مدرسة المشاغبين: ناس في المريخ وناس عايشة في البطيخ ؟

خبر اونطة
ايام مربربة يابوي
وبعد التصويت اليوم لصالح الملف المصرى بمجلس حقوق الإنسان بالأمم المتحدة
تقدر تقول أن فيه أيام سودا ومربربة بالطين فى إنتظار عيال مجيدة وما تبقى خارج الأسوار من صغار خرفان الإخوان؟
بخ
الحكومة تقرر تحديد سير النقل من 11 مساءً إلى 6 صباحا وعقوبة المخالفين تصل للسجن من سنة الي 7 سنوات وغرامة مالية واللي حيرمي زبالة منهم عقوبة 10ألاف جنية .
كلام في العضم
محافظ التجمع الخامس بس دة لقب رئيس مدينة القاهرة الجديدة علاء عبد العزيز ليه بقي عشان ليل نهار يلمع في شوارع الخامس وناسي الثالث يمكن عشان اسمها القطامية؟
فزورة
ياعم الحاج انت راجل كبير مفروض دلوقتي عايش مرتاح بتلاعب احفادك مش تبقي محافظ للعاصمة صحتك كفاية كدة المحافظة بقيت باريس ؟
ناس في المريخ وناس عايشة في البطيخ ؟
انتقد الدكتور عصام حجي، اهتمام الإعلام ب«أخبار العنتيل والفضائح والسباب على الفضائيات ووسائل الإعلام اليوم»، وإهماله مشاركة علماء مصريين في نزول بنجاح «المركبة فيلة» ضمن المهمة الفضائية «روزتا لأول» مرة على سطح مذنب لتكون لحظة تاريخية للإنسانية.
وتابع «حجي»، في صفحته على «فيس بوك»: «ستقوم المركبة بدراسة العناصر الأساسية التي ساهمت في نشأة وتطور الحياة على كوكب الأرض، ولم يشفع لهذا الإنجاز التاريخي أن تحمل المركبة أسماء مصرية تاريخية ووجود باحثين مصريين مشاركين بالمهمة لدى إعلامنا للاهتمام بهذا الحدث الذي يتصدر في هذه اللحظة كل وكالات الأنباء بينما تتصدر أخبار العنتيل والفضائح والسباب على الفضائيات ووسائل الإعلام اليوم».
وأضاف: «بكل الفرحة التي أحسها أنا وزملائي المصريين المشاركين في هذا الإنجاز الذي نهديه لكل شباب الوطن عله يزرع الأمل ويؤكد أن شباب مصر الذي تتناوب وسائل الإعلام على الانحطاط من قيمته قادر على أن يساهم في أكبر وأعقد التحديات العلمية، المصريون في هذا اليوم: (1) د. رامي المعري، 35 سنة (2) د. أحمد الشافعي 28 سنة، (3) عصام حجي، 39 سنة، (4) د عصام معروف، 56 سنة، طموحات وأحلام وآمال تكسر واقع ملأته أصوات الجهل والكراهية التي بنت للإحباط معبدا خالداً ولجهل حصناً منيعاً، وأسأل نفسي اليوم هل أصبحت نجوم السماء أقرب لنا من تراب الوطن».
