ارقص يا سلام.. صقفة.. صقفة.. صقفة.. وانزل يا سلام هنا فى الساحة فى وسط الزفة.. وارقص.. ارقص يا سلام.. ارقص على أرض الموت والدم.. وبيوت اتهدمت فوق أهلها هدم.. وابعتلى سلام.. لأهل الإسلام.. واسألهم إيه غير دينهم أهم.. ارقص يا سلام.. واضحك على كل شعوب الأرض.. وابعتلى سلام.. لشعوب عربية بتاكل بعضها بعض.. وأنا حاسكت وأرفض حتى كلامى.. لأنى ضعيف مش قد الرد.. ارقص يا سلام.. وابعتلى سلام.. لعيون بتنام.. ولا فى الأحلام.. وتفوق على صوت أطفال بتموت.. وعيون م الخوف.. بتشوفها تشوف الاستسلام.. ارقص يا سلام.. ارقص على روح الإنسان.. على شعب اتشرد واتخان.. على طفل اتمنى فى يوم يكبر.. فى وطن يشبه باقى الأوطان.. ارقص يا سلام. ارقص وها أقولك على كلمة.. قالها لى أبويا فى يوم حكمة.. السلام محتاج لقوة تسنده.. وقت ما يهددنا حد نهدده.. وقت ما يقتلنا نقدر نقتله.. هو دا معنى السلام.. لى عنده معنى تانى.. بكرة يرقص السلام على جثته.. ارقص يا سلام.. ياللى إنت أصلاً مش سلام.. وابعتلى سلام.. للى يعرف سكته. على جلال كاشف - طب الإسكندرية [email protected] آه وآه وآه.. آه على غزة أهل العزة بتندبح.. آه على شعب صوته بيتنبح.. آه على طفل شايف بلادنا بتتفضح.. شوفتوا ف بلادنا أد إيه ع الجيوش.. بينصرف.. شوفتوا اشترينا طيارات زى الحمام.. بطير ودبابات كتيرة فيها مدافع ماشية زى الجمال طوابير.. مدفع كبير صاروخ شديد.. غواصة يحميها لنش بالتوربيد.. ومصفحات وناقلات وإدارة للتجنيد.. طب إيه ناقصكم لجل حماية أخ عزمه جامد.. إمتى تقوموا تدافعوا عن أخ ليكم صامد.. طب ابعتلهم اللى بيه يكسروا عدو معاند.. خلاص الخوف سيطر على قلوبكم.. ومش شايفين الدمار هو اتعمى عينكم.. ولا البكا بطل يحرك فيكو مشاعركم.. آه علينا عرب صار كل الهم مناظركم.. وحرصكم على المتعة وعلى بطونكم. عبدالرحمن فهمى [email protected] أنا والليل والقرطاس والقلم.. وشىء ما يصيب النفس والألم.. أنا والليل فى أحشائنا صمت.. نواريه يوارى رسمنا العتم.. لتنمو فى مضاجعنا حقول الخوف.. ترتهقنا وتندى فوقنا الظلم.. لنولد فى غياب الضوء عميانا.. يغذينا رضاع البكم والصمم.. فتكسونا جلود كلها ملح.. فلا ينمو لنا حس ولا نسم.. ونركض فى دروب النفس أغراباً.. فتؤوينا ضلوع سادها الهم.. لتحفر فى جبين العرب أحزاناً.. فتبكينا إذا ما نحن نبتسم.. ففى الأقصى نداء يطلب الغوث.. فيعيينا نضال نام والسقم.. على أوصاله يرعى على مهل.. لأن الحر فى أوصاله الهرم.. صديقا فى نواديه فيرهقه.. ويرهقنا صراع دام والندم.. هناك ترى دماراً فى ضواحيه.. سكون خيم الساحات والعدم.. ليبنى فى بيوت الصمت ناكسة.. لها روس الكلام يسودها بكم.. فلا صبح لليل دام فى قومى.. وفى أفكارنا ظلم.. لها ظلم. عبدالظاهر السيد على محمد - سوهاج [email protected]