100.6

لو كان ممكن أسمع غنوة..
وأهديها كمان
«إلقالك حد» بصوت أنغام
أنا أصلى بدور مش لاقى
عن حد هيقدر يراعينى
وهيبقى «صحبة وأهل وبيت..
وينادى بصوته لو ضليت»
وألقاه فى الشارع يتمشى
ويشم هواه سحابات سوده
وبيكره قعدته فى التكييف
واقف فى طابور مستنى رغيف
ويجدد فى آمال أكبر
الدنيا أكيد راح تتغير
أما الإهداء..
فهيبقى لكل المصريين
الخايف من بكره لابنه
والعايز يخرج من سجنه
واللى بيلعنها أما بيصحى
وأما بينام
ولأبويا وأمى ولأنغام
وكمان بهديها لسيادتك..
ولباقى فريق البرنامج