شعر حلمنتيشي
حسن علام
حوار عائلي
امي قالت
نفسي يابني ف يوم اشوفك
وانت مستوظف حكومه
القطاع الخاص ديابه
بينهشوا لحم الغلابه
لو تعبت
تبقي ضعت
لو مريض
يعني مت
شوفت ابوك
قولله ياجمعه
مش بعد ما مصوك
رموك
جمعه قال
ايوه مصوا
وبعد ما مصوا وخلصو
رموني ليكي
تمصمصي اللي باقي مني
لو سمحتوا اسمعوني
قالولي قول ياعم
غني
الحكومه يامه مش زيك حنونه
الحكومه مش امنا
ولا هي ابونا
ولو ضغطنا عالحكومه
هيقولولنا خلاص سيبونا
ناخد معونه
واحنا مش عايزين معونه
احنا مش عايزين معونه
انتوا قولتولنا زمان
اطعم الفم بفلوسك
تنكسر عين الجعان
وهما عايزين يكسرونا
ايوه عايزين يكسرونا
واحنا شعب عزيز بطبعه
احنا شعب يحط صبعه
جوه عين اللي يعادونا
والبلد
البلد شبعانه يامه موظفين
والموظف يعني خادم
يعني ينفع
نبقي كلنا خدامين
ولو بقينا خدامين
طب هنخدم بس مين
مصر محتاجه تخلف منتجين
المهندس والطبيب
والمدرس والمزارع
واسطوات تملي المصانع
واللي شغال ف التجاره
واللي ينحت ف الحجاره
ولما انتاجنا يزيد
ساعتها بس
هانبقي اسياد
مش عبيد
قالتلي انتاجنا يزيد
ياعم روح العب بعيد
ده كل حاجه ف مصر
صيني
قولتلها طب بس اسمعيني
الحكايه حلها يدوب كلمتين
التخصص والتنوع
يعني نبقي
متخصصين متنوعين
التخصص
يعني اني احب حاجه
علم حرفه اي حاجه
وعنها اعرف كل حاجه
لحد مابقي فيها حاجه
والتنوع
يعني لما ابقي حاجه
غيري يبقي بردو حاجه
في حاجه غيرها
فاهماني يامه
قالتلي والله مافاهمه حاجه
بس حساك يابن بطني
سمعاك بقلبي قبل ودني
تعالي يابني جوه حضني
ابويا قال
يلا قوم نصلي العصر
وندعي لمصر
سين وجيم
أنا من مؤيدي الاستفادة من الجنزوري وفايزه أبو النجا وغيرهم من وزراء مبارك الفاشلين، لكن ازاي؟؟
نجيب شباب كويس يمسكوا الوزارات، ونحط قدامهم الجنزوري وفايزه وغيرهم، ونقول للشباب: "اوعوا تعملوا زيهم".
مصطفي السعيد
فن الرد علي الرخميين جدا?
احمد مكي
شوف عبقرية بعض الناس في كل بلد من البلاد عبقريات في الرد علي اسئلة محرجة ومجرد كلامهم يعد فن في فنون الرد ... وشوف ياسيدي حاكم السعودية
الذي كان مميز في كلامة رغم تقدمة في العمر سئل الملك فيصل كي يحرجه أحد الصحفيين فقال له :
نرى لحيتك سوداء وشعر رأسك أبيض !؟
فقال : نبت شعر رأسي قبل لحيتي بعشرين سنة.
أما عمنا العلامة الفهامة ابو الطيب المتنبي الشاعر الفحل – اسمها الفحل مش الفجل يابني ادم منك لها ليه له فقد جاء له واخد رخم جدا و أراد رجل إحراج المتنبي
فقال له : رأيتك من بعيد فظننتك امرأة؟
فقال المتنبي : وأنا رأيتك من بعيد فظننتك رجلاً!
و طبعا كلنا نعرف أتخن مسئول في تاريخ بريطانيا وكان فيه وزير سوسه خبيتن وكان متغاظ من تشرشل عشان المرتب أتأخر وكدة يعني ؟ المهم إتمطع تشرشل وبعدين لقي قدامة برناردشو ؟ ومحدش يقول مين شو ؟ فجأة قال رئيس الوزراء الثمين – بالسين والثاء- متكرره السمين تشرشل لبرناردشو النحيف : من يراك يا شو يظن بأن بريطانيا في أزمة غذاء ! فقال : ومن يراك يعرف سبب الأزمة.
