حتى لونى قمحى

ضاعت ملامحى ولونى اللى كان قمحى
فين خيرك يا بلدى لأمتى ح تسامحى
أنا بس كان إيه ذنبى ليه بيجرحو قلبى
مش هو ده رغيفى ولا هو ده قمحى
إوعى تسامحى الناس اللى خانوكى
دول قرروا وخلاص مش ح يزرعوكى
اللى زرعوه فيكى فساد واللى زاد
كل يوم حتة حتة بيقطعوكى ويبعوكى
الطريق ده مش طريقنا ما هش عاجبنى
لازم ح نزرع أرضنا أكتر ما نبنى
عايز الأمان ف المكان لابنك ولابنى
وليصالحوكى يا إما يرحلوا و يسبوكى
للى قادرين يحسوا بيكى وبيفهموكى
ضاعت ملامحى ولونى اللى كان قمحى
فين خيرك يا بلدى لإمتى ح تسامحى
محمد عبدالفتاح بدر