و يا ريت تسمع الكلمتين دول من أخوك ... لا ميثاق إللي إسمه إيه ده "الشرف" و لا مؤاخذه الإعلامي هينفع ... و لا قانون نقابة الصحفيين هيشفع ... ------------------------------------ المذيع الفضائي إللي حضرتك شايفه ده بيهلل و يجعر و ينتني و ينفرد علي قضية بعينها ممكن علي بكره بالليل في ميعاد إذاعة برنامجه يكون بيهلل و يجعر و برضه ينتيني و ينفرد علي قضية عكسها ... دي لقمة "بغاشة" بالملايين يا صاحبي ... لقمة "العيش" دي و لا مؤاخذه للجماعة "البيئة" الغلابة إللي زيي و زي حضرتك ... ------------------------------------ إبحث عن مصدر أموال صاحب الفضائية التي يصرف عليها الملايين لتبث برامج محددة بعينها و لا توجد إعلانات كفاية تغطي مصاريفها و مع ذلك مستمرة في البث ... و سيبك من المذيع إللي بيقبض ملايين في السنة ... ------------------------------------ المذيع ده خدام صاحب القناه إللي بيقبضه ... لو قال له تبقي شيوعي هيعمل حلقة الليلة عن كارل ماركس و فريدريك إنجلز ... و لو قال له تبقي إخوان هيعمل تاني يوم حلقة عن قصة نضال حسن البنا ... إبحث عن صاحب الفضائية ... هو ده المشكلة ... ------------------------------------ أما الصحفيين الشقيانين و أكثرهم من شباب الصحفيين عشاق المهنة العاملين في أكثرية الصحف الخاصة ... فدول شباب مطحون بيحب الصحافة و يجمع الأخبار و يسف تراب الشوارع علشان يجيب إنفراد أو يلقط صورة علشان خاطر يلاقي بكتيره الف جنيه في الشهر .. و يبقي الدور علي رئيس التحرير أبو ربع مليون جنيه في الشهر إللي بيحدد سياسة الجريدة كلها ... ------------------------------------ سيبك من المذيع اللميع و الصحفي الشاب المطحون ... و إقفل "المحبس" في الماسورة الأم ... شوف أصل التاجر رجل الأعمال صاحب الفضائية أو صاحب الجريدة الخاصة ... عاوز إيه من صرفه علي فضائيته أو جريدته ... صرف بالملايين يا أستاذ ... و لا مؤاخذه ... ------------------------------------ لا تنظر إلي المذيع الفضائي الذي "يتمدد بالحرارة و ينكمش بالبرودة" ... تراه يهيج و يثور و ينفعل و يحتد و يغضب ... ثم يهدأ و يتكلم باللين و الهوادة و كل النعومة ... هو أصلاً ليس صاحب قضية ... إنما هو خدام لقمة عيشه ... و هو يربط الحمار مطرح ما يقول صاحبه ... ------------------------------------ لكن أنظر إلي صاحب "مستوقد" القناة الفضائية ... و أنظر إلي مصدر تمويله ... تفهم بالضبط كل ما يحدث في مصر من كوارث الإعلام ... ففيه المشكلة ... و القضية ... و الكارثة كلها ... ------------------------------------ أقفل "محبس" الفضائيات ... يستقم لك الوطن ... المشهد.. لا سقف للحرية المشهد.. لا سقف للحرية