أما حكايات أبو الغصن ؟ ومن حقك تقولي مين ابو الغصن ؟ إنه حجا يافالح ؟
أقبل جحا بطربوشة اللي بيتنطط فوق دماغة على قرية ووجد شخص سخيف اخر حاجه وعاوز يضحك الناس عليه ... قائلاً : لم أعرفك يا جحا إلا من حمارك !!
فقال جحا : الحمير تعرف بعضها؟ واضح اللغة المشتركة بينكم ههههههه؟
وطبعا أخوكم من كام سنه كان واد روش وكنت وسيم وخاطب بنت بصراحة كانت جميلة جدا وعسل علي مهلبية وكنت متخيل أنها عندها ذوق شي وشها بس كانت بتحرجني كتير جدا ؟ واريح جاي إشتري حاجات ليها لما فلست ؟ يامحترم وفي يوم طلبت بنت – المخبر- ودي مهنة ابوها رسميا؟ دواء لزيادة الوزن وكنت مفلس مقبضتش من الجرنال راحت صاحبتنا لسعتني كلمه جامدة يافقري أنت ع طول بتستلف كدة ؟ أنا الدم سخن في دماغي ؟ وتوهت الموضوع ؟
وقلت لها وأنا حفرقع من الغيظ :كم أنت جميلةياحمدية قمر بصراحة
فقالت له : ليتك جميل لأبادلك نفس الكلام !
فقال لها : لابأس اكذبي كما كذبت وعلي فكره بقي أنا قرفقت منك .
وفي التاريخ العربي بقي حكايات منها الست الوحشة زي أمنا الغلة حيث إلتقى الجاحظ بامرأة قبيحة في أحد خمارات بغداد فقال : " وإذا الوحوش حُشرت " فنظرت إليه المرأة وقالت : " وضرب لنا مثلاً ونسي خلقه " وكدة لزقت جحجوظ علي قفاه هههه ؟ ,وفي نفس الشارع حصلت قصة تاني كانت امرأة تسوق أربعة حمير وإذا بشابين سائرين بجانبها فقالا لها: صباح الخير يا أم الحمير فأجابتهما على الفور: صباح النور يا أولادي ودي كمان حكاية رجل مسن منحني الظہر يسير في الطريق فقال له شاب بسخرية : بكم القوس يا عم ؟ قال : إن أطال الله بعمرك سيأتيك بلا ثمن ' ؟ أكل أعرابي عند أمير وكان شرهاً، فقال الأمير : مالك تأكل الخروف كأن أمه نطحتك !؟ فرد الأعرابي : ومالك تشفق عليه كأن أمه أرضعتك؟؟ وأخيرا دخلت فتاة المحل وهي تضحّك ! تتمايل في مشيتها وتفوح منها رائحة العطر فسألت البائع ب دلع : ما أرخص شيء في المحل… ؟
قال لها : أنتي .
