطني في منطقة الفرحة باللي عملناه واللي في الواقع ملهوش أي قيمة على الارض، الحسرة بسبب اللي المفروض كنا نعمله ومعملناهوش».
رانيا بدير: «فيلم الميدان اختزل الثورة في المظاهرات والاشتباكات، وحول الثوار وشباب الإخوان إلى ملائكة والمجلس العسكري شيطان.. ما هذا يا بشر؟».