بالفيديو.. «أحمد» بكالوريوس آثار والمهنة "شيال" باليومية فى سوق الفجالة

حلم «ابن القرية» دائماً هو السفر إلى القاهرة لتحقيق حلمه فى الحصول على العمل، معتقدا أن القاهرة مليئة بالفرص المتميزة لكن بعد الوصول للعاصمة يُصدم بالحقيقة، وإن ابتسم له الحظ يحصل على عمل عكس ما يتمناه أو لا تناسب شهادته الدراسية. هذا هو حال "أحمد" الذى ترك مدينته أسيوط، رغم أنه حاصل على بكالوريوس ترميم آثار، ليعمل "شيال كتب" بسوق الفجالة، فيروى قصته لكاميرا "فيديو7 قناة اليوم السابع المصورة": "أنا أسمى أحمد كامل من أسيوط وحاصل على بكالوريوس ترميم آثار بتقدير جيد جداً دفعة 2011 وجيت من أسيوط لحد مصر عشان مفيش شغل هناك ولا أى حاجة خالص وكان نفسنا يكون فيه مصانع أو أى حاجة بدل مانتبهدل هنا ونيجى مصر نتبهدل ونشيل". وأضاف: احنا 50 واحد من بلد واحدة، وكلنا معانا دبلومات وشهادات جامعية وشغالين شيالين باليومية ومأجرين أوضة فى لوكاندة وبنقبض 50 جنيه فى اليوم ومش بيعملوا حاجة والمكان اللى بنام فيه مفيش بنى آدم يرضى يدخلوا أصلاً.. ماحدش بيراعينا ومفيش حد بيهتم بالصعيد، ولو كان حد مهتم بيها مكناش جينا هنا".