يالهههههوي داعش طلعوا أطباء اسنان ؟
إشتعلت حرب كلامية بين مؤيدي د يسري حماد نائب رئيس حزب الوطن السلفي وبين معارضية حيث وصف حماد تنظيم داعش بوصفة تنظيم ديني ورفض رفضا قاطعا تسميتة او نعتة بالتنظيم الارهابي وتوالت ردود الافعال بين جمهور الفيس بوك ورواد تويتر وواصلت المعركة الحامية بين الاطراف المختلفة حيث وصف معارضي السلفيين الحزب بالارهاب مثلة مثل تنظيم الاخوان وداعش في يرد السلفيين بأن حزب النور السلفي يتعؤض لحملة منظمة علي خلفية عنتيل السنطة – طنطا – الذي نشرت الصحف والفضائيات فضائحة ووصفتة بالقيادي الاخواني في مدينة السنطة – إحدي مدن الغربية واضاف السلفييين التابعين لحزب الوطن السلفي ان الحزب يتعرض لحملة ومن حق حماد أن يعبر عن رأية وهو لايملك معلومات عن تنظيم داعش تجعلة يصف التنظيم بالارهابي
مفيش فايدة ولا حتي عايدة ... صدقوني؟
ذكرت صحيفة (ذا صن ) الانجليزية ، ان بعض المطاعم المتخصصة في تقديم الوجبات السريعة "التيك اواي" في اندونيسيا ، بدأت بتقديم وجبات من (الهامبورجر) مصنوعة من لحم الثعابين ( الكوبرا) بالتحديد ... وذلك لمعالجة الضعف الجنسي عند الرجال
في تصوري ان هذا المشروع لو تم تعميمه في مصر ، لن يجدي نفعاً مع الزوج المصري ، لأن ما يعانيه من الضغوط العصبية والنفسية وطلبات الست حرمه " نني " عينه والعيال – ربنا يخليهم – بالإضافة إلي الأخبار المؤلمة التي يسمعها بين الحين والأخر من عمايل ( داعش) السودا ، وحبايبنا في غزة واستشهاد شباب مصر كل يوم ضحية الإرهاب الخسيس ، ناهيك عن ارتفاع الأسعار وأعباء الحياة ... كفيل بأن يحيله من ( سبع البرمبه) إلي أرنب وديع أو من أسد هصور إلي قط أليف .
فما يعانيه ببساطة لا ينفع معه كل الزواحف الموجودة علي ظهر الأرض من أيام العصر الحجري حتى الآن سواء كانت تماسيح أو ثعابين ... صدقوني مفيش فايده حتى لو ابتلع ( تنين ) كامل وبراسين كمان !!
إشارة حمرا
• زعيم سياسي في بلد متخلف ، اقترح عليه احد بطانته اقتراحا فقال له : " لماذا لا نسعى إلي أن تستعمرنا دولة كبري زي أمريكا فتقيم لنا المصانع والطرق والمطارات والمستشفيات ومطاعم الهوت دوج الشهية ... ثم نطردهم فيما بعد ؟؟؟
• فسأل الزعيم : وكيف نجعلهم يأتون لإستعمارنا ؟؟
• رد عليه : نستفزهم ونبعث لهم طيارتين في غارة جوية فتغضب أمريكا .. وتأتي لاستعمارنا .
• فرد الزعيم : وماذا نفعل يا فالح .... إذا تمكنت الطائرتان من ضرب أمريكا .
أيمن أبو النون
المشاغبون يودعون شيخ الرساميين طوغان ؟؟
كتب محمد الصباغ
إنتقل الي رحمة الله فنان الكارياتير طوغان بعد رحلة علاج قصيرة في «مستشفى المعادي العسكري» ووفقاً للسيرة الذاتية الخاصة به والمنشورة على موقع وزارة الثقافة المصرية، فهو من مواليد 20 (ديسمبر) 1926 في محافظة المنيا، عاش حياته بين القاهرة، والجزائر، واليمن، ويوغوسلافيا، وتشيكلوسلوفاكيا، وإيطاليا، وفرنسا.
يعمل كرسّام كاريكاتور في الصحف منذ عام 1946، وحاصل على دبلوم تجارة، كما عمل مستشاراً فنياً ل«دار التحرير للطبع النشر»، كما شارك في تأسيس جريدة «الجمهورية» حيث رسم الكاريكاتور السياسي عام 1953 قبل صدورها بحوالى ستة أشهر، ويشغل حالياً منصب رئيس «الجمعية المصرية للكاريكاتور»، ورئيس «رابطة روّاد الصحافة».
