إلى رئيس التحرير

يا أخ مجدى رجائى والرجاء مشروع
إنك تضاعف مساحة (السكوت ممنوع)
وياريت تفضّى ل«حاتم» صفحة فى الأسبوع
وتخلّى كل البلد فى «المصرى» تتكلم
وتخلّى صوت الضعيف عند القوى مسموع
يا أخ مجدى أملنا فى الصحافة كبير
هىّ لسان البلد وبداية التغيير
على إيدها صوتنا وصل للى نسانا كتير
يا أخ مجدى رجائى والرجاء منشور
تخلّى إيدك فى إيد الفجر والدستور
أهدافنا واحدة وأملنا نعيش فى زمن النور
وخلّى بعض الكلام عن العيون مستور
يا أخ مجدى رجائى إوعى تنسانى
وإن شفت باب اتقفل خبّط عليه تانى
خلّى السماح مركبك والبحر ربانى
وإن شفت يوم السحاب خبى النجوم منك
اسهر بنور الأمل ده كل شىء فانى
سيد أحمد الهمشرى
sayedelhamshary@gmail.com