أصدر طوغان قرابة 27 كتاباً. الأوّل كان «قضايا الشعوب» الذي أصدرته «دار التحرير» عام 1975، وكتب مقدّمته الرئيس الراحل أنور السادات، وقد أصدرت له أخيراً «الدار المصرية اللبنانية» كتاب «سيرة فنان صنعته الآلام». الإصدار الجديد عبارة عن سيرة ذاتية لطوغان، استعرض فيها تجربته في مزاملة روّاد مهنة الصحافة والأدب والسياسة مثل السادات، وصديق عمره محمود السعدني، وألكسندر صاروخان، وكامل زهيري، وإحسان عبد القدوس، وزكريا الحجاوي، وعباس الأسواني، ومحمد عبد المنعم رخا. هذا الكتاب يتألف من 440، وحرّره أحمد كمال زكي. ينقسم إلى ستة أبواب، وملحق للصور والرسوم والكاريكاتور، فيما كتب مقدّمته الراحل خيري شلبي.
في رصيد طوغان عدد من معارض الفن التشكيلي ورسوم الكاريكاتور، تنوّعت بين الخاصة والمشتركة. وكان آخرها معرضين، الأوّل في قاعة ساقية الصاوي في الغردقة (أبريل 2014)، والثاني بعنوان «ذكريات من زمن فات» في قاعة بيكاسو في حي الزمالك في القاهرة (سبتمبر 2014 كذلك، كان الفنان الكبير حاصل على عدد من الجوائز المحلية والدولية، بينها جائزة وسام العلوم والفنون من الطبقة الأولى، وجائزة علي ومصطفى أمين، وجائزة النيل في الفنون، إضافة إلى الجائزة الثانية في مسابقة الكاريكاتور عن حقوق الإنسان من الأمم المتحدة
السيلفى والسلفى وممنوع الضحك ؟
كتب حسن فاروق
عندما قامت ثورة الخامس والعشرون من يناير عام 2011 ، ترددت الجماعة السلفية فى إعلان موقفها منها ، بل أعلنت عدم جواز الخروج على الحاكم ، ثم تواطأت مع جماعة الإخوان الشياطين على تقسيم تورتة الحكم فى مصر بعد أن يتم القضاء على نظام مبارك .
وبعد أن تبين لها إستحواذ الإخوان على السلطة وحدهم ، سرعان ما هاجم السلفيين الإخوان عندما خرجت من المولد بلا حمص خالية الوفاض كما كان مقررا سلفا ، وبدهاء شديد انصهروا مع الوضع الجديد و إخذوا خطوة إلى الوراء حتى يتضح لهم المشهد كاملا حتى لا يفتقدوا تعاطف الشعب المصرى الغاضب معها كما حدث مع الإخوان .
والآن وبعد مرور ما يقرب من عام ونصف من الصمت ، بعد أن وجدوا أنفسهم بعيدين عن الحكم ، وفى هذه المرحلة الدقيقة و الخطرة من عمر مصر ، الآن يدعون إلى النزول إلى الميادين والتظاهر يوم 28 من الشهر الجارى للضغط على السلطة الحالية على أمل أن يكون لهم نصيب فى الكعكة و مزاحمة النظام على مقاعد فى مجلس الشعب القادم تماما كما فعل من قبلهم الأخوان مع النظام الأسبق وأن يحلوا محلهم بسرعة أكثر مما هو متوقع .
إن التجربة أثبتت عمليا أن الإخوان والسلفيين وجهان لعملة واحدة ، وأن الإخوان والسلفيين تجمعهما صورة واحدة أخذت بيدهم هم بطريقة السيلفى .
بختك يابوبخيت
شخصيتك حسب نوع القهوة :
المرأة.....
سادة : رومانسية
وسط:جذابة
حلوة: رائعة
الرجل...
سادة: نكد
وسط: نكد
حلوة: نكد
سبوبة
الى كل النساء ........اللى بتزعل لما جوزها يبص برة.
او بتتكبر شايفة نفسها خسارة فى جوزها.
او مش راضيه عن تجاهل زوجها ليها.
او شايفة نفسها شوية.....
اتفرجى على صافينار
ومش عايز اعرف رايك
خليه لنفسك واتلهى
الراجل بيخاف م الفار
قولت لكم ايه اللي حصل بعد الفار ماجري وطلع من الغطا بتاع العربية الست وهي بتصرخ جوزها نزل للشارع زي الفحل يسأل فيه ايه جري ايه ؟ مراتة قالت فار دخل المحل من الغطا؟ الراجل مسكين طلع بيخاف من الفار ؟ صوت يانهار أسود ياماما ؟ اخوكم خد الغطا بتاع العربية وقلت يافكيك ؟ والست الخياطة بنقول مع السلامة ياخويا والقلب داعيلك ؟ رحت تحت البيت لقيت الكلب ومعاه الكلبة قاعدين يهوهوووو لما شافوني سكت الكلب وقعد يلحس في رقبة الكلبة راحت سكتت؟
جبت الغطا وحطيتة علي العربية ؟ ووقفت وار مدخل الباب اشوف المشهد بين الكلب والكلبة ؟ اتاريهم طلعوا فوق العربية تاني والكلب جايب ومخبي كام فرخة ميتة علي شوية عضم ؟ ونازلين همهم ياكلواخر تمام قلت في مقل بالي سبهم ياواد لما تكمل القصة لحد النهاية ؟ مخدتش بالي إن فيه ارنب صاحي بفرفر ؟ أتاري الكلب سرق الارنب من عند الجيران ؟ والست بتراقب الموقف من شباك المطبخ في الدور التاني ؟ وقالت انت ياخويا الكلب بتاعك سرق الارنب ؟ قلت لها ؟ أولا الكلب مش بتاعي دة بتاع والله معرفش ؟ قالت هوه بيقعد علي عربيتك ومليش دعوه لازم تدفع تمن الارنب ؟ الشارع كلة عارف إن الكلب دة بتاعك ؟
طيب ياست ؟ بكام الارنب ؟ قالت بسبعين جنية ؟ قلت نهار اسود سبعين جنية ليه؟ قالت بفخر شديد وأنت حتعرف ازي تمن الأرانب ؟ الكيلو بأربعين جنية ؟
بصيت لقيت في جيبي 5.جنية طلعتهم من سكات ؟ والست نزلت وخدت المبلغ أنا مسكت طوبة وطربت الكلب والكلبة ؟ جريو بسرعة؟
وطلعت في السطوح اشوف ايه اللي حيحصل؟
لقيت الكلب رجع تاني فوق العربية وقعد يغظني هوهوهو هو ؟
والله من غير تريقه
بلد ماشية بالدعاء فعلا؟؟
اول ما تصحى انهارده تخش تتوضئ و تصلي الصبح و تدعى لشهداء الثورة أو تدعي للواد ابنك يرجع بالسلامة او الناظر ميطلبكش للحضور
و فى الضهر تدعى ربنا ينفخ فى صوره منتخب مصر؟ ويوصل لكأس الامم بالمغرب و فى العصر تدعى ان ربنا يعدى اليوم ده على خير
و فى المغرب تدعى ان الاخوان ربنا يبتليهم بجرب او اى مرض جلدي بعد تفجير مترو الزيتون و فى العشاء تدعى ان مراتك تتخمد بدري وتنسي مصاريف الدروس شوية وتقضي خميس وجمعة مرتاح مرة واحدة ؟وتلاقي برشام الضغط مخلصش ثم تصلي الجمعةوكمان تصلى ركعتين لله فى الاخر و تدعى انه يخرجك من البلد بنت ستين فى سبعين دى
اللي ميتسماش ؟؟ طايح في الكل كليله
إلتزام من المشاغبيين والمشهد الغراء لن ننشر اسم صاحبنا وحنقول علية اللي ميتسماش
وبصراحة الرجل دة طايح في الكل تاي حد يعترض علي طول يشوف شتائم ايه مية مية المهم ان رابطة النقاد الراياضيين قالت فوجئنا كما فؤجي الجميع بدعوه من نادي الزمالك او من مكتب رئيسه لا فرق ل 1100 صحفي يحملون العضويه العامله بالنادي للاجتماع بهم داخل النادي يوم الخميس الموافق 13 نوفمبر دون وجود اي مبرر منطقي او شرعي او قانوني لهذا الاجتماع الغريب و المريب بما يشير الي ان هناك نيه مبيته لهذا الامر لشق الصف الصحفي و استغلال وجود هذا العدد من الصحفيين لعمل موقف بهم ضد نقابه الصحفيين المحترمه من خلال جمع توقيعات او من خلال تصويرهم تليفزيونيا و المتاجره بهم و الحصول منهم علي اعترافات ضد نقابتهم التي اتخذت موقفا تاريخيا ضد رئيس النادي بسبب شتائمه و تجاوزاته التي لا نهايه لها ضد الصحفيين .. و تشدد رابطه النقاد الرياضيين علي ان هذه الدعوه باطله و لا سند لها من القانون من قريب او بعيد اذ لا يجوز لمجلس الاداره بالنادي او الرئيس دعوه ايه فئه من فئات العضويه تحت اي مسمي الا من خلال الدعوه لجمعيه عموميه عاديه او غير عاديه لكل اعضاء النادي و هذه لها اجراءات صارمه و محدده و تتطلب موافقه مديريه الشباب و الرياضه و فتره زمنيه معينه طويله لا تقل عن شهر و يكون لها جدول اعمال واضح و محدد و ما لم يتم الالتزام بالجدول نصا تعتبر الجمعيه باطله كل هذا يؤكد ان دعوه الزمالك او رئيسه لا فرق للاجتماع ب 1100 صحفي لا معني لها سوي اهداف غير معلنه .. مع التاكيد علي ان النادي لا يستطيع ان يفعل شيئا تجاه اي عضو لا يستجيب لحضور جمعياته العموميه فما بالنا باجتماع غير قانوني و اهدافه معروفه .
و تناشد الرابطه كل الصحفيين بلا استثناء عدم الاستجابه لهذه الدعوه المريبه و تؤكد انه لا رئيس النادي و لا مجلس الاداره بالكامل يستطيع المساس بعضويه اي منهم مادام مسددا لاشتراكاته السنويه مع العلم ان العضويه لا تسقط بسبب الاشتراكات الا بعدم السداد لمده 3 سنوات كامله من التقاعس عن السداد .
و تثق رابطه النقاد في تقدير كل الصحفيين للموقف و ادراكهم للاغراض و النوايا غير الطيبه من رواء هذه الدعوه في هذا الوقت العصيب الذي تشتعل فيه الازمه بين رئيس نادي الزمالك و رابطه النقاد الرياضيين و النقابه برئاسه الدكتور ضياء رشوان
جرس الفسحة
نكت فيس بوك
نكتة علي الماشي "ثلاثة سلاحف كانو مسافرين من مصر رايحين تركيااا ففضلو يمشو سنة 2 3 فوصلو اخيرا الميناء فجئ عرفو نفسهم انهم نسيو البسبورات ففكرو يرجعو وحده منهم ورضي واحد منهم بس شرط شرط انو محدش يفتح علبة المياه ولا علبة الببسي كانو وخدنهم معاهم فرضيو فسابهم ومشي يجيب البسبورات غاب سنه 2 3 ففي وحده من السلحفتين عطشة موت فقالت انا هشرب شويت ببسي صغيرين فطلعت سلحفه من وراي شجرة وقالت شفتو النداله عشان كده مرحتش.
الولد زي البلوتوث
كلما اقتربت البنت يظل يحبها
و ان ابتعدت
"جاري البحث عن جهاز اخر”
الاسطوره تقول ان كلما ابتعد الرميوت
كلما اقنعت نفسك ان البرنامج الذي تشاهده هو الافضل
اخر نكتة
ياعالم هو مينفعش نعمل لمصر
"اعاده ضبط المصنع”
..
..
..
..
..
..
..
..